᷂محمد

" ذؤ ودَ لـ من دآم ودٌه "

[᷂محمد @msqqtr]

مقتنع بـ الزمان ، ومستريح الضمير
القدر في يد الله ، والصبر في يدي .

[᷂محمد @msqqtr]

في مجريات الحياة، العقل دربّه دليل
أسرافك الزايد بطيبك بلا فايده

حْاول تجي معتدل ويصير مالك مثيل
ما ينّكب الطيب إلا الطيبه الزايده

-تركي الحويّدر

[᷂محمد @msqqtr]

وانا أشوف الليالي تاخذك مني ، شوي شوي
تظاهرت الصبر لو كان باطن صبري احباطي

" غريقٍ " سلّم أمره في يدين الموت عاده حي
حذف عمره على الموج وحذف حلمه على الشاطي

[᷂محمد @msqqtr]

ما أنتي إلا نسمةٍ بعيون من كبر وهلل
شمها بالقدس من صلّى الفجر وأقفى لبيته

[᷂محمد @msqqtr]

رفيق الذاكره وان شحّت الذكرى بدون أسباب
خذيت الأرض مسعى لين أعيّن دربٍ أسري به

[᷂محمد @msqqtr]

وش استفدت من النباهة يا نبيه
يوميًا الفرصة تمرّك… وتعبر

ولا لقيت لحالتك عذرًا وجيه
الا انك تحب التحلّي بـ الصبر

تاخذ من أمثلة الزمان اللي تبيه
وتخلي الباقي وهي فيها عِبر

ترى التجاعيد اللي تطلع فـ الوجيه
هذا حزن يا صاحبي ماهو كبر .

[᷂محمد @msqqtr]

شارد البال لا طالت بك شفوفي
هذي سنين عمري فـ المدى عجلة

أتنقل وأخيط جروحي وصوفي
وأنت عينك ديار وضحكتك خجلة

قد تلاقت ظروفك فـ أول ظروفي
قبل سربك يطير فروحك الوجلة

الهوى والقصيد، وحزني، وخوفي
كان ما هي لأجل ضحكتك من لأجله ؟

[᷂محمد @msqqtr]

أكثر الطرق مشقةٍ هي التي يقطعها المرء عائدًا لإيجاد نفسه"
- محمد شكري

" رجعت من الغياب المُرّ لكن ما رجعت إياي
يا ليت اللي يرد الغايبين يردني يمّي"
- عويّد النجود

[᷂محمد @msqqtr]

عزاي إني رغم شدَّة وضوحي ما عشقت إلَّاك
لَكنْ اللي سرقني - عن عيونك - شدَّة وضوحي

حبيبي ، وش مصير الشعر لولا طلَّة محيَّاك ؟
دخيل الله لا تقتل هواي ، وتجرَح مزوحي !

تخيّرتك وأنا ماني بـ جاهل وجهك ، ومبداك
أشوفك ديرةٍ ضمَّت مداي ، ونصف من روحي "

[᷂محمد @msqqtr]

سقط من كبريائي شي تفرح به وجيه عداك
مثل ماطاح من عنق الزجاجه " عقلي التايه "

انا من لعنة حظوظ الزمان .. الباكي الضحاك
صعنت من ابتساماتي " قصص وكتاب و روايه "

تراك بـ حل لو تترك وطنك وترحل لـ منفاك
من الانصاف ... " كل يحترم رغم الأذى رايه "

[᷂محمد @msqqtr]

مع اني خابر ان الشمس عقب غيابها بتبين
احس انها ليا غابت من عيوني تودعني

واشك انها ليا غابت تروح وتطرد المقفين
وانا الي شيمتي عن طردت المقفين تمنعني !

[᷂محمد @msqqtr]

ورى كل درب، وكل مسرى، وكل شعور
يشلّ السهارى "طيف" ويشلّني "كاحل"

وأدفّ الليالي في سما الذاكرة بالدور ،
مثل ما تدف الريح -الأمواج- للساحل

ما لُمت النسيم اللي طرَق نافرٍ مستور
ألوم أنتظاري — ليه ما أشد له، وآحِل !

[᷂محمد @msqqtr]

أحبّك كنّ ما قبلك عزيز ولا سواك شعور
لو إن الناس مرّتني -أحبك- من حناجرها

كأنك أرض تأويني وكن العالمين بحور
وكنّي شعب ما يقدر يسافر .. أو يهاجرها

[᷂محمد @msqqtr]

ما فيه راحه لعين مدور الراحه
نص الفضول أقتحم سور الخصوصيه

حلم تلاشى ، وقفلٍ ضاع مفتاحه
وجدية الحزن ما تحتاج جديه

أستامن العين وأثر العين فضاحه
طرالها شيً محد جاب طاريه

مدري تعاظم كبر جرحه ، وجراحه
وإلا البطل دايم جروحه بطوليه ؟

- مدغم أبو شيبه

[᷂محمد @msqqtr]

على عيدك مبارك تاقف امال انتظاري سيد
هي اللي كانها ما جات منك مالها شاغر

تمر الذاكره كنك شغف جدة ثياب العيد
شعورً كل ما كني كبرت اعود له صاغر

تلاعبك الطواري في خيالي واتهدا واتزيد
مثل ليعاب ذعذاع النسيم لـ ريشة الداغر ؛)

[᷂محمد @msqqtr]

ثلاث ساعات في عرض السماء تبرق
وانا اتلهف مطر .. ! ويلي على نبتي

ابغى سحابة من المغرب ليا المشرق
تغسل سواليفي و شرهاتي و صمتي

لو تكتسي السبعة الاراضي : استبرق
عيني على البرق ما ناظرت وش تحتي"

- سعد الحرش

[᷂محمد @msqqtr]

فقدك الندىّ واول طريقي وصّدر الدار
ياوجهٍ؛ لو تْملّ الصور منه . . ما أملّه

معك كنّي أخذ في فضى ليلتي مشوار
واجاذبك صبحٍ؛ يفهَق العمر عن حِلّه

عكفّك الجفاف إن مرت الناس والزوار
شجر واديٍ كم مرّه الغيم ما بلّه؟

تساقط يباس وشرهته ماعليها غبار
اداري دقاقه، واتطّلع على جلّه

[᷂محمد @msqqtr]

يا رب أنا مهما ألتهي و أذنب و أهيم
من خشيتك ، ما زال صدري ممتلي

جيتك بـ عينٍ تدمع ، و قلبٍ سليم
أبثّ لك خوفي ، و حزني ، و زعلي

أكرمني بـ عفوك و لطفك .. يا كريم
و لا تحاسبني ، بـ جهدي و عملي .

[᷂محمد @msqqtr]

لا سقى الله جيتي صوب بيتك يوم جيت
زادت العلة وأنا طارش قضاي شان

يا وليفي كل ما جابك الطاري بكيت !
أتذكر صافي الحب منك والحنان

والله ان اقضي العمر كله مانسيت
وان غلاك بداخل القلب ضاق به المكان

والله اني لا اقضي العمر كله ما نسيت
وإن غلاك بداخل الكبد ضاق به المكان

ابن نوطان

[᷂محمد @msqqtr]

الله يسامح مشاعر قلبي القاسي
قسى على ناس ماتستاهل القسوه

- علي الدعيه

[᷂محمد @msqqtr]

⠀نستحي منك ياربّي من ذنوبٍ مالها آخر
عن جحيم النار لولا رحمتك .. كيف نتتقّى؟

يالله اعتقنا من النيران في العشر الأواخر
واغفر لنا ما مضى واحسِن لنا فيما تبقّى

- راشد آل صبيح