د کور او ښار جوړولو وزارت - وزارت شهرسازی و مسکن

Committed to Social and Economic Growth & Environmental Protection

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د محترم وزیر الحاج مولوي نجیب الله حیات حقاني له لوري، د بغلان ولایت د چمقلعه صنعتي پارک تفصیلي پلان تائید او لاسلیک شو.
د کور او ښار جوړولو وزارت له لوري د بغلان ولایت د چمقلعه صنعتي پارک د تفصیلي پلان د چمتو کولو چارې بشپړې شوې، چې په ترڅ کې یې د امکان‌سنجۍ مطالعات، تخصصي ارزونې، توپوګرافیکي سروې، هایدرولوژیکي او جیوتخنیکي څېړنې ترسره او د دغو مطالعاتو د پایلو پر بنسټ د صنعتي پارک تفصیلي پلان او د زیربناوو اړوند طرحې چمتو شوې دي.
د پروژې د تخنیکي ډیزاین په برخه کې د برېښنا رسولو شبکې، سړکونو، د اوبو رسولو سیستم، د فاضلابو شبکې، د فاضلابو د تصفیې فابریکې، د سطحي اوبو د مدیریت او دفع سیستم، د خړوبولو شبکې، تخنیکي راپورونو او مالي اټکلونو چمتو کول هم شامل دي، چې ټول د معیاري تخنیکي اصولو او اړتیاوو له مخې ترتیب شوي دي.
د چمقلعه صنعتي پارک ټولیزه ساحه شاوخوا ۱٬۶۵۳ جریبه ځمکه ده، چې په دغه پارک کې د ۳۳۲ صنعتي فابریکو لپاره ځای ځانګړی شوی دی.
یاد صنعتي پارک د بېلابېلو صنعتي سکټورونو د فعالیت لپاره ډیزاین شوی، چې په کې د خوراکي توکو او کرنیزو محصولاتو د پروسس صنعتونه، د ساختماني موادو تولید، فلزي او ماشین‌سازۍ صنعتونه، د لرګي او فرنیچر جوړول، پلاستیکي او کیمیاوي صنایع، نساجي او د جامو تولید، بسته‌بندي، درمل جوړول او روغتیايي توکي، برېښنایي تجهیزات، سړې خونې او لوژستیکي مرکزونه او نورې منځنۍ او سپکې صنعتي فابریکې شاملې دي.
د کور او ښار جوړولو وزارت محترم وزیر الحاج مولوي نجیب الله حیات حقاني هیله من دی، چې د بغلان ولایت د چمقلعه صنعتي پارک پروژه به د هېواد په شمال او شمال ختیځ زون کې د صنعت د پراختیا، د کورنیو تولیداتو د ملاتړ، د پانګونې د جذب، اقتصادي ودې او د کاري فرصتونو د رامنځته کولو په برخه کې مهم رول ولوبوي.
تمه کېږي چې د دغې سترې صنعتي پروژې په عملي کېدو سره به د صنعتي تولیداتو کچه لوړه، د خصوصي سکټور فعالیتونه پراخ او د سیمې اقتصادي وضعیت لا پیاوړی شي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د محترم وزیر الحاج مولوي نجیب الله حیات حقاني له لوري، د لغمان ولایت د خیروخېلو صنعتي پارک لپاره د ۲۰ کیلوولټ برېښنا شبکې تخنیکي تفصیلي پلان له ارزونې وروسته تائید او په رسمي ډول لاسلیک کړ.
د یاد پلان تائید د صنعتي زیربناوو د پراختیا، د پانګونې د فرصتونو د زیاتوالي او د صنعتي فعالیتونو د پیاوړتیا په موخه ترسره شو، چې د عملي کېدو په صورت کې به د صنعتي پارک فابریکو، تولیدي واحدونو او نورو اقتصادي فعالیتونو ته د باور وړ او دوامداره برېښنا زمینه برابره کړي.
