M6 %

[M6 % @mutrri]

وشلون تقسى وانا عمري معك ماقسيت
هاذي هي الحاجه الي ماتخيلتها

احلام عمري معك ماتت وانا ماهقيت
تموت توي وانا باقي ماحققتها

- سيف ابن جرمان

[M6 % @mutrri]

كل هذا ليل ! ولا ساعتي ما تمشي ؟
انقذوني من عقارب ساعتي .. واخذوني

كل دمعة وقّفت على مشارف رمشي
ليييه ما طاحت مع اللي طاحوا من عيوني ؟

[M6 % @mutrri]

كلٍ يشوف اني مقصر وغايـب
وانا مقصر صدق مدري وش اقول

قمت اتعذر بالشغل والطلايب
وانا قسم بالله ماني بمشغول

عيّت على صدري تهب الهبايب
ما اداني الجمعه ولا اداني الضول

ماكن لي بين الحبايب حبايب
«لو اضحك شوي اتعومس على طول »

[M6 % @mutrri]

جرحك تبيّن على الوجه وعلى النبرة
الكل شافوه وانت تقول وش يعني

هذا القسى فيك ما أعرفه ولا اخبره
بس أعرفك واحد ما كنت توجعني

[M6 % @mutrri]

ابا اخالف العالم واعايدك قبل العيد
و مع العشر لك عندي معايد وعيديّه

اخذ عقد رسمي شاهده جرهدي البيد
مورخ سنة سبعه وعشرين هجرية

[M6 % @mutrri]

دريت ان المحبه وقفت من يوم جر خطاه
ودريت ان كبدي بتبطي من الفرقى ولا أرتاحت

يا كم مره نويت أنساه لكن مستحيل أنساه
هو اللي وسّم ضلوعي هو الرسام والناحت

صحيح ان الجفا طوّل ولكن حشمه لذكراه
بقلطها ليّا مرت وأودعها ليا راحت

[M6 % @mutrri]

عنّي لا تنشد شهر كامل من اليوم
لو ان قلبي من غلاك .. يتساقى

اتركني اصلي مع الناس واصوم
وانا اوعدك عقب رمضان ؟ نتلاقى :)

[M6 % @mutrri]

ألتفاتتْك كنها بعد ذاك الذهول
رعشة البرد فـ بداية ليالـ الشتا

نظرتك عقب ماقفيت كنها تقول
أنتظرني أبرجع بس مدري متى !

[العتيبيّ @d511y]

شاركوني « بيت شعر » يمثل الصورة :

[M6 % @mutrri]

المصافح بالقلوب اصدق من مصافح الايادي
أسمحي لي كل يوم . . أصافحك وانتي بعيده :)

- صالح النشيرا .

[M6 % @mutrri]

ميلاف العتيبي الي قالت في نفس زوجها:

لاتعتذر مني .. وكمّل شغلك
معذور .. وموفق .. وقلبي راضي

ماينشغل غير أنت واللي مثلك
اللي ماهو بـ رجال دايم فاضي

وقالت بعد:

امْتربّع في مثاني صدري اللي
ما تربّع فيه لبّاس العمامه

غيرك وصرّح وقل هذا محلي
والله إن هذا محلك .. للقيامة : )

[M6 % @mutrri]

علي الحرام آني عقب خلي كرهت الغيد .
وجمال الشمال ونجد والشام والبصره .

انا ذاك اليتيم اللي كوى ثوبه لصبح العيد.
وغشاه التعب ونام وقام في عصره ..

عليها اللّٰه آكبر كل ليله غلاها آيزيد .
وهي مع غيري شيدت ب الغلا قصره .

فرحان بن عبيد .

[M6 % @mutrri]

حين يلتقي الإنسان مع سلام ذاته
فيه مرحلة يوصلها الإنسان مثل
الإكتفاء بالنفس والسلامة الداخلية

– طرّاه إللي يقول

وش لزومي في مفاهيم البشر مخطي وصايب
العقول مقسمة والعاقل بعقله تقدا

أستميل لعزلتي وأبعد ولا عندي سبايب
غير حبي للهدوء إللي عن اللجة مبدًا .

[M6 % @mutrri]

عفى الله عن مواعيد إنتظارك والسنين حيام
وقفت.. وما معي غير الوله واقف ومتسامي

يخوّفني ضجيج الشوق لا ارتاد الطريق العام
وتغيرت بكل إتجاهاتي، وتأثيري، وهندامي

حرارة فقدك اقسى ما تجيبه بارد الانسام
وانا للحين من حر المفارق؛ ترجف عظامي

[M6 % @mutrri]

لا ينكسر بوح المشاعر من الضيم
كل ما تجي لحظة عناق انتخانق

قومي و شوفي معانق الغيم للغيم
متى نسوي مثلهم و انتعانق ؟

[M6 % @mutrri]

مستعد أموت لأجلك ولكن قبل أموت
كان عندك شي يثبت " غلاي " ورّني !

_ منيف الجراش

[M6 % @mutrri]

-

[M6 % @mutrri]

وفي نهاية أكتوبر
يافرحة يعقوب بِيُوسُفَ مرِّي بِنَا 🤍

[M6 % @mutrri]

أحبك لو يموت الحبّ ، و تصير القلوب قبور
و أنا مهما منحتك من غلاي .. أشعر بتقصيري

أحبك من هنا ، حتى طلوع الفجر ، حتى النور
صحيح انك قدر محتوم .. بس أجمل مقاديري

[M6 % @mutrri]

أما عن / الاماني

" تمنيت شيء وقدر الله شيء وصار
ولا لي سوا وجه الرضى لو تصنعته ".

وأما عن / الخيرة

" أنا هقيت إن راحة العبد فيما أختار
وأثر خيرة المولى لـ عبده مسنّعته".

وأما عن / العزيمة

" نطحت الزمان بقوة العزم والإصرار
ولا أقول طوعني ولا أقول طوعته".

[M6 % @mutrri]

لا تسأليني عن غلاتك والله
إن انتي هنيا مثل ماكنتي !
ٰ
أنااا : " أشهد أن لا إله إلا الله "
وأنا أشهد إنه لا حبيبه إلا انتي ")

[M6 % @mutrri]

التلميح اجمل من القول في الامور العاطفية
الصراحة تقتل اللذة الموجودة في بطن التلميح

يقول نزار
"كلماتنا في الحب .. تقتل حبنا
إن الحروف تموت حين تقال"