عبدالرحمن

Doctor

[عبدالرحمن @mota2357]

هيجي اليوم الي هندّمك فيه ع غباءك الإجتماعي ي صحبي

[عبدالرحمن @mota2357]

@nthmakesense هو عدى احاا ومسك في المواعين !!

[عبدالرحمن @mota2357]

الضعف الجنسي في صورة

[عبدالرحمن @mota2357]

لو افترضنا جدلا ان فعلا ماشي ع نظام الطيبات بالحرف ومبيضحكش علينا ورا الكاميرا ، الواد ده عايز يوصل لإيه .؟! شهرة ؟ طيب ما يبني مفيش ترند بيستمر كتيره نظام الطيبات هيستمر ذكره أد ايه يعني وخاصة بعد وفاة دكتور ضياء .؟! طيب انت خلاص نسيت موضوع القايمة وتزويج الشباب ومحاكم الأسرة ووفرت طاقتك لعصير الجوافة .؟! طيب مثلا انت عايز تكمل مسيرة الدكتور ضياء وتحمل الراية بداله مانت مش هتعرف لأن معندكش علمه الي يقدر من خلاله يدلس ويفبرك معلومة ، معندكش موهبته ف توصيل معلومة حتى لو كانت خطأ هو كان هباد بس بفن مكانش جاهل بس متعمد ينشر جهل ، انت بقى عايز ايه .؟! انت الي للدرجادي افكارك فلست ، مفيش اي فكرة لصناعة محتوى غير العبط الي بتعمله ده ، يبني والله انا مشفق عليك اصلي لو انت بتتكلم بصدق فده لايف استايل مينفعش تغيره بعد كده زي الڤيجيترين كده مينفعش ياكل لحمة 😆

[عبدالرحمن @mota2357]

تدليس لأبعد الحدود ، مش كل مَن دخل طب معرفش يعمل فلوس ، شباب كتير عرفت تعمل فلوس من الطب ومن الأجيال الجديدة كمان آه دخلهم بيبقى مشكوك فيه لأنه بيستعجل ويفتح عيادة ف قرية وهو لسا مش qualified بس من منظور المادة فهو عمل وأظن صاحب البوست هنا يقصد فقراء المادة وليس فقراء الضمير والأخلاق ، فيه شباب عرفت تعمل فلوس من الطب عن طريق انه شرح المواد ال basic للطلبة الأصغر منهم وبرعوا ف ده ، فيه شباب عملوا فلوس من الطب لأن second generation ولقى صنايعي يعلمه من أيام الدارسة ومجرد ما بقى امتياز بقى يشيل شفتات ، فيه شباب عملت فلوس من الطب عن طريق الريسيرش فيه شباب عملت فلوس من الطب بشرح وتأهيل الطلبة لامتحانات ال USMLE .. فبالله عليك ياخي خليك موضوعي وصادق في اوصافك وكلامك ومتعممش ولا تُكثر من الإطلاقات من أجل تحقيق الكوميديا ، خليك نزيه ومتبقاش بض"ان .

[عبدالرحمن @mota2357]

صدقت ورب الكعبة ، لدرجة إن الواحد فقد الأمل في إن حد يحبه أو يقف جنبه بدون مقابل ، لابد أن تكون صاحب فَضل أو مكانة حتى يجتمعوا حولك كالذباب !!

[عبدالرحمن @mota2357]

فيه كمية حب للتعريي؛ص والتطبيل في الإنسان المصري غير طبيعية بصراحة !! تحس انه بيدور دايما ع ان يكون ليه dominant يستمد الباور منه لدرجة انه ممكن يعرض لسواق الميكروباص ضد الركاب كون انه قعد ع الكرسيين الي جنبه مش اكتر !! ايه الشعب ده الناس دي راضعة ايه مفيش حد ذكر بالصدفه حتى قدامهم إن الفتنة أشد من القتل !! تخيل إن في ناس مصدر فلوسها واكل عيشها قائم فقط ع الفتنة ونقل الكلام!!

[عبدالرحمن @mota2357]

ايه كمية الإطراء دي الي شايفينها من الأزهرية من ساعة مكالمة الشيخ للبنتين التوآم .؟! مكنتش اعرف أن الأزهرية فيهم الطباع دي .؟! يعني ع الهادي مش كده ي جماعة موقف جميل للشيخ لكن مش كده . كل حرف وكل كلمة عملتوا ليها مشهد منفصل للتعظيم والتفخيم ، سبحانك يارب ده شكله داء ف الإنسان المصري !!

