🦌

في رجاء الله والمقادِير غلاببّبه .

[🦌 @n2_7c]

اللهم توفني وأنت راضٍ عني وسخر لي من يدعو لي اللهم إن كان يومي قريب فإغفر لي كل ذنب أذنبته وسخر لي من يدعو لي بعد موتي ومن لا ينسى إسمي عند وفاتي يارب العالمين .

[🦌 @n2_7c]

ساقة الدنيا قدم رجلي على درب الخلايق
بعد ما كنت أستلذ البعد قدام أحقرها

يارفيقي و الظروف اللي تعدينا وثايق
لو يجمعنا صفاها ما يفرقنا دهرها

يوم أكبر شرهتي و أكشف لك ستار الحقايق
زلتك ،، حاولت أعبرها على شان أعبرها

[🦌 @n2_7c]

يامل قلبٍ شعوره زند ولاعه
احيان يصحي وبعض احيان ماياعي

يغيب لمن طراله طاريٍ ساعه
ويغوص غبة بحورٍ مالها قاعي

واذا انتبه ثم عرف حقيقة اوضاعه
لو ماتفيد الحسايف طق الاصباعي

مافات فات وعرفنا كيف ميقاعه
والوقت تالي عساه يصير مطواعي .

[🦌 @n2_7c]

بين رحلة غرامك ، و إتخاذ القرار
كنت جالس معاك وداخلي معركه

الليّال الأخيرة .. ما عليها غبار
عشت فيها معاك وشفت فيها بركه

لو تركت السنين اللي بدون إنبهار
قلبك اللي بهرني عشق كيف اتركه

من بداياتنا .. لين الزعل ، وانت مار
" كل ضحكه هنا ماك��نت مفبركه "

[🦌 @n2_7c]

كنت أجي لك ود لو كلّي عتاب
وأبتسم لك زيف لو كلّي كسور

ماتركتك تلمح بوجهي إكتئاب
كنت أبروز صورة أحزاني سرور

ليه أبرحل ؟ ماهي بحاجة جواب
مارحلت إلا حفاظاً ع الشعور

سامحه أرجوك يـارب السحـاب
حتى لو هو عاث بأحساسي شهور

مـا أخاف أحزان منّه أو عذاب
خايف إن الوقت بـ احزانه يدور :)

[🦌 @n2_7c]

احبّه ولا ابغضته على شيءٍ يسويه
ولا زالت ارقاب الرجا فيه منعاجه

[🦌 @n2_7c]

يا خالق الصبح أرشدني دروب الفلاح
ما غيرك اللي عرف نفسي وغاياتها

من كثر ما دجّت رجلي في طريق الكفاح
صار الصبر بلسم جروحي ومرضاتها

عقب الصبر يالله بضحكة وفرحة نجاح
تنسّي أهل العنى — ماضي معاناتها

و تبدّل الليالي عسرها بالانشراح
و تزهر بقلبي سنين الخير ووقاتها .

[🦌 @n2_7c]

تمينت شي وقدر اللّٰه شي وصار
ولالي سوى وجه الرضى لو تصنعته

نطحت الزمان بقوة العزم والاصرار
ولا قول طوعني ولا اقول طوعته

تبون الصراحه ؟ والله اني بغيت انهار
ضروف الحياة اقسى من اللي توقعته

[🦌 @n2_7c]

إن شفتني مغليك حذراك والصد
ترى التغلي درب تشتيت الاحباب

ولايغرك من يقول أثقل وشد
ترى أكثر الفرقا من أشوارالاصحاب

وفاى دايم دام حبك معي جد
وألبسك من صادق الود جلباب

م��ني بمن حبه نزل يوم ثم شد
عقيم كان الوصل له ساس وأطناب

[🦌 @n2_7c]

@rxi6_l يسلامم

[🦌 @n2_7c]

لاغاب عنك اللي غيابه مصيبه
وطالت به الغيبه ولا جابه الشوق

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لا تلحقه لو كل مطرود ملحوق

ترى المحبه ما تجي بالغصيبه
لو السماء تطبق على الارض من فوق .

