متعب

ماكان فقده هيناً إنما كان أمراً مقضيا

[متعب @mutebill]

عسى روحه في أعلى
جنان الخلد مسرورة
أقروها في يوم الجمعة يارب تكون شفيعة لأخوي وحبيبي

[متعب @mutebill]

تقولين الديار بعيد وأقول القلوب اقراب
يسافر لك خيالي وين مارحتي وسافرتي

[متعب @mutebill]

﴿ سنشد عضدك بأخيك ﴾
رحل وظل الدعاء هو الوصل بيننا وبينه
اللهم ارحم قلبًا رحيمًا اخذته إليك يارب وسع قبر أخي بداح بنعيم لا يفنى

[متعب @mutebill]

في كنف ليلٍ .. نجومه تشد الانتباه
تبتدي غربة من يعيش في حضن بْلده

من كثر ما هزّه الماضي اللي ما نساه
وده انه ( مايفكر ) فـ بكرة وبعده

[متعب @mutebill]

ـ على ركب القلق ياما قطعت من البلاد بلاد ،
ورا صبحٍ يحول العمر كله ــــ بيني و بينه .

[متعب @mutebill]

إستدرجتني دروب الشُّوق وأغوت خطاي
ما طعت عقلٍ نهاني عن عواقبها .

[متعب @mutebill]

«أحسب أن السنين أن طوّلت تستأذن الغيّاب
وتبدا تمحي آثار السوالف نوبه.. ونوبه

وعرفت أن الزمن ما يستحي وأن الأمل كذّاب
إذا ما هان جرح الآدمي؛ ما هان محبوبه»

[متعب @mutebill]

«ففي قلبِي من الآمال كالأمطارِ»

[متعب @mutebill]

للحزن في وجهي كلام وتعابير
قصة حزن تصعب على من قراها

رغم الألم أضحك وأسولف مع الغير
وأنسى جروحي واتجاهل نداها

[متعب @mutebill]

ياعين لاتبكين فرقا المواليف
مكتوب لك فاللوح جفا وجافي

كلٍ يجيله في زمانه صواديف
و اللي كتب للعبد لازم يشافي

هجوس قلبي بين مقفا ومناكيف
يوم ان قلب اللاش صافي بصافي

فكرت في دنياي تفكير حريف
و اقول يا دنياي بلاه كافي

[متعب @mutebill]

راح ليل ولاح فجر وحرّك الشوق الحنايا
والهوى مثل الأسير اللي مايدري وش مصيره .

[متعب @mutebill]

دوّامة الليل يقتلها بياض الصباح
مثل مايقتل جبينك وارفات النكد

عوضني الله بوجهك عن وجيه الملاح
ولا عاد يملى عيوني في وجودك أحد

ياريحة الورد مدري يالنبيذ المباح
ياغاية الحلم من بعد العنا والجهد

وصلك ملاذ الطموح المنتهي بالنجاح
وبعدك محازن عيون ودمعتين وسهد

[متعب @mutebill]

على كل ذكرى فقد غالي وتلويح ايد
عيوني تزبر وانهمر مزنها الناشي

من الهجر صدري فاريٍ جوفه التنهيد
عليها انفطر قلبي ولّه .. وانثلم جاشي

ولو دونها تزمي مثايل وساع البيد
اليا ناض برق الشوق مكنت مغباشي

مجيي لها بعد البطى من ليال العيد
لو انه سلام وكلمتينٍ على الماشي

[متعب @mutebill]

ياوسع الصدور اللي من البسط ماتنطال
ابي لي سعة خاطر على الارض وارهجها

تحَملت تزييف الشراحه على الاطلال
عسَى الله على بعض الطواري يفرجها

يامجنون ليلَى طال صبري وحلمي طال
متَى طايرة الأحلام تاصل مدرجها

رسمت الطموح اللي وصوله يسر البال
والافكار بكبار الهقاوي مبرمجها

[متعب @mutebill]

جرح البدن يلقى طبيب يداويه
لاشك جرح القلب شلون يبرى؟.

[متعب @mutebill]

عيني تساهر ليلها من بلاها
شي دهاني باعد النوم عنها

ونفسي على الذكرى تحن لشقاها
كني على الذكرى غديت امتحنها

تاخذني لذكرى بعيد مداها
ظنيتها راحت بروحة زمنها

يطري عليها من خلاها بخلاها
رمش العيون اللي بنظرة فتنها

[متعب @mutebill]

انا لو حطو الدنيا .. بعيني عشان اجفاك
تركت العين والدنيا وجيتك فاقدٍ شوفي

[متعب @mutebill]

اشوفك حقيقة عمر .. لو الليال تزلّ
مثل منسبي واسمي وموتي وميلادي

عسا كل عام يمرّك احلا من اللي زلّ
فدى ضحكتك حسّاد عمرك وحسادي

ترى من عرفتك يا حبيبي وشفتك خل
وانا .. ماحسب لأيام هجرٍ وميلادي

[متعب @mutebill]

سرى اللّيل والذِّكرى ثلاثيّة الأبعاد
بعد ما تغيب الشمس تبدأ طواريها

على الساعة الثنتين في وقتها المعتاد
عسى الله يعين اللّي سواتي يعانيها

حنينٍ على الماضي وشوق وعنا وجهاد
وجمرة غضى لا هبّت الرّيح تحييها

يا كمّ ذكرياتٍ نزفها فالحنايا حاد
لو أتصنّع النسيان مانيب ناسيها

[متعب @mutebill]

" الدّيار لو ربّعت ما هي ربيعٍ لي
ربيع قلبي بعيد وخابر دياره "

[متعب @mutebill]

ماعاد يالنجلا على الكون فرسان
الا السّيوف . . اللي بعينك مقيمه