ْ

غدينا بعد ماحن بـ أهل الدار طرقيه

[ْ @mutairi_80_]

وأنا اللي كل ماقالوا تطيح من الحمول متون
وقفت بوجه ثورات الظروف، وموجها العاتي

ولجل أبقى على هذا الشعور العاقل المجنون
كفرت بكل خيبات الزمان وآمنت في ذاتي

#قصيد #شعر

[ْ @mutairi_80_]

اهلين يا سمح المحيا وسهلين
يا راس مال اللي يبيك ورصيده

مشتاق لك شوق الشقي للملايين
اللي حياته كلها على الحديدة

لاشفت وجهك قلت للهم بعدين
يروح هم القلب ويعود عيده

وجهك اذا شفته تذكرت شيئين
الحظ الاوفر والحياة السعيدة

[ْ @mutairi_80_]

ماتخضع المملكة للكيف والكم
ولا لوقفة صديق ولا حياده

من دونها لو تمام العمر ما تمّ
من غير منه ولا سابق رياده

وأرواحنا رهن ضلع طويقها الشم
خادم بيوت الله وقبلة عباده

من الكويت - السلام الوافر الجم
على هل المملكة شعب وقياده
🇸🇦🇰🇼

[ْ @mutairi_80_]

اشوفك وطن قبل ارتحالي واشوفك حل
طلبتك وش اصدق من شعوري ومن عذره

عساني اليا ملت ظروفي معك ما امل
من المبسم اللي يسرق اليوم من بكره

انا يا بعد من خان عهد السنين وزل
الى اليوم واقف تحت شباكك انتظره

ترددت وانسلت دموعي معك وانسل
كلامٍ حبس عذر المسافات في صدره

[ْ @mutairi_80_]

كل يوم اصافح طيوفك غلا مدري مبره
ووين ما لديت اشوفك وجهتي فـ اربع جهاتي

يوم جيتك جيت اللي يدري ان الموت مره
تاركٍ من خلفي الدنيا و اهلها و امنياتي

ايه و اللي نفسي بـ يده و رزقي و المجره
انك اللي تستحق افضلك عن مغرياتي

[ْ @mutairi_80_]

الله عطاك الشعور اللي عليه الذهول
ومکانةٍ تبطي عباده ينالونها

تقبل ودقات قلبي مثل دق الطبول
تقرب وتبعد حياةٍ باهتٍ لونها

وعن السواليف ما ودي اقول وتقول
ودي عيونك على عيني يهلونها

سألتني في ليلة ويش يعني الميول
يعني خطاويك خطواتي يجرونها

[ْ @mutairi_80_]

تجي كـلك على قلبي سحابة خيـر
واشوفك تضحك ويضحك معك همي

تراك انت الوحيد اللي بحياتي غير
وتراك انت اللي غرامه يسري بدمي

احس روحي معك كلها حفلة طير
شعور اعظم وأكبر من حكي فمي

تدري وادري بدونك ما اصير بخير
وقلبي عن هوى غيرك معمـي

[ْ @mutairi_80_]

تجلت ملامح غرة تجلي الديجور
من ينام ليلة قام فيها البدر بدري

عسى كل يوم يجيبها سرمدي النور
واذا الليل وياها عسى الليل مايسري

هنوف خطاويها على المسك والكافور
ربيبة دلال وفارعٍ و عودها مبري

لقاها يخلي خاطر المكتئب مسرور
ونداها يخلي كل رشة مطر تغري

[ْ @mutairi_80_]

ما اشوف في دنياي غيرك ضروري
لقيت بك عقب الشقى زود الاوناس

يضـيق بالي يـوم افكر بــ امـوري
وانسى الشقى لامن ذكرتك والاتعاس

لرضـاك يانـوار عمري و نـوري
هرجة عذولي تحت الاقدام تنداس

يابـو شفايا كنـها ورد جـوري
وعيون خرسٍ مع حورها بها انعاس

[ْ @mutairi_80_]

اكـرام للمـاضي وتكفـير للجاي
زرني ولو من ضمن الاحلام مره

[ْ @mutairi_80_]

ياملاذ القصيد اللي عليه الكلام
مابقى فالكلام حروف للي قرا

فيك الالهام يستوطن حدود الغمام
يستثير الشعور اللي يثير شعرا

في ذوات المقام وفي ذوات القوام
ماتنافسك نفس ولا خشرك خشرا

انتي اجمل بنات ادم عليه السلام
تحت وجه السما السامي وفوق الثرا

[ْ @mutairi_80_]

اللي يعدك شمس لا تخلف لـه ظنونه
اشرق على قلبه من الحب و اغرب به

[ْ @mutairi_80_]

تمرين، ويصير السماء خيرها صباب
وتزين الاراضي كل ما انتي تزينتي

فداك الشعر والناس والحلم والاحباب
وانا والسنين المقبله.. وين ما كنتي

[ْ @mutairi_80_]

أنت وجهك من لقاه اصلاً عشان يخلا
يالقبال اللي به ظروف الدهر منانه

ما ينافسني على صادق محبتك الا
العقيم اللي تعلق في عيال اخوانه

[ْ @mutairi_80_]

واحدٍ ربي من الزين و القبله عطاه
يستلم عرش المحبه و يلبس تاجها

مثل ما يحتاج الانسان للماء فالحياه
الدروب اللي تودي عليه احتاجها

[ْ @mutairi_80_]

اللي سواليفها عذبه وفيها عناد
ياحلوها كل ماقالت لي شعورها

حلوة نبأ، طيبة مبدأ ، وريثة شداد
اليا مشت فوق الأرض تطيّر طيورها

نشميةٍ دونها اللي يحتمون البلاد
اللي على سرجها واللي على كورها

[ْ @mutairi_80_]

اسمك مخلدة بالذاكرة تخليد
و صورتك بالعيون و بالصدر قصرك

الخسارة على اللي يحسبك للصيد
و دايم الفوز حظك و النصر نصرك

ما تزالين ريمية و شيخة غيد
معجزة كل عصر و سيدة عصرك

[ْ @mutairi_80_]

قبل تشتكي من قسوة الحب ياحبيب
عط القلب فرصه لين ياخذ مطاليبه

ترى الحب مهما فيه من قسوة وتعذيب
كريـمٍ كـرم يمناه يرفا عذاريبه

لاتستكبر جروحك مصير الجروح تطيب
عدا من جروحة كلها من مخاليبه

من الضعف فيك تراود الحلم لين يخيب
ترى الناجح اليا ارهى بحلمٍ يضحي به

[ْ @mutairi_80_]

حي الله اغلى من يوقف على بابي
واحلى من تهزه الًاشواق ويجيني

جت بك محبتك وانا حاسب حسابي
متوقع جيتك هذي وجيتيني

مانيب قايل فقدتك وانتي ادرابي
وشكراً من اعماقي انك ما نسيتيني

طلتك هذي تراها تشفي اتعابي
تدلعي لي وجيبيني ووديني

[ْ @mutairi_80_]

قديم الهوى قبل اعتذر للهوى وازل
خذ الحق قبل يضيع مستقبله واجره

اعرفك واتوه فـ كل حاجة معك وادل
واعرف الصباح العذب من نسنسة فجره

يا ملح الشعور الصب والجادل المبتل
اليا ضعت في غيهبه واحتلت من عطره

لا ترتاب لك خوفي قصيده وصوتي ظل
انا اخاف قبل احب واخاف قبل اكره

[ْ @mutairi_80_]

حتى انت ياللي ليا شفتك رميت سنيني خلاف
تقسى علي كل يـوم وكل يـوم اقـول خيره