[🦌 @n2_7c]

طبعي اجنّب عن الناس و اصد
لا شفت مالا يستحق اهتمامي

في ذمتي ماهو بمعجزني الرد
انا اعتبر صمتي جزء من كلامي

لكن عندي كل حاجه لها حد
قبل توصل هيبتي و احترامي

صدّي عن اللي مايبادلني الود
شيمه لنفسي و احترام لمقامي .

[🦌 @n2_7c]

انعست عين الغلا والهوى هدا
خانت الايام والملح والعشره

وابتديت تشوف نفسك وتتحدا
وأنت ماكنت تتغلى ولا تشره
كنت مجروحي وصرت الدوا والدا
کنت آآه و صرت آهات منتشره

غلطة اللي بالمحبه أخذ وأدا
واعترف لك بالغلا وابصمت عشره

الهوى جاب الغلا والهوى ودا
وأنت وجروح الزمن بالحشا خشره

[🦌 @n2_7c]

ماأحب احس إني مثل باقي البنات
أحب أحط ايدي على الشي الثمين

اطيش . . لكن طيشي لحد الثبات
وأضحك مع العالم لكن ضحكي رزين

ابكي على مامرني من ذكريات
واحزن على الدنيا وموت الطيبين .

[🦌 @n2_7c]

يـاربِّ وأنا اللي كل ما تمضي الأيام
أنا الضعيف اللي رجاه سترك الضافي

ما تغريني دروب الملذات ولا الأحلام
ما دام إني بترك هالزمن كله إخلافي

رجعت لك-تايب قبل لا ترفع الأقلام
من ذنوبي اللي ثقلها يتعب أكتافي

تقبَّلني بـ عفوك عليَّ و رضاك التام
رضاك أنت غاية قلبي الطيِّب الصافي

[🦌 @n2_7c]

الكبد والحزن ومداول ايام الزمان
واقعٍ يسلب من الادمي حريته

ياظروف الوقت لو كل مانبغاه كان
يمدي الانسان يطغى على انسانيته

يبطش الدنيا ويعطي على الغيب الضمان
مير ذي تختص بالله و وحدانيته

ربي اني مسني ضر بلوى وامتحان
عارضٍ ماتعلم الناس بخصوصيته .

[🦌 @n2_7c]

@sr_sjx انا ليا شفت لي مقفي تجنبته
ما ابيه لوكان يفرش لي على جيبه "

« المجنّب من الاوادم ما يخلّى
لاسلم من شر ذولا جوه ذولا

- الاصايل كل يوم تلافح بالكعوب
والردي لا عيّن اللي يهينه قدّره -

[🦌 @n2_7c]

سبحانك اللهم يا عالم الغيب
يا ربّي لا تكتب علي الضياعي .

[🦌 @n2_7c]

حاذفٍ من معجم الود لك كلمة خلاص
وكاتبٍ قدام باب الجفى .. مالك لوى

[🦌 @n2_7c]

تذكر يوم انك تحداني تفارقني؟
شفني تركتك وصارت همتي اقوى

شجاعتي يوم افارق شخص خاذلني
خلتك في عيني التايهه بلا جدوى

اخترت افارق لان العقل ساعدني
وحبيتك اول لأن القلب مايهوى

ماهو خطأ يوم احبك ، الخطا اني
ضيعت عمري عشان انسان مايسوى.
.

[🦌 @n2_7c]

لاتشتكين اللّوم وانا هنيّا
انا هنيّا لجل مايلحقك لوم

إن كان ماجتني عليك الحميّا
ماعاد لي في باقي العمر ملزوم

نامـي وخـلّي كـل هـمٍ عـلـيّـا
ماالله خَلق هالجفن لسهاد وهموم

لاتندهي لي واصلٍ لك بليّا
لو نكسّر قلوبٍ ونزّعل خشوم