د تخنیکي پلان له مخې، د خیروخېلو صنعتي پارک لپاره به د ۲۰ کیلوولټ منځني ولتاژ برېښنا شبکه طرحه او تطبیق شي، چې په کې د برېښنا د انتقال او وېش لینونه، د توزیع ترانسفارمرونه، د خوندیتوب او کنټرول تجهیزات، د شبکې د ساتنې سیستمونه او اړوند تخنیکي تاسیسات شامل دي.
دغه شبکه به د برېښنا د ضایعاتو د کمښت، د انرژۍ د اغېزمن مدیریت او د صنعتي مصرفوونکو د اړتیاوو د پوره کولو لپاره د معیاري تخنیکي اصولو له مخې جوړه شي.
د کور او ښار جوړولو وزارت محترم وزیر الحاج مولوي نجیب الله حیات حقاني، د دې پروژې موخه د صنعتي پارکونو لپاره د اساسي خدماتو برابرول، د خصوصي سکټور ملاتړ او د هېواد په کچه د اقتصادي ودې لپاره د مناسب چاپېریال رامنځته کول په ګوته کړي دي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د سروې او جي آی اېس ریاست تخنیکي ټیمونو په ننګرهار ولایت کې د مکروریانو د ۶۰ بلاکونو له ساحې څخه د توپوګرافۍ سروې ترسره کړه.
یاده سروې د معیاري ښاري پراختیا، د دقیقو نقشو د ترتیب، او د راتلونکو ساختماني او انکشافي پروژو د تخنیکي پلان جوړونې په موخه ترسره شوه، چې په ترڅ کې د ساحې ټول جیوماتیک معلومات، ارتفاعات او اړوند تخنیکي جزئیات ثبت او تحلیل شول.
د معلوماتو له مخې، د سروې شوې ساحې مجموعي مساحت ۲۱۷.۳ جریبه ځمکه ښودل شوې، چې د ښاري پلان جوړونې او د اړوندو پروژو د تطبیق لپاره به ترې تخنیکي استفاده وشي.
د دې ډول سروې ګانو موخه د دقیقو تخنیکي معلوماتو برابرول، د ښاري پراختیا ښه مدیریت، او د راتلونکو پروژو لپاره د باور وړ تخنیکي بنسټ رامنځته کول دي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت په مشرۍ د دایمي مېشتېدنې او د ځمکو د وېش کمېټې، د تیرې سه ‌شنبې په ورځ د هېواد په شپږو ولایتونو کې ۱۱۰۲ راستنېدونکو مهاجرو کورنیو ته استوګنیزې نمرې ووېشلې.
د راستنېدونکو هېوادوالو د دایمي مېشتېدنې او مناسبې سرپناه د برابرولو په موخه، دا ځل په ننګرهار، فراه، هلمند، نیمروز، سمنګان او بلخ ولایتونو کې سلګونه کورنۍ د استوګنیزو ځمکو له نومرو برخمنې شوې.
د ورکړل شویو شمېرو له مخې، په ننګرهار ولایت کې ۴۰۱، فراه ولایت کې ۲۳۵، سمنګان ولایت کې ۲۷۰، بلخ ولایت کې ۱۰۲، هلمند ولایت کې ۶۰ او په نیمروز ولایت کې ۳۴ راستنېدونکو مهاجرو کورنیو ته د استوګنیزو ځمکو نمرې ووېشل شوې.
د یادونې وړ ده چې یوازې د تیرې سه ‌شنبې ورځې په جریان کې د استوګنیزو ځمکو د نومرو له وېش څخه ۱۱۰۲ کورنۍ برخمنې شوې، چې ورسره په ټول هېواد کې د وېشل شویو استوګنیزو نمرو شمېر ۴۷ زره او ۸۹ کورنیو ته رسېدلی دی.
د راستنېدونکو مهاجرو د دایمي مېشتېدنې، سرپناه برابرولو او د ژوند د بنسټیزو اسانتیاوو د رامنځته کولو په موخه د استوګنیزو ځمکو د وېش بهیر په منظم او چټک ډول دوام لري.

