سـلّـمـوكـ

اليا ابتلشنا بالصعيبات ننصاك

[سـلّـمـوكـ @msfeeer_99]

دور على اللي يموت ولا ظهر زيفه
يبقى لك اقرب من اخوك و ولد عمك

وخـلك من اللي مشاريهه على كيـفه
اليا رضا يمدحك والـيا زعـل ذمك

[سـلّـمـوكـ @msfeeer_99]

التمادي كسر خاطر والوقوف اجباري
والرجوع ارخص ثمن من عمري اللي سقته

وانت ماعادك بالاول وانا قدني داري
حتى عطرك لو يسولف عنك ماصدقته

ياجديد الشعر والا ياقديم اخباري
لايموت الحب خل الحب ياخذ وقته

بري حالي منك مدري وش يجيب الطاري
وانت حلمٍ لاعتق روحي ولا حققته .

[مودّع 🇰🇼 @Mw__90_]

انا تولعت بك ..ماعاد لي فكه
مدري البلا منك ولا اني تبليتك

ماقلت احبك عبث والا عن الشكه
تبيني اقسم قسم بـ الله اني حبيتك .

[مراّسيل @aq_3oo]

أنا وين أبهرب منك مافي هروبي فود
فؤادي معاك وفي هواك انفتن جدا

الاقيك في مطلع قصيدة ونسمة نود
وفي البدر لا ضوى وفي الورد لا ندى

وفي كل طرف أدعج وفي كل ضامر عود
وفي وجه من لبى وفي صوت من فدى

وفي حلمي الغادي وفي نصفي المفقود
وليل ٍ هقيت إنه يعدي ولا عدى .

[صللّف .. @9lf_0]

جتني مشْاريهك البارح وأنا البارح
اقدر على " الرد " لكن يومها جتّني ؟
ㅤㅤ
حنيتك من " الكلام " الموجّع الجارح
و سكت وأنا ماعاش الليّ يسكتني :)

[علـــي @Ali_q089]

طريت في بالي وفجأة تبسمــت
وغمضت من لذه خيالي عيونــي

الليل والذكرى وطاريك والصمت
هالأربعة في غيبتك ســامرونـــي

[ولـهہ' @500_mm5]

حاول اصحابك يكونون ناس معينين
و دوّر الواااافين لو فالزمن يـ قلهم

ولا تكثرهم ترى كثرهم مااااهو بـ زين
زحمة الاصحاب يمكن تغيّر دلّهم

حط لـ الفزعه ثلااااثه و لـ الخوه اثنين
وان تعكّر جوّك اسحب عليهم كلهم :)

[كاترينا @ktrhkl]

لو يهول فـ الشعور وصد عني صد عايف
ماقدر يمحي وجودي لو بغى عمره يعيده

والحنين يْشوّفه زولي لو إن ماهو بشايف
ذكرياته في زوايا غرفته ماني بعيده

أدري إني كل ليله بينه وبين الحسايف
يوم يذرفني دموع ويوم يكتبني قصيده

[سـلّـمـوكـ @msfeeer_99]

استخرت وخيرت الله باختياري
خيرة اللي شرها واكب لخيره

خيرتي وصدوفها صعب اختباري
والصبر محمود وسيوفه شطيره

عاد انا ودي بمنحك كل طاري
دام انا وياك تجبرنا الجبيره

تستشك وتستثير وانت ثاري
ان خذيته تحدني دعوه كبيره

[سـلـطـان @O0d0]

صديت من عز نفس وطيب خاطر
لا طابت النفس يرخص كل غالي .

[ولـهہ' @500_mm5]

متى مانعس لك طرف نامي قريرة عين
على راحتك مايتعب إلا قدم ساقي

ترا الليله اللي ماتغيّرك - عشر سنين
ماهي ليلة وصالي .. ولا ليلة فراقي

[فهد💙♛ @f__f89]

﷽

﴿ إِنَّ اللَّهَ وَمَلٰئِكَتَهُ يُصَلّونَ عَلَى النَّبِىِّ يٰأَيُّهَا الَّذينَ ءامَنوا صَلّوا عَلَيهِ وَسَلِّموا تَسليمًا ﴾

قال رسول الله ﷺ :
﴿ أَوْلى النَّاسِ بِي يوْمَ الْقِيامةِ أَكْثَرُهُم عَليَّ صَلاَةً ﴾ .

اللهم صل وسلم على نبينا محمد ﷺ

#يوم_Iلجمعه

[♡ ﮼شطر..🖤 @911__q8y]

وشلون أسج القدم و أرتاح من كل ضيق
ومساحة الضيقه أوسع من فجوج وطنيّ

الضحكه الدايمة في مبسمي .. ماتليق
كنها .. " قصيدة فقيرٍ ، مشتريها غني "

[غـزل 💗 @956kuw]

صلوا على من جاء بالهُدى لنَهتدي به ،
اللهُم صل وسلم على نبينا مُحمد ﷺ🤍.

[ッ 💙 @75__qr]

عطاك الله قبول و كل مامر العرب طاريك
تلج اصواتهم مابين نعم و حيّ هالطاري💙:)

[سـٌدآح .. @1874th]

كم غايب ماغاب ذكره عن البال
وكم حاضر يشبه حضوره غيابه

ماكل من يبعد عن العين ننساه 
بعض البشر طيبه يعوض مكانه ")

[سـلّـمـوكـ @msfeeer_99]

ياضمير ٍفيك من جاير الفرقاء رسوم
و بينك و بين الشقاء مابقا الا فاصله

دام ترهقك الطواري وتسهر كل يوم
لو تدور راحة البال مااهي حاصله

ادري انك صاير ماش والصبر معدوم
والحزن له مده يواصلك و تواصله

مبطي من السجه اللي تنسيك الهموم
والمزاج الزين و النومه المتواصله .

[سـٌدآح .. @1874th]

أتغيشم لك و أنا ماني غشيم
و الخطا مردود و الزلّه بلاش

النقاش أحيان موضوعه عقيم
لا تلوم اللي قفل باب النقاش ")

[صللّف .. @9lf_0]

مع أكثر الناس عيّا ما صفا جوّي
أميّز الكلمة اللي مالها خانة

والله مايدري العاقل وش يسوّي
" يطوّل البال ولا يطوّل لسانه "