أبو رمح المسعودي

[أبو رمح المسعودي @ms__515]

@e_2010_y @Majid_20a صح الله بدنك
كلها فيها علاج ههههههههه

[أبو رمح المسعودي @ms__515]

فزتي من نومي البارحه فزة غريم
حس بخصومه وصابه من الراعه بلا

يامقابيل الليال ادري ان الله كريم
بشري قلبً من اللي مضاله ما سلا

ماعشق من نادرات الوصايف غير ريم
ريم تاخذ من وصايفك ياريم الفلا

الوليف اللي كلامه سوات الاسكريم
نبرته فيها عذوبه وفي نطقه حلا
#أبو_رمح_المسعودي

[أبو رمح المسعودي @ms__515]

@Majid_20a ونعم بالله صح بدنك ياماجد

[أبو رمح المسعودي @ms__515]

@Majid_20a تسلم ياماجد صح الله بدنك

[أبو رمح المسعودي @ms__515]

يا طول بالي على الدنيا وقلبي حزين
اليا ضوى الليل يا سرحان فكري سرح

اهملت نفسي على شان ارضي الآخرين
اخفي شعور الحزن واخفي شعور الفرح

#أبو_رمح_المسعودي

[أبو رمح المسعودي @ms__515]

مايواسي ضيقتي فيك ياغبر الديار
غير ليلً يستضيف الوليف اليا طرا

#أبو_رمح_المسعودي

[أبو رمح المسعودي @ms__515]

يابنت ياللي كن في خدك عقود
معياد شيخً في نهار الشهاده

الشوق لمعايدكم يقودني قود
قود الاسير اللي تحرر قياده

جيتك وصدري من محبتك ملهود
سم الصبر كبده ولوع فواده

آقف جبل في شدة أيامي السود
واطيح لا شفت النحر والقلاده

#أبو_رمح_المسعودي

[أبو رمح المسعودي @ms__515]

يارفيقي ترا هجس القصايد ماش
صمت مادمت سالم من عرب سلمى

لا تشوش عليّ الهاجس الشواش
خل فيض المشاعر لا شراب الماء

#أبو_رمح_المسعودي

[أبو رمح المسعودي @ms__515]

عيوني لها شهرين ما شافت الطيموش
ورا الحره اللي بيني وبينها وادي
ادور من يسكّن علي الخلا بقروش
انا مغترب في عقر داري وفبلادي
#أبو_رمح_المسعودي

[أبو رمح المسعودي @ms__515]

يامضيعني على دربك ضياع
هد من روعي علاك وردّني
خفف من الهجر قدر المستطاع
السنين اللي مضن تسدّني

#أبو_رمح_المسعودي

[أبو رمح المسعودي @ms__515]

يادليل القلب يا نور العيون
قود نفسي للدروب الآمنه

تهت في بحر التوجس والضنون
موجها الغدار ماني ضامنه

ودي استنطق شفاك من السكون
كان في صدرك مشاعر كامنه

لا تبيتني على الشوق مغبون
وانته من المعجزات الثامنه

ارفع المتراس وارخ الساكتون
لا تجي عن نوزها متيامنه

[أبو رمح المسعودي @ms__515]

@abu_mashari_ صح بدنك

[أبو رمح المسعودي @ms__515]

كل ماعديت فالرجم الابيض من يسار
طبّت الفيه عليه وانا راس القرا
مايواسي ضيقتي فيك ياغبر الديار
غير ليلً يستضيف الوليف اليا طرا
#أبو_رمح_المسعودي

[أبو رمح المسعودي @ms__515]

رمحي ليا مني نويت المعركة مشهاب نار
وهجوسي تسوي على خط التماس مناوره
#أبو_رمح_المسعودي

[أبو رمح المسعودي @ms__515]

@Majid_20a تسلم ياماجد طال عمرك وصح بدنك

[أبو رمح المسعودي @ms__515]

ياجميل الصبر لاتثقل على النفس القنوعه
مومنه بالله لكن الزمان الشين فاجع
ماينوش الرجل حلمه نوش لين يحب كوعه
كل ما العمر يتقدم كل ما الحلم يتراجع
#أبو_رمح_المسعودي

[أبو رمح المسعودي @ms__515]

يافكري اللي كل الاوقات مشغول
على مدار اربع وعشرين ساعه
حتى عزلني غصب واصبحت معزول
وابعدني اعن مناسبات الجماعه
#أبو_رمح_المسعودي

[أبو رمح المسعودي @ms__515]

@abu_mashari_ صح بدنك

[أبو رمح المسعودي @ms__515]

ياللي تعاتبني على حزني بعد فات الاوان
خل النصيحه بعد ما راح العمر ما اريدها
ازريت ابرّد قلبي اللي فيه حرقه من زمان
الليل ما يرفق علاها والنهار يزيدها
#أبو_رمح_المسعودي

[أبو رمح المسعودي @ms__515]

@hadag_10 صح الله بدنك لاهنت