[د کور او ښار جوړولو وزارت - وزارت شهرسازی و مسکن @MUDH_AF]

د زابل ولایت د کور او ښار جوړولو ریاست د خپلو تخنیکي او مسلکي فعالیتونو په لړ کې، د زابل ولایت د کار او ټولنیزو چارو ریاست لپاره د یوې دوه پوړیزې اداري ودانۍ نقشه ترتیب او ډیزاین کړه.
یاده ودانۍ په عصري او معیاري ډول طرحه شوې چې په هر پوړ کې اته اداري خونې لري.
د ودانۍ په ډیزاین کې د ادارې اړتیاوې، د کارکوونکو اسانتیاوې او مراجعینو ته د غوره خدمتونو وړاندې کولو معیارونه په پام کې نیول شوي دي.
همداراز، په یاده نقشه کې د اداري خونو ترڅنګ د دهلیزونو، تشنابونو، زینو او نورو خدماتي برخو لپاره مناسب ځایونه ځانګړي شوي، ترڅو اداري چارې په منظم او اغېزمن ډول ترسره شي.
د کور او ښآر جوړولو وزارت د معیاري ساختماني پلانونو او تخنیکي خدماتو د وړاندې کولو له لارې د دولتي ادارو د زیربناوو د پیاوړتیا او ښاري پراختیا په برخه کې خپلو هڅو ته دوام ورکوي.

[د کور او ښار جوړولو وزارت - وزارت شهرسازی و مسکن @MUDH_AF]

د میدان وردګ ولایت د کور او ښار جوړولو ریاست تخنیکي ټیم د عیدګاه جامع جومات د رغنیزې پروژې له روانو چارو څخه څارنه او ارزونه ترسره کړه.
د ترسره شوې څارنې پر مهال څرګنده شوه چې د پروژې ډېری چارې بشپړې شوې او دا مهال د ساحې د پاککارۍ چارې روانې دي. همداراز د تشنابونو د اوبو رسولو سیستم نصب او عملاً وازمویل شو.
یاده څارنه د دې لپاره ترسره شوه چې د پروژې پاتې چارې په معیاري ډول بشپړې او د رغنیزو کارونو کیفیت له نږدې وارزول شي.

[د کور او ښار جوړولو وزارت - وزارت شهرسازی و مسکن @MUDH_AF]

عنوان: تهیه و تدارک48 قلم وسایل ایرکندیش مورد ضرورت وزارت شهرسازی و مسکن برای سال مالی 1405
شماره دعوتنامه داوطلبی : MUDH/1405/NCB/G-1763
وزارت شهر سازی و مسکن ازتمام داوطلبان واجد شرایط دعوت می نماید، تا در پروسه تهیه و تدارک48 قلم وسایل ایرکندیش مورد ضرورت وزارت شهرسازی و مسکن برای سال مالی 1405اشتراک نموده وسافت شرطنامه مربوط را به طور رایگان از ریاست تدارکات،وزارت شهرسازی و مسکن به دست آورده ویا از طریق سایت (سیستم تدارکات الکترونیکی افغانستان) شرطنامه را دانلود نموده، آفر های خویش را مطابق شرایط مندرج شرطنامه و طبق قوانین تدارکاتی حاکم در کشور طور ســر بستـه از تاریخ نشر اعلان الی ساعت 10:00 قبل از ظهر مورخ 7 سرطان سال 1405 به ریاست تدارکات وزارت شهرسازی و مسکن واقع در مکروریان سوم، مقابل مطبعه آزادی ناحیه نهم شهر کابل، افغانستان ارایه نماید.آفر های نا وقت رسیده و انترنیتی قابل پذیرش نمی باشد.
تضمین آفر به شکل تضمین بانکی مبلغ 30000 سی هزار افغانی و جلسه آفر گشایی به ساعت 10:00 قبل از ظهرمورخ 7سرطان سال 1405 در مسجد شریف وزارت شهرسازی و مسکن تدویر میگردد.

[د کور او ښار جوړولو وزارت - وزارت شهرسازی و مسکن @MUDH_AF]

د جوزجان ولایت د کور او ښار جوړولو ریاست تخنیکي انجنیرانو د کرنې، اوبو لګولو او مالدارۍ ریاست د دوکانونو د ودانیزې پروژې له روانو چارو څخه څارنه او ارزونه ترسره کړه.
د څارنې پر مهال د یادې پروژې د درېیم پوړ د سلب کانکریټ اچونې بهیر له نږدې وڅارل شو او د کار کیفیت یې وارزول شو.
همداراز د قراردادي شرکت مسؤلینو ته لارښوونه وشوه چې د پروژې ټولې چارې د منظور شوې نقشې، د کار د حجمونو د اټکل، تدارکاتي شرطنامې او انجنیري معیارونو سره سمې پلې کړي.
سربېره پر دې، د پروژې د کیفیت او اغېزمنتیا د لا ښه والي په موخه د څارنې مسؤل انجنیر له لوري لازمې تخنیکي سپارښتنې هم وړاندې شوې

