المصرين يطلقون هشتاج
#إلغاء_سياسة_الاستخدام_العادل علي مواقع التواصل الاجتماعي تويتر فيس بوك انستا شارك الان
غضب شعبى كبير على شركات الاتصالات فى مصر
بسبب الانترنت المحدود
مستحيل تطبيقها؟ ما كانت موجودة قبل ٢٠١١ !!!
ده تضليل وكذب رخيص.
بعد ٢٠١١ حصلت سيطرة كاملة على خدمات الإنترنت، وTEData أو WE هم المورد الأساسي والمتحكم في بيع الخدمة. أورانج وفودافون مجرد بائعين قطاعيين، وWE كانت تتمتع بكل المميزات، وفي فترة ما كانت الوحيدة اللي بتقدم السرعات العالية. النسبة اللي بتدفعها جزء كبير منها بيروح للدولة باسم جهاز تنظيم الاتصالات، وهم اللي بيحددوا الأسعار وغالبًا بيزودوها علشان الإيرادات تزيد، وبالتالي التنافسية معدومة. كمان مفيش أي استثمارات حقيقية زي الـFTTH إلا في مناطق معينة زي العاصمة الخرية الجديدة، ولو حابب تركبه في شقتك لازم يركب للعمارة كلها وتدفع تكاليف مبالغ فيها. طب بدفع الخدمة ليه بقى؟ إلا لو علشان ادعم تبذير الدولة؟
ومصر موقعها بيخليها نقطة مرور لكل خطوط الربط، يعني المفروض الأسعار تبقى مميزة. كما إن مافيش داتا سنتر "carrier neutral" إلا ١ أو ٢. تنافسية صفر. بالمناسبة، الكلام ده مش من عندي قاله لي شخصياً وزير اتصالات سابق بخلفية فنية عسكرية وكان بيقوله بكل فخر، ودي العقلية اللي معيشنا فيها.
وطبعاً محدش عايز يتكلم عن الموضوع ده، باعتبار إن المواطنين مش فاهمينه، وكأن النظام مش عايز يكون فيه خدمة إنترنت إلا للضرورة القصوى. طيب إزاي عايزين تدخلوا في عالم الذكاء الاصطناعي و"بناء الإنسان" المتعلم؟
أتحدى الحكومة تعلن الأرقام الحقيقية والتفصيلية بدل التصريحات الفارغة بتاعت العيال الكذابة دي.
جمهورية آلخيابه الجديدة.
عمرك سألت نفسك ليه الإنترنت في مصر محدود؟
الحقيقة إن المواطن المصري مظلوم في ملف الإنترنت واللي بيحصل مش مجرد “نظام باقات” عادي لكن تحميل المواطن تكلفة غير عادلة مقابل خدمة أساسية الإنترنت النهارده مش رفاهية
ده تعليم شغل تواصل وخدمات حكومية و رقمية
#الغاء_سياسه_الاستخدام_العادل