῟`★

الي يزعل من تصرفاتي تراها نفس تصرفاتك بس أجيبها بطريقة بروفشنال والعن شوي.

[῟`★ @mtm92_]

حسابي توه جديد 🤍🤍

[رهيف @c__ll9]

أنا هاربة لهنا من العادات والتقاليد، من القرايب
والجار السابع ومن الناس أجمعين، فـ إذا
_تعرفني: أجحدني وروح ياخي أذلف_

[῟`★ @mtm92_]

@Alhilal_FC #الهلال_مانشستر_سيتي
#الهلال_في_كأس_العالم
#الهلال

[وصف @mhm99_j]

@mtm92_ شاعر شعفني بنظمه واخر انتاجه
كنها اكلبيه لـ بن جدلان متسيّر 👌

[῟`★ @mtm92_]

اليوم لا عاد تستغرب ولا حاجه
لو بار فيك الخوي الصادق الخيّر

كم واحدٍ غيّرت الايام منهاجه
وانا احسب إن الكفو ماهو بمتغيّر .

[῟`★ @mtm92_]

"حث وصلك والله إني على وصلك شفوق
خلني أقول يامرحبا وجعل أبرك صباح"

[῟`★ @mtm92_]

"قد يكون الأمر بلا قصد مرة، ولكن لا يمكن أن يكون ألف مرة بلا قصد."

[῟`★ @mtm92_]

لاتضر الروح منت بعدواً لي

[῟`★ @mtm92_]

لا تخرب مكانتك بنفسك وبعدين تزعل.

[῟`★ @mtm92_]

مع السلامة دام فالدعوه عناد
فذمتي ماكسر عشانك عنادي

اخلصت لك بالحيل لكن مافاد
الين شفت اني معك صدق غادي

محبتك صارت غرابيل وجهاد
ماهي على ضني وحسب اعتقادي

ماني على طرد المقفين معتاد
يعني قسم بالله إن غبت عادي .

[῟`★ @mtm92_]

ما فيه امل ما دام حتى راعي الوجه الفليح
تاخذني الشرهه على بيته و اخليها قبَل

قد قلت له تكفى تجوّد في عيوني لا تطيح
ايلين طاح تقول كنه طايحٍ له من جبل .

[῟`★ @mtm92_]

لا تحن
ولا تعود
ولا تنادي
أترك اللي راح من باب الموّده

كل موطن مابه عيونك بلادي
وكل دمعٍ ماكسرني
ليه أرده؟

آه يا وقتٍ لمحتك فيه "عادي"
كنك اللي يبني القصر ويهده

[῟`★ @mtm92_]

يا وجودي يوم طرّوك من عرض الحديث
وجد من حدّه على الصمت شيٍ يستره

[῟`★ @mtm92_]

الخطأ لا من مشيت الدرب والدرب مْترامي
بين ضيقة ماتُطاق .. وبين ضيقة مستساغة

العيون فـ ليلة التوديع أصدق من كلامي
فـ إلتفاتتها شجون، وفي مدامعها بلاغة

كيف بـ أملي هالفراغ اللي تَخلّلني مدامي
شخص يملي كل شيٍء فالحياة إلا فراغه

[῟`★ @mtm92_]

يالله إنّك تغفر لمن هو نسى يستغفر
وترحم اللي ما ترَك - ذريةٍ - تدعي له .

[῟`★ @mtm92_]

فمان الله والعذر السمين أبلغ من التبرير
عفى الله عن خطايا اللي خطايانا على شانه

فمان الله يالغصن الليِّان اللي هَجرك الطير
هذا طيرك يبلغك السلام بروس جنحانه

سمحت من المحبه وسامحني على التقصير
وصلنا أخر حدود العشره اللي مالها خانّه .

[῟`★ @mtm92_]

الخاطر ان عاف مثل النفس لا طابت
تقفي و لا عاد به شي يجَّودها

انا بغيت الغلا يوم الغلا ثابت
و اقفيت و النفس مدري وش يراودها

رميت لي رميةٍ وحده ولا صابت
و حلفت بالله ماعاد اتعودها .

[῟`★ @mtm92_]

إذا باعك اللي مارحم قلبك الحساس
تلفّت وتلقى شمعة القلب تضوي لك

تعال وتذرى بين غصن الرجا والياس
تحت جذع صدري لين توقف على حيلك

بعدها تعرف إن الذهب ذاك كان نحاس
و لا فيه أحد كثري من الناس صافي لك

[῟`★ @mtm92_]

طويت المدى ماني بمنهي و لامامور
مع مسلكٍ مندلّه اغوى من التايه

عوادي الامل ماجوره وسعيها مشكور
ما طاحت لها الدنيا عزيمه ولا رايه

محكّ الليالي يحذف من البشر بالدور
الافواه حكّايه و الافعال محّايه

لولا هقوةٍ تشرق علي كل مطلع نور
ما حققت من غايات عمري ولا غايه .

[῟`★ @mtm92_]

بين رغبات الحياه الممكنه والمستحيلة
العبر . . من يعرف اولها سلم من تاليتها

مامعي لك حيل ياقلبي ولا لك معي حيله
صبرك اهون من مشاويرٍ ماتحمد عاقبتها

لا انت ميت من هوان ولا انت ميت من فشيله
ما لك الا موتهٍ وحده . . . متى ماجتك متها .

[῟`★ @mtm92_]

أنا يارب توجعني بقايا ذكريات أحباب
ولا لطفٍ سوى لطفك يطمن راحة أيديني
َ
وقفت وهدني حيلي ومالي غير بابك باب
عسى يارب تغسل صدري من اللي يبكيني
َ
غياب أسباب لا والله غيابٍ ما وراه أسباب
غياب اللي عرف قدره وعادي لو يخليِّني .