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د رسېدنې ریاست تخنیکي ټیم د کابل ښار د څلورمې ناحیې د کلوله پشته سیمې له بېلابېلو ساحو څخه څارنه ترسره کړه.
یاده څارنه د ښاري تخلفاتو او د ښار د ساحو د کارونې د څرنګوالي د ارزونې په موخه ترسره شوه.
د څارنې پر مهال څرګنده شوه چې په یوه شنه ساحه کې یو شمېر دوکانونه په غیرقانوني ډول جوړ شوي دي، سره له دې چې څو ځلې اړوندو مسؤلینو او مالکینو ته سپارښتنه شوې وه چې خپل قانوني اسناد او مدارک د ارزونې لپاره دې ریاست ته وړاندې کړي، خو هغوی د اسنادو له سپارلو ډډه کړې وه.
له همدې امله یاده ساحه له نږدې وڅېړل شوه او د قانوني اسنادو د نه وړاندې کولو او په شنه ساحه کې د غیرقانوني فعالیتونو د دوام له امله یاد دوکانونه د نظارتي ټیم له لوري مهرولاک شول.
همدارنګه کارګران له ساحې څخه وایستل شول، ودانیز فعالیتونه ودرول شول او د اړوندو مراجعو تر وروستۍ پرېکړې پورې د کار بهیر وځنډول شو.
د یادونې وړ ده چې د ښاري تخلفاتو د مخنیوي دوامداره څارنې د پلان له مخې به دا لړۍ په نورو ناحیو کې هم دوام ولري او د کابل ښار بېلابېلې ساحې به تر پوښښ لاندې راشي.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د مخنیوي ریاست تخنیکي ټیمونو د خپلو دوامداره څارنو په لړ کې د کابل ښار په درېیمه ناحیه کې د یو شمېر ساختماني پروژو ارزونه ترسره کړه.
د دغې څارنې پر مهال هغه ودانۍ او پروژې وکتل شوې چې د ښاري پلانونو، نافذه قوانینو او د ګاونډیانو د حریم د نقض احتمال په کې موجود و.
همداراز د هغو پروژو چارې ودرول شوې چې د نافذه مقرراتو خلاف روانې وې او له یو شمېر مالکینو څخه وغوښتل شول چې خپل قانوني اسناد او جوازونه د اړوندو مراجعو له لارې وړاندې کړي.
د یادې څارنې موخه د ښاري پلانونو سم تطبیق، د ښاري سرغړونو مخنیوی، د ساختماني کیفیت لوړول او د ښاري نظم ټینګښت دی.

[د کور او ښار جوړولو وزارت - وزارت شهرسازی و مسکن @MUDH_AF]

د هلمند ولایت د کور او ښار جوړولو ریاست د ښاري تخلفاتو د مخنیوي تخنیکي ټیم د خپل دوامداره څارنې په لړ کې د لښکرګاه ښار د شپږمې او اوومې ناحیې اړوند له بېلابېلو ساحو څخه نظارت ترسره کړ.
په یاده څارنه کې د نهر سراج مېنې او د مهاجرینو ساحو له ودانیزو پروژو څخه لیدنه وشوه او د ښاري پلانونو د تطبیق وضعیت له نږدې وڅېړل شو.
د نظارت پر مهال له یو شمېر پروژو د مالکینو څخه وغوښتل شول چې خپل رسمي اسناد او د ودانیزو چارو جوازونه د هلمند ولایت د کور او ښار جوړولو ریاست ته د ارزونې لپاره وړاندې کړي، ترڅو د هغوی د قانوني وضعیت په اړه لازمې څېړنې ترسره شي.
د هلمند ولایت د کور او ښار جوړولو ریاست د ښاري تخلفاتو د مخنیوي تخنیکي ټیم ټینګار کوي چې د منظور شویو ښاري پلانونو د تطبیق او د احتمالي سرغړونو د مخنیوي په موخه به په بېلابېلو ناحیو کې د ودانیزو پروژو دوامداره څارنه روانه وي.

