أنا شـوقي لا مُتناهي للـوطن البـَراح
أنا دمي دم ما شاهي ، وين شاي الصباح
بي هَمي لا تِتلاهي ، همي أنا شايلو صاح
لي آهـي لا تِتشاهي ، لا بالله يا نُخب الكُساح
وديتي وين وطني الخزين !
سِبتيلي هَادِي الـ تـاح تَـراح ؟!
سرة بت عوض الكريم ووصف عظمة وصبر المرأة السودانية عند حميد
ستين سنة ويا بت
بلا النيل وحدك واقفاها والنيل إنحنى
ما جهجك فقد الحسن لا يفقهك فجع الجنا
دي السرة بت عوض الكريم سرة عقاب
سرة تواصل بيننا بين رحم التراب
والجاية في الزمن الرحيم
مره من قديم ما فيها علقنة الرجال
وين يابيوت عِز البِرُود
ضمَّتنا كُونِية دِفِي
ومن لدغة الصيف الغريب
قامت حِواية.همْبَرِيب
وتحت القمر
حيشانَها قِيزان السمر
تدِّينا لمَّن نكتفي
يا بيوت من الخاطر قُراب
ورِهاب رِهابات تختفي
وكل الحلة مدودي ملاريا
أي بشر يخدم صايدا
خلق الله طول ليلا تساسق
حمى الشارع من تبدأ
من راس داك تلب فوق ده
و المستشفى زيارتك زفة
الاهمال وبعوضة تنقد
رقد خرج خرج رقد
خمسة حقن بندول ودرب
وباكر ترجع طب ما طب
قالوا اكلوا زبيب
بيض كبدة حليب
قالوا اكلوا التين
اكلوا الزيتون
رشو الحشرات