محمد المطلق 🇰🇼

انا لست صالح انا مستور:)💙

[محمد المطلق 🇰🇼 @n22vk]

وصيتي حين وفاتي
لا تهجروني ولا تحرموني من الدعوات
سامحوني جميعكم
و اغفروا زلاتي
فالدنيا أصبحت مخيفة
حللوني فالموت.... لا يستأذن احد

[محمد المطلق 🇰🇼 @n22vk]

كل ماظنيت لي ظن في غالين خـاب
انا طيّب واحسب الناس مثلي طيبين

مابعد عاتبت غالي ولا احب العتاب
حـ��ى لـو مـايعتذر غالي وعذره سمين

مستحيل استعطف الناس ولا أطق باب
لـو خلاف الباب هـذا عشير الغانمين ..

شوف نفسك ياحبيبي على تلع الرقاب
مثل ما قد شفت نفسي على المستشعرين

حر لكن عبد للي خلقني من تراب
وماتبعت من العباد الا خير المرسلين

خايف من الله تعالى ومن يوم الحساب
اي نعم خايف واشوف الشجاع بنص عين

ياصوابي من غيابك وياكبر الصواب
مستحيل يردك الوقت اعرف الوقت زين

حمل كتوفي بحمل تثاقلها ركاب
من صواديف الليالي صكات السنين

من سمعني قال شايب وانا لازلت شاب
ومقتنع والحمدالله رب العالمين

[محمد المطلق 🇰🇼 @n22vk]

ما نجهل الدنيا.. ولانعلم الغيب
بس الزمان اليا تمايل .. تمايل

تصيب بعض أحيا�� .. وأحياناً تخيب
وأنت اعتبرها مثل كبوة أصايل

نمشي على درب الكرم .. والمواجيب
ولاشكينا من سموم القوايل

من شفت ناب الذيب في جيفة الذيب
آمنت بأن أهل المروّة قلايل

لا صرت ما تضمن قلوب الأصاحيب
جنّب قبل تلفي عليك الفشايل

أحد(ن) إذا مديت له طيبك .. يغيب
ماتملى عيونه كبار الفعايل

وأحد(ن) .. يموت إن كان سويت به طيب
يخاف مايقدر يرد الجمايل .

[محمد المطلق 🇰🇼 @n22vk]

@amalsr_ الف مببروك ومنها الاعلى💐

[عبدالله السربل @amalsr_]

اللهم لك الحمد🎓

[محمد المطلق 🇰🇼 @n22vk]

أجي قد الهقاوي البيض ولو فيها علي إرهاق
ما أجي بكيف الظروف اللي علي الوقت فارضها

[محمد المطلق 🇰🇼 @n22vk]

الندم ضيق مساريك يا الصدر الرحيب
ما ترك لك ليل مسرا و همك سرمدي

بين ترديد الحسايف و تحقير النصيب
ماني بـ قادر أسيطر على رجفه يدي

ما أتغارب منك الشك لكن الغريب
بعد هالعشره الطويله تشك اني ردي !

[محمد المطلق 🇰🇼 @n22vk]

إن تحالفتم علينا ما علينا
ما قوينا الا من أسباب التحالف

ومن سواياكم فلا خوفٍ علينا
ما خبرنا عندكم غير السوالف

مانخاف إلا عليكم من يدينا
إن سلمتم من يدينا مايخالف

[محمد المطلق 🇰🇼 @n22vk]

ان ضاعت الهقوات ماادوّر الناس
عند الله المقسوم .. شـرّه وخيره

ان جـاتـني على مـعـزّه و نـومـاس
والا .. عـليّ افـضـال ربّـي كـثـيـره

اللي شـرَع لـ عبادته حنيَة الـراس
ما شاف منّي حنيَة الراس .. غيره

[محمد المطلق 🇰🇼 @n22vk]

جاهدني الوقت لين أتعبني جهاده
خلاني أقنع بحاجات ما تقنعني.