[د کور او ښار جوړولو وزارت - وزارت شهرسازی و مسکن @MUDH_AF]

د غور ولایت د کور او ښار جوړولو ریاست د ښاري تخلفاتو د مخنیوي او د پروژو د تطبیق د څارنې عمومي مدیریت تخنیکي ټیم د غور ولایت د مقام اړوند د مېلمستون د ودانیزې پروژې له روانو چارو څخه نظارت ترسره کړ.
د نظارت پر مهال د پروژې بېلابېلې برخې له نږدې وکتل شوې او د ودانیزو چارو عمومي وضعیت د تخنیکي معیارونو له مخې و ارزول شو.
همدارنګه د خښتکارۍ د چارو پرمختګ او د ساختماني فعالیتونو بهیر د منظور شویو نقشو مطابق وڅارل شو.
په ساحه کې د کار د چټکتیا او مؤثریت لپاره د ساختماني موادو لېږد او تنظیم هم تر څارنې لاندې ونیول شو، او اړوند مسؤلینو ته لازمې سپارښتنې وشوې.
د یادونې وړ ده، چې د ودانیزو پروژو د کیفیت د تضمین او د معیاري تطبیق په موخه د نظارت لړۍ په دوامداره توګه روانه ده.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د لابراتوار ریاست تخنیکي ټیم د کابل ښار په صدارت څلورلارې سیمه کې د روغتون د ودانیزو چارو له روان بهیر څخه تخنیکي څارنه ترسره کړه.
د څارنې پر مهال د پروژې په بېلابېلو برخو کې د کانکریټو د اچونې بهیر له نږدې وڅېړل شو، چې په کې د پنځم پوړ د د لومړۍ برخې د موټرو د تمځای ودانۍ بنسټیزې ستنې، د هماغه ودانۍ د پنځم پوړ سلب شامل وو.
تخنیکي ټیم د کانکریټو کیفیت، د انتقال او اچونې طریقه، د مخلوط یوشان جوړښت او د تخنیکي اصولو د رعایت کچه د پروژې د مشخصاتو مطابق وارزوله او د تطبیق بهیر یې له نږدې وڅاره.
همدارنګه د کار د کیفیت د ساتنې او د ودانیزو معیارونو د ښه تطبیق په موخه اړوند اجرایي ټیم ته لازمې تخنیکي سپارښتنې ورکړل شوې.
د ترسره شوې ارزونې له مخې، د کانکریټو د اچونې چارې د تخنیکي نظارت لاندې په منظم ډول روانې دي او د پروژې تطبیقي بهیر د منظور شویو معیارونو مطابق پر مخ وړل کېږي.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د مخنیوي ریاست تخنیکي ټیم د کابل ښار د دولسمې ناحیې اړوند د احمد شاه بابا مینې څخه څارنه ترسره کړه.
د څارنې پر مهال څرګنده شوه چې د دیارلسم بلاک اړوند د څلورمې کوڅې په مسیر کې چې عمومي سرک ته وصل کېږي، د ښاروالۍ له لوري یو لوری تړل شوی او یو شخص ته د فعالیت اجازه ورکړل شوې وه، یاد شخص په دغه مسیر کې د دوکانونو د جوړولو چارې پیل کړې وې او د کوڅې د تګ راتګ لاره یې بنده کړې وه.
یاده ساحه له نږدې وڅېړل شوه او د دوکانونو له مالک څخه لیکلې ژمنه واخیستل شوه، څو د ټاکلې نېټې تر ټاکلي وخت پورې ټول غیرقانوني جوړښتونه تخریب کړي او د کوڅې او سرک مسیر بېرته خپل اصلي حالت ته راوګرځوي او د خلکو د تګ راتګ لپاره یې آزاد کړي.
یاده څارنه د ښاري تخلفاتو د مخنیوي د دوامدار پلان له مخې ترسره شوه او د کابل ښار په نورو ناحیو کې به هم دوام ومومي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د ښاري چارو محترم معین شیخ مدارعلي کریمي بامیاني په مشرۍ، د یاد وزارت د اړوندو ریاستونو استازو او د کابل ښاروالۍ مسؤلینو په ګډه د پنځم مکروریانو د اصلاح شوې نقشې او د دې سیمې د سړکونو په اړه ناسته ترسره کړه.
