Mohamed Elfeki

[Mohamed Elfeki @muhelfeki9]

*{نَسُوا اللَّهَ فَنَسِيَهُمْ}*

دي المصيبة الكبيرة!

انسى اللي وجعك.. بس اوعى تنسى اللي وقف جنبك!

[Mohamed Elfeki @muhelfeki9]

سيدنا النبي قال: *"إن الله طيب لا يقبل إلا طيبا"*

ربنا مش هيقبل منك فلوس حرام حتى لو بنيت بيها جامع!

[Mohamed Elfeki @muhelfeki9]

احنا عاملين زي اللي بيشرب مية مالحة.. كل ما يشرب.. يعطش أكتر!

ليه بنتوه

؟لأننا بندور على اللي ناقصنا برة.. وهو جوانا!

[Mohamed Elfeki @muhelfeki9]

قال تعالى: *{وَمَا بِكُم مِّن نِّعْمَةٍ فَمِنَ اللَّهِ}*

كل نفس.. كل جنيه.. كل ستر.. كل مرة اتزنقت وربنا فرجها.. كل ده مش منك.. ده منه هو!

[Mohamed Elfeki @muhelfeki9]

قال ﷺ: *"لم يُرَ للمتحابين مثل النكاح"* يعني أحسن حل للحب الصادق هو الجواز.. مش الصحوبية!

[Mohamed Elfeki @muhelfeki9]

ليه الناس بتنشر الرذيلة؟

- عشان الترند واللايكات.. يبيع دينه بلايك!
- عشان الفلوس.. يقشط السوق باسم "محتوى"
- عشان مفيش حياء.. والحياء لو راح.. كل حاجة راحت! قال ﷺ: *"إذا لم تستح فاصنع ما شئت"*

[Mohamed Elfeki @muhelfeki9]

السيجارة قالتلك: انت بقيت راجل.. تعالى بقى أوريك الرجولة بجد!

فتدخل على الحشيش.. والبرشام.. والبودرة..

وهنا انت مبقتش بتشرب مزاج.. انت بقيت عبد!

[Mohamed Elfeki @muhelfeki9]

*الصحبة الصالحة.. مش اختيار.. دي نجاة!*

النبي ﷺ قال: *"المرء على دين خليله، فلينظر أحدكم من يخالل"*
يعني دينك = صحابك!

[Mohamed Elfeki @muhelfeki9]

النبي ﷺ قال: *"لا ضرر ولا ضرار"*
يعني لو عيشتك في بيت العيلة فيها ضرر لنفسيتك ودينك وصحتك.. من حقك تطلبي سكن مستقل.. وده مش عقوق ولا قلة أصل!

[Mohamed Elfeki @muhelfeki9]

انت قاعد تدور فلان بيعمل ايه ؟ فلانة اتطلقت ليه ؟ فلان بيجيب فلوس منين ؟ بتدور وراه ؟ بتفتش موبايل مراتك ؟ بتفتشي موبايل جوزك ؟ بتدخل بروفايله تشوف بيكلم مين ؟

انت كده بتتتبع عورة أخيك!

[Mohamed Elfeki @muhelfeki9]

النبي ﷺ قال: *"إن الله لا ينظر إلى صوركم وأموالكم"*
يعني كل الفشخرة اللي انت عاملها دي.. ربنا مش بيبصلها أصلا!

طب لو ربنا نفسه لا ينظر إليك.. هتعمل ايه بنظرة الناس ؟