[محمد المطلق 🇰🇼 @n22vk]

اللي بعد ما غاب عنكم بكيتوه
كم صار له معكم ولا أحدٍ درى به

ياليتكم ملتوا عليه وسألتوه
سؤالكم يمكن يغيّر جوابه

لكن خذيتوا كل شي وتركتوه
لضيقته ، و لعزلته ، و أغترابه

اليوم بس اليوم يعني فقدتوه؟
هو له سنه من يوم اقفت ركابه

لو كان فيكم خير كنتوا ذكرتوه
قبل الزمن يسرق ملامح شبابه

[محمد المطلق 🇰🇼 @n22vk]

الفوز ماهو فوز كوره و بيلوت
ولا شعر ولا مزاين قبايل

تغانموا الاوقات والوقت موقوت
الوقت مثل الظل و الظل مايل

اللي تخطط لك مشاريع وبيوت
في طاعة المعبود كيف انت قايل

الفوز والله توبةً تسبق الموت
��بل الوداع و شد الرحايل

[محمد المطلق 🇰🇼 @n22vk]

المؤمن اللي كل ماضاق كّبر
يلقى الفرج آيه ماهو قول مأثور

والشارب اللي بـ العنا ما يغّبر
ما هو بلاقي فود يا سامع الشور

يا قابض الجمره طلبتك تصّبر
حتى لو انك من غثا الوقت مقهور

فوقك مجاهيم الليالي تزبّر
ما عاد باقي شي ويبيّن النور

[محمد المطلق 🇰🇼 @n22vk]

الرجل ��ازم يعرف ان الظروف الشينه
يا تقلل من طموحه يا تزيد .. اماله

الرجل حتى لو ظروفه ماهي بيدينه
كل واحد حسب هوماته وحسب افعاله

كم رجل مرتاح واوضاعه بخير وزينه
بس ماظن يتحمل .. غترته وعقاله

[محمد المطلق 🇰🇼 @n22vk]

لا تدور للمراجل ونت منت بصامل
ما يطول القمه الا من يسوق عزومه

والله ا�� ودي براعي الطيب لو هو عامل
خير من قرب الرفيق الي تشين علومه

ان بغيت اجامل الغلطان كيف اجامل
الاوله تفهم والاخرى ماهي ب مفهومه

نعرف الشخص الصريح ونعرف المتخامل
ونشتري المنعور ونبيع النذل في يومه

[محمد المطلق 🇰🇼 @n22vk]

رفيقي اعرّفه عسى ايامه طوال
ماني بمحتاج الظروف تبيّنه

يبطي علي وابطي عليه من انشغال
مع ذا الزمان اللي عسى الله يزيّنه

والشك ماله بيني وبينه مجال
الشك له ناس وطريق وعيّنه

هقواتنا عليا وربانا رجال
ولاضرينا با��ظنون الهيّنه

ماهوب لازم كل يومً اتصال
مدامني لاجاء اللزوم اعيّنه

[محمد المطلق 🇰🇼 @n22vk]

مافيه شي ما لحقه قصور
حتى السنين التاليات قصار

وتقول الارض من الاوادم بور ؟
ماهو على شان القبور كثار

اللي دفناهم بدون قبور
اكثر من الموتى بتسع اعشار

ماعاد في بعض الرجال صدور
من يوم اكلها الحسد يا ستار

خل البنات اللي سوات الحور
اثر الرجال من الرجال تغار !

[محمد المطلق 🇰🇼 @n22vk]

ليه اتخطف لقمتي من فم الذيب
مادام مقسومه تجيني بليّا

أهم شي اعيش مالي معازيب
وأموت لا اشرك امع اللّٰه شيّا

[محمد المطلق 🇰🇼 @n22vk]

تعبت اجامل الع��لم واجامل وقتي الساخر
مجمعهم حواليني وكني جامع لي ذنوب

انا اخطي وانا اقصر ولاني والله مجاهر
ولكني اذا اخطيت ارجع منكسر واتوب

ذخرت اسماء لكني كأني ماني بذاخر
عسى يطلع بهم يوسف وانا اتبع سيدي يعقوب

[محمد المطلق 🇰🇼 @n22vk]

ابليس شب النار وابليس من نار
والناس طين وزادوا الطين بله

[محمد المطلق 🇰🇼 @n22vk]

ليتك قبل ما تلبس قناع فكرت
عشان نلقى لك مع الناس صرفه

لابس قناع و تحسب إنك تنكرت
وأصلاً .. هذا هو وجهك اللي نعرفه