وصـف

مُجرد شخص متذوق للشِعر وعاشق للنصر🤍

[وصـف @n2__9]

تنويه :

كل م يكتب في هذا الحساب لا يمثل الواقع أبداً
أنا على أرض الواقع رحب جداً ووسيع صدر

[وصـف @n2__9]

مما قيل في فن الانصات :

تبسَّمت لحديثك بسمة اللي ممتلين إعجاب
مع إن نص الكلام اللي ذكرته .. مـا يناسبني !"

- ميَّ اللافي

[وصـف @n2__9]

مرحباً أما بعد ؟
الوفا ما ينشرى والتقدير ما ينطلب يا تعيش بعين اللي يقدرك من قلبه، يا تمشي بعزك... ولا تلتفت وراك

وفي سياق أخر قيل؟

" ما أمحي الود ولا أنكر العشره
لكني اقطع الوصل اذا قل قدري"

[وصـف @n2__9]

من أسوء المراحل مرحلة تحوّل مكانة المحبوب إلى مكانة الغريب بكُل أسف ،

و قيل في ذلك

حبيبي عقب المودة أصبحت أشوفك غريب بلاد
عقب ماكنت الموطن اللي دونه ضاعت اسيادي

وأيضًا :

غريبة ! كيف أمرّ بـ مجرياتك يا حبيبي ضيف
عقب ماني معزّب عينك النجلاء وضحكتها !

[وصـف @n2__9]

مما قيل في طرد المقفين يقولون الشعار :

تقولين وش حدك على طردة المقفين ؟
أنا ما طردت من المقفّين كون أنتي

_ صالح النشيرا

بعدك الضحكه غريبه و السعاده غُربه
ما توقعت أطرد المقفين لين أقفيتي

_ حشان بن مصلح

طرد المقفين لا سلمي و لا ديني
و شلون تقفين عني و أتبع الجرّة

_ جطلي بن فهد

[وصـف @n2__9]

جعل السحاب اللي من الصبح يبراك
تمطررررر ربابينه ( كثر ما تغلّا ) !

لا تزعل اليا صار ما علّ مرباك
لو شاف جيدك كان فوقك تعلّا !

يهل هماله ، على وقع ماطاك
لين الخزامى تحت ثوبك تدلّا

وايلين ما تضحك وتظهر ثناياك
وايلين خدك ب الورود يتجلّا :)

ما له عذر لو مر فوقك ولا اسقاك
واسقى محلّك يالعذوب المحلّا

لو الحكومه تدري انه تعدّاك
صلاة الاستسقاء بكره تصلّا

- عبدالله السيحاني

[وصـف @n2__9]

البارحة مرني طيفك بنص الكلام
أشتقت لك لين قالوا : كمل السالفة

- محمد بن فطيس

[وصـف @n2__9]

مثل المطر حتى قليلك فيه حياة🤍.

[وصـف @n2__9]

نظرت فيها مثل نظراتها في
وعجزت أقاومها وصديت عنها

كل النساء ظلماء وهي بينهن ضي
غطت شعاع الشمس أشعة بدنها

من الذهب تلبس خلاخيل وحلي
سود محاجرها وحمر وجنها

مدري تسمى من ومنين ومن أي
وش هي قبيلتها وموقع سكنها

راحت وأنا ما اعرف من اخبارها شي
الا رموز الموتر اللي حضنها

مدينة من بين أبو ظبي ودبي
لعلها كان إنها هي وطنها

تمطر عليها السحب هذي ورى ذي
وديم الليا قفى تراها ودنها .

