Mr.sh @mr_shhm - Twitter Profile

ما شاء الله تبارك الرحمن ولا حول ولا قوة إلا بالله الزملاء والزميلات، بما أنها فترة تقديم للدراسات العليا، وبما أني كنت منزلة ثريدات بخصوص هالاختبارين وحذفتها لظهور معلومات شخصية، ومع كثرة الأسئلة بالخاص وتأخر الردود، قررت أعيد نشرها مرة ثانية بشكل مرتب أولًا: اختبار اللغة الإنجليزية (STEP) مستواي وقت الاختبار كان تقريبًا بين A1 إلى A2، يعني لغتي ضعيفة جدًا، فقط أساسيات المدرسة وبعض التعامل اليومي البسيط الحمدلله جبت ٩٠ بعد ثلاث أسابيع من المذاكرة المكثفة من دورة عايد الاختبار جاتني منه أشياء كثيرة من التجميعات، باستثناء القسم الرابع كان جديد علي كليًا عمومًا STEP مو اختبار لغة بقدر ما هو اختبار تكنيكات حل؛ إذا عرفت التريكات والمفاتيح تمشي أمورك كمان ما فيه قسم تحدث ولا كتابة، كله اختياري، ففرصة رفع الدرجة فيه أعلى ثانيًا: اختبار قدرات الجامعيين يشبه قدرات المدرسة إلى حد ما (أتكلم عن وقتي، ما أعرف وضعه الآن) ايام المدرسة ما كان فيه مكعبات أو تتبع أشكال أو أسئلة منطق، كان فقط لفظي وكمي ذاكرت من: ١- قناة سمو الأوائل (تيليقرام) ٢- قناة دايمنشن (تيليقرام) ٣- مقاطع وائل بن عبدالله وعماد الجزيري وفهد التميمي (يوتيوب) كنت أراجع الأساسيات، وإذا فيه شيء ما فهمته أبحث باسمه وأشوف أي شرح باليوتيوب، أو حتى أسأل الذكاء الاصطناعي بالنسبة لي قدرات الجامعيين كان أصعب من القدرة المعرفية (وشفت ناس تقول نفس الشيء، لكن مو مقياس ثابت) عانيت شوي في المذاكرة، وحتى في الاختبار توترت، خصوصًا بأسئلة المنطق إذا كانت من خارج التجميعات برضو أخذ مني تقريبًا ثلاث أسابيع، ومقدور عليه إن شاء الله، لكن يحتاج تختيم تجميعات وتدريب كثير، وترا تجي اسئلة من التجميعات أحيانًا نسخ لصق وأحيانًا نفس الفكرة من وجهة نظري ودي تلحقون تختبرونه الفترة الحالية؛ لأن بدأت تظهر اسئلة جديدة إذا عندكم أي سؤال محدد، اكتبوه تحت التغريدة وبجاوبكم بإذن الله 🙏🏻🤍