[عبدالرحمن @mota2357]

مبروووك للشباب الثانوية العامة الي جابوا مجموع كلية الطب وناويين عليها إن شاء الله ❤️ بص ي حبيبي منك ليه أولا لو مش جايب مجموع طب حكومي إياك ثم إياك تدخل طب خاص حرام عليك نفسك وفلوس العيلة وأراضي جدك الي هتتباع وتتصرف عليك انت تشوفلك هجرة غير شرعية لإيطاليا بربع الفلوس دي أشيكلك اقسم بالله.

بتوع الحكومي بقا مش هتكلم كتير ومش هقلك ادخل طب ولا متدخلش براحتك ده قرارك لكن...

- عايزك تبص ع الفيديوهات الي فيها تعدي ع الأطباء بوحشية وانعدام تام للتقدير والإحترام

- عايزك تعرف ان مرتب طبيب الامتياز بعد اكتر من خمس سنوات دراسة هو ٢٦٠٠ ج

-عايزك تعرف إن مرتب طبيب التكليف لا يتعدى ال ٩٠٠٠ جنيه كحد أقصى .

[عبدالرحمن @mota2357]

ساعات بفضل إن معرفش الحقيقة لأنها مؤلمة ومحزنة ، ساعات بفضل إني محتاج أسمع الأخبار الي فيها أمل و إنجاز حتى لو كانت مش صح ، لابد أن تتجرع شيئاً من الأمل الكاذب حتى لا يقتلك حنظل الحقيقة الدائم 😔

[عبدالرحمن @mota2357]

"هو موهوب جدا بس مش واخد حقه "

أكتر جملة مستفزة بالنسبالي .

هو مين ممكن يديك حقك أصلا .؟! محدش هينصفك ولا هيقف جنبك ولا هيعترف بشطارتك حتى لو كنت الأمهر ، ده بالعكس هيحاربوك ويكسروا فيك ع كد ما يقدروا ، حقك ده لازم تديه لنفسك وتنتزعه من فمِ الأسد وزي ما قال عبدالغفور البرعي الدنيا ما بتديش غير الي عايز ياخد والي يقادر ياخد ، فمتسمعش الكلام العبيط ده الي يقلك هو موهوب جدا بس مشكلته انه مش واخد حقه ، محصلش ومش هيحصل هو لو موهوب كفاية كان نزع حقه بإيده رغماً عن أنف التخين.

[عبدالرحمن @mota2357]

كان فيه شباب أول لما يشوف بنت منزلة صورتها عالسوشيال ميديا كبروفايل بكتشر او استوري يزندقها فورا ويعلم عليها أكس يعني الي هو مينعش يرتبط بيها بعدين نظرا لهذا الفعل المشين !! انا هنا لست بصدد النقاش حول موضوع الصور ده .. لكن الي لفت انتباهي ان الشاب الي كان بيستنكر فعل البنت واستبعدها من حساباته فعلا ارتبط بواحدة مبتنزلش صورها وحاطة صورة حزلقوم بروفايل بكتشر بس الخدعة والمهارة فين بقى ؟!! ان بعد الخطوبة بقا هو الي ينزل صوره معاها ع البروفايل عنده !! متفهمش هو الإنتقاد في مخيلته كان ان طالما سنجل مينفعش لكن طالما بقت engaged ف بيس مفيش مشاكل 😅 انا شايف ان ال post engagement syndrome دي سببها عدم أكل اللحمة لأن قيل أن غيرة العرب نشأت من أكل اللحمة وبما إن اللحمة غليت فالغيرة شحت 🫠

[عبدالرحمن @mota2357]

@Doaa_s_soliman نايب هجاص

[عبدالرحمن @mota2357]

الغبي بيقول ازاي أدوات الجراحة موجودة في الخاص ومش موجوده هنا في الحكومة .؟!

والله عمال أحلل في الجملة دي يمين شمال مش فاهمها ، الي هو يبني مانت الحكومة مش الدكتور.؟! يعني احنا الي المفروض نسألك انت السؤال ده ، يعني هل تواجد الأدوات الجراحية في الخاص ده بمثابة إقامة حجة ع طبيب الحكومة مثلا !! اي ذنب ميت.ين أم طبيب الحكومة الراجل جاله مستلزمات هيشتغل بيها مجالوش وفرهاله انت ي نطع مانت الي بتمثل الحكومة مش هو !!