- الشاعر الكبير عبدالله بن زويبن

[وصـف @n2__9]

سبّة بياض وجهي من سبايب سماري
يوم وجهي بـ وجه الشمس وأنتي بظله

[وصـف @n2__9]

معه نفس لاعافت تفارق معاد تشين
فلا تختبر صبره معك طالبك طلبه

يحبك لكن ما ودّه إنك تعرفه زين
و لا ودّه تشوف الموازين منقلبه

ليا صد ماعاده مع الذكريات يلين
لو أن الهوى غلاب ماتقدر تغلبه

ولو حنّ له قلبه و رفّت عليك العين
يده سكّرت عينه و رجله وطت قلبه

- سالم حمد

[وصـف @n2__9]

مرّي علي كل ما مريت .. في بالك
ما اغلا من العمر لا عشته معك كله

وشهي حياتي لو اني معرف اوصالك
وانتي على الليل الاسود شمسً مطلّه

ماغاض برق السحايب غير سلسالك
ودّه لو يلوح في عنقك .. ويحتلّه

من ذاق ريقك وقضّى صبحه قبالك
ماهوب خرمان للفنجال .. والدله

-مبارك بن ناصر

[وصـف @n2__9]

طرقني غرامك يا جميل الحلايا طرق
كما يطرق الحدّاد صيخن غدا جمره

ما عاد اميّز لا شفت زولك جنوب وشرق
اضيّع دليلي . . مثل شرّابة الخمره

ترّفق على قلبٍ بـ وسطه " ندايا زرق "
تعاقبته سهوم الغرام و بلش بـ امره

ترا الحب يسرق حال راع المحبه سرق
يملّه مثل مل الشويّه على السمره !

وانا ما بغيت الا شوية بـ لمحة برق
كثر ما " فم العصفور " ياخذ من التمره

جمالك طبيعي . . بينه وبين غيره فرق
عليه احسدوك اهل المساحيق والحمره

[وصـف @n2__9]

@2la90 عليك

[وصـف @n2__9]

مرحبا قبل السؤال .. ومرحبا بعد الأجابه
يا هوى القلب العليل و بلسمه من كل علّه

ما بعد صوتك جمال ولا بعد شوفك رحابه
أنتي إللي تستحقين الغلا دقه ، و جلّه

من يشوفك يبتسم لو كان عايش في كآابه
كيف عاد .. إللي فـ قلبه لك مكانه مستقلّه

[وصـف @n2__9]

وجب التنويه:

بتحدّك مقادير الدهر والليالي العوج
على جمرةٍ مالك على لمسها حاجة .

[وصـف @n2__9]

قال بعد الانهزام :-

تعززت عقب اخذت انا وانت سبع سنين
بصبرٍ جميل وطول طرقه وتنهيده

تشغل شريط الذاكره في دماغي لين
توقع يدي على رقم هاتفك سيده

نقيض اتصالي فيك وانا اعرف الروتين
مع اصراري اللي يسمع الصوت ويعيده

ان الهاتف المطلوب مغلق ليا هالحين
وان الشاعر اللي دق قلبه ماهوب ايده

[وصـف @n2__9]

يقولون انها شافته تدخن مره فقالت له:

هيه ياللي نار أبوك فـ مجلسه شبّابه
فيه حاجة مزعجتني فيك عنها ببدي

بين وسطى كفك الميمون والسبّابه
حاجةٍ تبرد تحاسيفك وتحرق كبدي

[وصـف @n2__9]

هنا نجلس أحسن أو هنا؟ وين ماتبغين
أنا احب هذا الركن .. لكن على أية حال

علامك علامك ؟ ساكته ،، ليه ما تحكين
تبين أبتدي؟ حاضر ، على امرك ، براحة بال

على نفس هذي الطاولة ، من ثلاث سنين
رمت بنت دبلتها الذهب ، وانكسر رجال

تمسّك بها حاول وحاول ، لين
بلا لين كان يحاول بكفت الأشكال

وشدّت اديها ، وارتفع صوتها وبعدين ؟
أنا لازم امشي ، وأنت يكفيك لعب عيال

على حر من قلب انهدم حاول المسكين
وعلى اقل من مهل الندم ، باعدت تختال

هنا ، مات حب و، يبس قلب و ، تملت عين
من الملح ، وأندفنت حكاية فرح وآمال

وجيتي تبين انرجع اللي مضى هالحين ؟
أنا من ثلاث سنين بطلت لعب عيال :)

- فهد عافت

[وصـف @n2__9]

@azf9p ننتظرها تجاوب

[وصـف @n2__9]

بنتٍ .. تزيد القلايد في نحرها ثمن ْ
وشلون ترخص ملامح وجهها للعنا ؟