تهادى نسيم الليل وانتشروا .. العشاق
وسريت التفت في ضيقة الصدر وادعيها
.
أقول أرحبي حتى لو الوضع ماينطاق
وشوفي لش أقرب زاويه .. واستحليها
.
تعلمت من طبع الشجر قيمة الاخلاق
يدور الزمان .. وعادته .. مايخليها
.
يهب الهوى وتطيح من غصنه الاوراق
وعلى كثر مايحتاجها .. ما يناديها !
الحب مثل الدمع مايصعد ان طاح
وان طاح ما احياء الجذور الهشيمه
لا صار حلم الليل ملقى للارواح
ماعاد لأحساس المحبين قيمه
ماهو مهم ارجع الحب لا راح
بس المهم ان الحكايه عظيمه
ما دام رحتي كل شيء معك راح
لا تسأليني عن علومي القديمه
خليني أعيش بحياتي وأرتاح
يمكن أنسى طعم مٌر الهزيمه
رحتي بعد ما أجرمتي أجرام سفاح
وأنا متشربك في خيوط الجريمه
كنتِ نهاية حزن وبداية أفراح
وصرتي جهنم كبريائي وجحيمه
ما عاد يغريني لك البرق لا لاح
ولا عاد يجذبني الصباح ونسيمه