په دې ناسته کې د موجوده نقشې د ستونزو او نیمګړتیاوو په اړه هر اړخیز بحث او نظرونه تبادله شول.
ټینګار وشو چې په اوسني پلان کې یو شمېر ستونزې او تخنیکي نیمګړتیاوې موجودې دي، نو اړینه ده چې د کور او ښار جوړولو وزارت او کابل ښاروالۍ له لوري داسې مناسب حل وموندل شي چې د خلکو لپاره عام المنفعه، اغېزمن او اوږدمهاله ګټې ولري.
د ناستې ګډونوالو پخوانی او اوسنۍ اصلاح شوې نقشه وکتله او خپل نظرونه او وړاندیزونه یې وړاندې کړل، او ویې ویل چې اساسي هدف باید د افغانستان د ټولو خلکو خدمت وي.
په پای کې پرېکړه وشوه چې یاد پلان به د دواړو اړوندو ادارو د سکتوري مسؤلینو له لوري په دقیق ډول له سره وڅېړل شي، او د کور او ښار جوړولو وزارت او کابل ښاروالۍ د مشرتابه په حضور کې به د وروستۍ پرېکړې لپاره وروستی تصمیم ونیول شي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت په مشرۍ د دایمي مېشتېدنې او د ځمکو د وېش کمېټې، د تیرې یکشنبې په ورځ په پنځو ولایتونو کې ۸۰۶ راستنو شویو مهاجرو کورنیو ته د استوګنیزو ځمکو نمرې ووېشلې.
د دغه وزارت د محترم مشرتابه الحاج مولوي نجیب الله حیات حقاني باور دا دی چې دغه چاره د راستنو شویو مهاجرو د دایمي مېشتېدنې او د ژوند د مناسبو اسانتیاوو د برابرولو په موخه ترسره کېږي.
راستنېدونکو مهاجرو کورنیو ته د استوګنیزو نمرو د وېش په لړ کې دا ځل هم، په ننګرهار، فراه، فاریاب، هلمند او نیمروز ولایتونو کې سلګونه راستنې شوې کورنۍ د استوګنیزو ځمکو له نومرو برخمنې شوې.
په ننګرهار ولایت کې ۳۰۸، فراه ولایت کې ۲۲۲، فاریاب ولایت کې ۱۴۰، هلمند ولایت کې ۷۷ او په نیمروز ولایت کې ۵۹ راستنو شویو مهاجرو کورنیو ته د استوګنیزو ځمکو نمرې ووېشل شوې.
د یادونې وړ ده، چې تر دې مهاله په ټول هېواد کې د استوګنیزو ځمکو د نومرو د وېش شمېر ۴۴ زره او ۹۸۶ کورنیو ته رسېدلی او د راستنو شویو مهاجرو د دایمي مېشتېدنې بهیر په چټک او منظم ډول دوام لري.
د کور او ښار جوړولو وزارت محترم وزیر الحاج مولوي نجیب الله حیات حقاني وایي، د راستنېدونکو هېوادوالو لپاره د سرپناه په موخه د ښارګوټو ډیزاین کول او د هغوی د ټولنیز او اقتصادي ثبات تأمین، له مهمو موخو څخه ګڼل کېږي او هڅې روانې دي چې د ځمکو د وېش او دایمي مېشتېدنې بهیر لا پراخ او ګټور شي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د سروی او جي ای ایس ریاست تخنیکي ټیم له لوري د بلخ ولایت د نهرشاهي ولسوالۍ اړوند د سیاه ‌ګرد په سیمه کې د مهاجرینو د ښارګوټي لپاره د ۱۴۵۲۵ جریبه ځمکې توپوګرافي سروې ترسره شوه.
یاده سروې د عصري بې ‌پیلوټه الوتکې (ډرون) په وسیله ترسره شوې، چې موخه یې د مهاجرینو د استوګنې لپاره د معیاري او منظم ښارګوټي د جوړولو په منظور د تفصیلي پلان د ترتیبولو لپاره د اړینو تخنیکي معلوماتو راټولول دي.
د دې سروې له پایلو څخه به د سیمې د جغرافیایي او تخنیکي ځانګړتیاوو په پام کې نیولو سره د ښارګوټي د پلان جوړونې په بهیر کې استفاده وشي.