نايف المتلقم

ليسّ كُل مـآ أكتبهَ حِكآيهٌ عَنْ وآقعي إنمَآ هِيَ كلِمَآتٌ رآقَت لِي وقدَ يـحتَآجھَآ غِيري.💗

[نايف المتلقم @n1ef]

َ
اللهم اجعلني من الذين اذا احسنوا
استبشروا وإذا اساءوا استغفروا .

[بندر نهار المتلقم @bandar_almtlqem]

غفرّ الله لك وجعلك من الضَاحكين
المُستبشرين في جنات النعيم..

[نايف المتلقم @n1ef]

﴿ رَبِّ اجْعَلْ هَذَا الْبَلَدَ آمِنًا ﴾

[نايف المتلقم @n1ef]

النصح في بعض القلوب المصدّه
مثل المطر فوق السحال المغطاه

[نايف المتلقم @n1ef]

رشيد الزلامي

عروق قلبي يالسديري معاطيش
أمشي وانا مقفي وأعاين خلافي

رد محمد السديري

برقٍ يفوتك لو مزونه مراهيش
لا تستخيل أمطار سحبٍ مقافي ..

[نايف المتلقم @n1ef]

«يا اللي تقول إن فقرنا من يدينا
لا تحسبنّا ما نعرف التدابير

يا ما غدا منّا ويا ما عطينا
ويا كثر ما حاشت يدينا من الخير

نجود من جودات ربك علينا
ونصبر ليا كثرت علينا المخاسير

وإن جات من ربك على ما بغينا
وإلا صبرنا في رجا الله بتيسير»

[نايف المتلقم @n1ef]

الراي رايك وانت عندك خيارين
تنق فـ الدربين وانت المبدّا

تقدر تطيب ولا تخرق القوانين
وتقدر تعذّر بالنظام وتردّا

[نايف المتلقم @n1ef]

المرجله لو هي شقا ربك يعين
ثلاثة أرباع المطاليق .. أشقيا

لكن تجمل بـ اليسار و بـ اليمين
فـ اقراب والا أجناب والا فـ اخويا

[نايف المتلقم @n1ef]

أنا ليا كثرت الأشاوير ما أشير
حلفت ما اتي واحد ما دعاني

أنا خويه في الليال المعاسير
ولا الرخا كل يسد بمكاني

[نايف المتلقم @n1ef]

قبل الموادع نحسب إنا قويين
وعند الوداع أثر أضعف الناس حنّا

[نايف المتلقم @n1ef]

وسنة الله في الاحباب ان لهم
وجهاً يزيد وضوحاً كلما ابتعدا

[نايف المتلقم @n1ef]

راعي الردى لا تجبرونه على الطيب
العبد ما له غير ما الله كتب له

أشهد شهادة حقّ مدح الردي عيب
مثل الصلاة اللي على غير قِبله

[نايف المتلقم @n1ef]

الراي رايك وانت عندك خيارين
تنق فـ الدربين وانت المبدّا

تقدر تطيب ولا تخرق القوانين
وتقدر تعذّر بالنظام وتردّى

[نايف المتلقم @n1ef]

حنا كبرنا على المشروه والانتقاد
سمه تغافل تجاهل ، سمّه اللي تبيه

حتى الرفيق السنافي والرفيق الحشاد
من خيب الظن منهم ماشرهنا عليه

يمرنا يعتذر عقب الزعل والعناد
ويروح من عندنا ماسمع شرهه وليه

أن قال كبوة جواد ، نقول كبوة جواد
وأن قال طيحة جمل ، قلنا جمل ماعليه

[نايف المتلقم @n1ef]

الفضل للي يعطي الطيب والجود
ناسٍ تسددها ، ، وناسٍ تقرّب

لاترتكي دايم على المال والزود
والجاه والمنصب والاسم المعرّب

يمكن تثوّر بالخبا وانت باارود
ولا تصدّي وانت سيفٍ مجرّب

[نايف المتلقم @n1ef]

عسى الله يجمّلني مع الطيبين بـ الطيب
وعسى من هقى فيني ، اجي فوق هقواته

[نايف المتلقم @n1ef]

والله إني فاقِدلي على الدنيا عزيز
مانسيته طول الايام لو غيري نسّوه .

[نايف المتلقم @n1ef]

"حوائج النَّاسِ مقضيَّةٌ مقضيَّة
ولكن عندما يختارك الله
ليقضي هذه الحوائج على يديكَ
ففضله عليكَ أعظم من فضلك على الناس"

[نايف المتلقم @n1ef]

يا طير يالي تنثر الدم يمناك
ياصادق الهدات حسن السجايا

غالي على نفسي ومغليك مشراك
شــاااريك صقـارآ بعيـد النوااايا

ياطير ماعينت لي طيرآ حلأياك
ياخذ عيونه من عيونك حلايا

يهـد هــداااتك ويرقــا بمرقاك
وله مخلبآ بين الضلوع الحنايا

🕊

[نايف المتلقم @n1ef]

مكارم الناس بالاخلاق مذكوره
وبيض النوايا تبيض وجه راعيها .

[نايف المتلقم @n1ef]

لو السماء نظرتك والارض ميدانك
احيان عينك على اتفه شي ماتغفى

ياقلب تدري ملائكتك وشيطانك
ان نيتك فالبشر مثل الذهب واصفى

فتحت من طيبتك للناس بيبانك
وان صد راع الجفا ما قلت له تكفى