🇸🇦

ما عاد أبي رد الجمايل من الناس ، إلا عسّى رأسي من الناس يسلم

[🇸🇦 @n507j]

﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
سُبحان الله
الحَمد لله
لا إله إلا الله
الله أكبر
أستغفِرُ الله
لا حَول ولا قوة إلا بالله
سُبحان الله وبِحمده
سُبحان الله العَظيم

[🇸🇦 @n507j]

تجاوزت ذيك الليلة اللي بدون شعور
على صدري رماح الحسايف تركزها

تجاوزتها مجبور ولاّ ماني بـ مجبور
انا ماهقيت اني بـ يوم اتجاوزها

لياليك راحت دون عفواً ولا مشكور
من اللي حصل مافيه حاجة تميِّزها

[🇸🇦 @n507j]

عاد قلبي من حنين الذكريات مهايف
قد كفاه الحزن الأول والزمن ما حنّه

[🇸🇦 @n507j]

الوقت ساومني على راحتي لين
قررت اثمن راحتي واشتريها

اثر الدقايق بعضها تاخذ سنين
لين نتجاوز كل ما صار فيها

اقسى شعور يراود القلب والعين
يوم انتذكر حاجةٍ ما نبيها

المستريح اللي جمع بين ثنتين
صدر ٍوسيع وذاكره لك عليها

[🇸🇦 @n507j]

@kld6dlk سبحان الله نفس السبب اللي مقعدني للأن ! رحت للجنوب عشان خاطر المملكة العربية السعودية والمواطنين 🤚🏻

[🇸🇦 @n507j]

لا أخذت العزا في ما تبقّى لك من أحلام
مصيرك تواجه خيبة الظن .. وحداني

[🇸🇦 @n507j]

قدرت اتحاشى زحمة الناس بين الناس
وعجزت اتحاشى زحمة الناس في راسي

[🇸🇦 @n507j]

يطول الوقت بـ غيابك بدون قياس
يا ليت الوقت يقصر مثل تقصيرك

على درب المحبه .. معلن الأفلاس
و أخاف إن قل وصلك قل تقديرك

تركت القلب عايش بين هم و ياس
و لا تقدر تبرّر لي معاذيرك ؟

لا تجبرني أشوفك مثل: كل الناس
و أنا ما ودي أشوفك مثل غيرك

[🇸🇦 @n507j]

عديت روس الطوال وصحت ياصايح
ولا زال فـيني من الايـام ما فـيني

اموت ولا اشرب الباقي من المايح
رزقي على الله وشرهاتي على يميني

مهما اتعلم من الجاي ومن الرايح
القاعده ثابته مثل اسمي و ديني

لا طحت من عين غيري ماني بطايح
بطيح والله لامني طحت من عيني

جابر بن علوش

[🇸🇦 @n507j]

"لو أحزنّي إني في سبيل الهوى مقتول
يعزّيني إني كنت عن مقتلي .. داري"
– بندر الدويش

[🇸🇦 @n507j]

قال النبي ﷺ :
" خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك وله الحمد، وهو على كل شيء قدير "

[🇸🇦 @n507j]

والله إنك كنت غالي يا الرفيق الغالي
لين حدتني ظروفي والزمان المُنهك

ماهقيت إنك تخيّب هقوتي وأمالي
سوّد الله وجه دورات السنين ووجهك

[🇸🇦 @n507j]

@MhmdGhla71660 @malakadel_fajr @iwixzi هههههههههههه أنتي ممكن اخواتك مايسكتون يحاولون لكن انا فقدت الأمل فيهم من اول رفض يتقبلون ويرضون ف صرت اصمل على الشيء اللي ابيه لين يصير

[🇸🇦 @n507j]

@malakadel_fajr @iwixzi انا اصغر العنقود وفعلاً غيرت اشياء ف اهلي ماتتغير كانوا يرفضون فكرة اني اقابل صديقاتي بحكم انهم مايسمحون لخواتي الكبار قبل لكن انا الشخص الوحيد اللي قمع ذي الفكره وخليتهم يتقبلون ذا الشيء لين صاروا راضين فيه علي فقط بس مع خواتي باقي نفس وضعهم ههههههههههههه

[🇸🇦 @n507j]

@Pvuio1 كيف اقنعهم يلبسون عبايه ونقاب صدق لأن ذاك التطبيق فيه ضريبه ورديه يهز ميزانيتي هز

[🇸🇦 @n507j]

الأيام ظلمة والليالي عديمة راي
مشاويرها حرمان ودروبها حرّه

خذت مني أغلى ماتمنيت في دنياي
وخلت لي اللي ما تعوذّت من شرّه

أنا بخير والله لو معي ذاكرة نساي
ماهي بـ الحنين ولوعة الوجد مضطرّه

لو الموت مرّه ما تعنّت في دنياي
أنا أشوف لي حييّن ما توا مية مرّه

— عبدالله السراهيد

[🇸🇦 @n507j]

يالراحل اللي عقبك الصدر جيّاش
ما جيت لحظه فـ الخيال ونكرتك

وشلون بنسى عطفك اللي معي عاش
وانا لا مات اللي ما اعرفه ذكرتك

[🇸🇦 @n507j]

جروح الغلا تمكن ما هي ناقصه ملقوف
على اللي شكى حظه و الأيام ممحقته

ما دام التسلي صار خارج عن المألوف
رحل و آخر أحلامه هي اللي موهقته

نصايحك وفرها يا راعي الحكي المصفوف
أنا إنسان و همومه عن الحكي خانقته

لقى الصمت حاله حال فزعتك و المعروف
لا صار الكلام يقال ، في وقت مو وقته

[🇸🇦 @n507j]

هذا البال مدهل و الطواري عليه ضيوف
ضيوفٍ ثقيلة دم ماهي بـ عاتقته

ما تثر عليها نغزة الحكي فـ المكشوف
لو أصد عنها جات لـ الباب و أطرقته

تمادت و عدت حاجز المستحى و الخوف
و تخاوت مع قلبٍ على الحزن سايقته

ما هي هاديه يا لين تمكن صميم الجوف
طواري هدفها جرحي اللي ملاحقته

[🇸🇦 @n507j]

تخيّر أيّات درب لـ خطوته تستريح
أنا ما أحب أجبر الغالي و لا أحايله

الوصل وجهه قبِل و الهجر وجهه قبيح
و هذا مانيب قايله و هذا مانيب قايله

جرحتني بـ الصدود وبـ الكلام الشحيح
في ساعةً كان صوتك فرحةً هايله

و أنا على كل حال إن كان تبغى الصحيح
مانيب زعلان من جرحك لكن شايله

[🇸🇦 @n507j]

وين بلقى عند ظلمك فـ المحبه قاضي ؟
يا حبيبٍ ما بقى ,لي في ظلاله فيّه

عن هواك العذب ,لا ناسي ولا متغاضي
وعن هوى غيرك عيوف ولا طرا لي نيه

ما رضى قلبي المفارق , ليه قلبك راضي ؟
وانت ما يصلح تعامل غير ,بـ الحنيه

كيف بنسى الذكريات الماضيه والماضي
بعده ادور شعور , الراحه النفسيه