[عبدالرحمن @mota2357]

فعلا تلاقي الشاب بدأ يلتزم وربنا كرمه ويدوبك بدأ يعرف من الدين أن إطلاق اللحية واجب هوب دبل كيك تلاقيه انعزل وخد أوضة لوحده في البيت وعمل زي عبدالوهاب ابن عبدالغفور البرعي حتى الأكل مش عايز ياكل معاهم الجماعة المتزندقين دول مصاصي الدماء مروجي الفاحشة !! طيب يبني انصحهم كلمهم يقولك والله حصل ومسمعوش الكلام تسأل نصحتهم كام مرة تلاقيه نصحهم مرة ونص !! بيبقا فيه كمية نطاعة ولطاخة في الشباب دي غير طبيعية الي هو حتى لو حد من بقية العيلة عايز يلتزم يشوفه نفسه تسد واحتمال يلحد !!

[عبدالرحمن @mota2357]

اختزال مشاكل المسلمين في إن البنات بتنزل تشتغل ده عبط وسفه, لأن البنت في الأغلب نزلت تشتغل عشان سبب ما فشغل المرآة في معظم الأحوال نتيجة وليست سبب فانت لازم تعالج الاسباب الاول وبعد كده النتائج هتتصلح تلقائيا ، ده بالظبط زي الي بيطلع يقول عايزين نحل مشكلة العنوسة في حين إن العنوسة في حد ذاتها مش مشكلة رئيسية بل هي نتيجة مترتبة على الفقر والبطالة وشروط الزواج الصعبة الي بتفرضها العائلات ع الشباب ورفض جزء من المجتمع لفكرة التعدد التي أباحها الشرع وغيرها من الأسباب . فزي ما قلنا شغل المرآة نتيجة مش سبب قد يكون نتيجة للطلاق نتيجة لوفاة الزوج وعدم وجود معاش أو معونة من الدولة للأرمل أو نتيجة لنطاعة أخ أو أب أو زوج هو من أمرها بالنزول للعمل .

[عبدالرحمن @mota2357]

رد سيء جدا ومحبط لأبعد الحدود ، تقوله منتقبه عدا العينين يقولها لازم تحافظي على الناس !! يعني تعمل ايه تاني مش فاهم هي قدمت ما تستطيع وانتقبت وسترت وجهها عدا العينين الناس بقا عليهم بغص البصر مش لازم نفطسها يعني !! ماعز ايه الي لو انتقبت تفتن ده كلام برضو ، يسروها شوية متحبكوهاش لأن كشف الوجه واليدين أجازه فريق من الفقهاء أصلا .

[عبدالرحمن @mota2357]

حصلتلك ظروف صعبة سواء مرضية أو مشاكل عائلية أو ظروف نفسية عرقلتك على جمع الدرجات أثناء فترة الكلية وتقديرك بقى سيء، قلت تسمع كلمتين للدكتور علي حسيب يمكن يقلك لسا فيه أمل انك تقف ع رجليك من تاني

هو : أنت معندكش إرادة ي ٥٠٠ ع الدفعة

[عبدالرحمن @mota2357]

لو جايلك مريض في التلاتينات من العمر ب SVT وعملتله ecg وشوفت كمان فيه ischaemic changes سيبك منها دلوقتي وخليك مع ال tachycardia عالج سببها الأول لأن ال ischaemic changes دي غالبا كاذبة ودي عبارة عن
Supply demand mismatch

[عبدالرحمن @mota2357]

أماا بقاا الي مجابش مجموع فده لإمااا مذاكرش أصلا وهنااا عليه اللوم ف التقصير وعدم الأخذ بالأسباب وعليه أن يسلك طريقاً آخر لتعويض تقصيره ، لإماا واحد ذاكر بالفعل ولم يُوفق وهنااا لا يكلف الله نفساً إلا وسعها وعليه أن يواصل ف اجتهاده ف الخير مقدر ومكتوب له ف بابٍ أخر.

[عبدالرحمن @mota2357]

ويُعتبر الإجتهاد ف الثانوية العامة من صور الأخذ بالأسباب التي حثنااا عليهااا رسولنا الكريم ، فمتجيش تقول للطالب الي تفوق ف الثانوية متفرحش قوي انك ناجح ف منظومة فاشلة.!! مهو مش ذنبه يبني آدم ان المنظومة فاشلة وان التعليم متدني ومش ذنبه انه اتولد ف مصر أصلا.!!

[عبدالرحمن @mota2357]

فانت بتقلل من مجهوده بحجة ان العملية التعليمية ف مصر تتذيل قوائم التعليم ف العالم طيب هو كان المطلوب منه يعمل ايه يعني.؟! هتبقى العملية فاشلة والفرد كمان فاشل اهااا أخذ بالأسباب وخلاص ،