‏متعب

[‏متعب @mtab__96]

ياعذاب الي هقاويه واحلامه كبار
يحسب الدنيا تراعي شعور الطيبين

مايبي العالم يشوفون فيه الانكسار
مبتسم والابتسامات من طبع الحزين

الزمن دوار وانا نشدته يوم دار
قلت ليش تدور قال انتظر ما درت زين

صكت الصكات راسي جعل راسي مجار
من معآناة وظروف وبقايا راحلين

[‏متعب @mtab__96]

مداوم من ٦ ونص احتري هوشه بالدوام انتظرها لي سنتين وابشرك بتصير الحين🤙🏻🤙🏻

[‏متعب @mtab__96]

والله من الغلا وين اوديك !!!

بارت الصبح ذا اليوم

[‏متعب @mtab__96]

من قو العروس الي عندنا عرسين بنفس اليوم 🤯🤯

[‏متعب @mtab__96]

عشوائيات الجمعه🤙🏻

[‏متعب @mtab__96]

حنايا نحر زين الوصايف نحيل العود
سوافي نفودٍ لاهب القيض راسمها

[‏متعب @mtab__96]

الردوف الي شكى الوركين منها
من سببها كل ما جيت اتنكد

والله اني دوب ارد النفس عنها
ودي المسها علشان اتاكد

[‏متعب @mtab__96]

اه ياقلبن من الحب يتواكل
وسبب من خصرها دق ارقبتها

ماجنت من ردفها غير المشاكل
كل شي يضيع يلقونه تحتها

[‏متعب @mtab__96]

وأن نزل شوفي على تفاحك وليمونك
مالي الا عظة شفاهي تحت ناجدها

وأن جذبت من اللحون اللي سواه لحونك
ودع الله ليلتك واسهر ولاترقدها

[‏متعب @mtab__96]

حظي اللي جابني في عيادات الحبيب
طر جيبي يوم شفت نوره معرّضه

جيت للموعد وانا حاجتي عند الطبيب
مادريت ان الدواء في عيون ممرضه

[‏متعب @mtab__96]

🤙🏻

[‏متعب @mtab__96]

ياوجود اللي عشق له فلانيه
في صِلات الرحم ماهوب وياها

ذوّقتني هجرها ثاني ضحيه
و اصطلت روحي على حر فرقاها

طيّرت من غصن الاشواق قمريه
وارهنتني في هواها ولاماها

حايل من دونها حول و شويه
مير مالله حال من دون ذكراها

كل حاجة باقيه مثل ماهيّه
ماسرا معها على درب مسراها

غير عضوٍ في جهتي الشماليه
فاع من عوج الحنايا و خاواها

ودمعةٍ نطّحتها راحة يديه
اوف يا محرّها و اح مقساها

[‏متعب @mtab__96]

🫰🏻🤙🏻

[‏متعب @mtab__96]

تجين وانتي عليك الاسود المخملي
وتبيني من المغاني والقصيد اعتزل !

تسمّعي يا [ مقرّ الشعر ] في ما يلي :
ما ودي ان الخطاوي عن غرامك تزل

انتي عليك البهاء والزين ، وانا علي
اثري لك الساحه ابداع وقصيد وغزل

[‏متعب @mtab__96]

الله على شاهي شربناه قبل امس
مع دلة ياعبيد بالزعفراني

اللي يحوفه ناب الارداف بالخمس
غروً على تالي حياتي بلاني

وجدي عليها وجد من هرب الجمس
ومحملن به من جميع المعاني

مدو له الدربيل مع طلعة الشمس
شافه عريف وبلغ إبه إسفواني

[‏متعب @mtab__96]

رمشٍ فاتر لا سلهمت به كنْ مابه حيل

[‏متعب @mtab__96]

عسى ديرة ولد حازم يباشرها بكور السيل
شهر ، لين الشّعيب اللي وراها تزهر اشناقه

سحابٍ صوت وبله كنه التسبيح والتهليل
تخيله كل عين .. ويشرب الضميان برَّاقه

لعل مدللً يستاهل التقدير والتدليل
يطاولنا الرضا لو ضاق راع الشاه والناقه

لعل الجوهره بنت المكارم والصخى والهيل
يفل حجاجها عذر القصيد وشرهه اوراقه

قصيدٍ ماتجمل في هدبها والعيون .. بخيل
وبيتً ماوصفها لو بنيته .. يهدم رواقه

يحسد الجوهره سرجوفها الضامر بنات وخيل
ولو قالو يا نحل خصورهن والخيل سبّاقه

[‏متعب @mtab__96]

سلام ياذا الجمال الطاغي الفاضح
سلام يامن رسمت لدربنا خطّه

حنا اتفقنا ولكن فرقنا واضح
أنته مترّف وانا ضاري على الشِطّه

[‏متعب @mtab__96]

العذارى كـلهم فدوة عيونه
من بلادي او من خارج بلادي

فارقٍ بـ حكاه وبشكله ولونه
ماتغير في سموم ولا برادي

كل غيد المملكة يقلدونه
يلفت الانظار طرقٍ باعتمادي