ناصر الهاجري

[ناصر الهاجري @n54___]

اللهُمَّ يا قاضيَ الحاجاتِ ويا مُجيبَ الدعواتِ ويا غافرَ الزلاتِ ويا مُفرجَ الكُرباتِ
اجعل لغزةَ وأهلِها من كل ضيق مخرجًا ومنْ كلِّ همٍّ فرجاً وكُن لهم وليًّا ونصيرًا ووكيلًا
يارب أطعِمهُم من جوع وآمِنهم مِنْ خوفٍ ومدّهم بقوة منْ عندَك

[ناصر الهاجري @n54___]

حتى " الثوابت " تغير من مواقعها
الثابت ان كل شيٍ في الزمن وارد

عن مغريات الحياه وعن مواجعها
محتاج قلب البليد وسجة الشارد

لا طابت النفس مابه شي يقنعها
لو تمسح العقل ولا تمسح المارد

بعض العلاقات تشبه لو نرجعها
القهوه البارده .. والشاهي البارد

[ناصر الهاجري @n54___]

ماينكسر عزمٍ مقرّه على ساس
لو يلحقه من لوعة الوقت خله

اليا امتلى بيت الغلابا من الياس
حطيت لي في راس ، الامال فلّه

اللي ورى العالم ، لايمكن يجي راس
لو ، يلتفت " مايتبعه " غير ظلّه

لاتنتظر الانصاف من ساير الناس
الناس عوق الناس والمنصف الله

[ناصر الهاجري @n54___]

كانت افكاري تحب .. احلامي الورديه
وتالي اكثر لون افكر فيه " لون الشاهي

كل شي ابيه واجد صرت ابيه شويّه
النزول بـ سقف رغباتي جعلني راهي

اهتمامي قلّ في حاجاتي الشخصيّه
واهتمامي زاد صوب الجانب الإلاهي

السلام الداخلي والراحه النفسيّه
من ملكها ما يهمه في الحياه الا هي

[ناصر الهاجري @n54___]

النصف ماعمره يكفّيني ب شي
الا انت يكفي منك نصف ابتسامه

[ناصر الهاجري @n54___]

اعفوني من النشده وكثر الإزعاج
أنا أبخص بدرب السنع والمتاهه

يا كثر ما صديت منعًا للأحراج
وضيّعتكم بين الغباء والنباهه

أحيان ما ألقى لي من الضيق مخراج
وأحيان يضحِكني كلام الفكاهه

أنا بشر! وأمر بظروف .. وأحتاج
عن عالم الإزعاج فترة نقاهه

[مبارك بن سوداء @Msii_5]

وصلك حياه يزيد في عمري عمر
اتعب وحصّل راحتي من بين يديك

شفت الطريق الي نهاياته قمر ؟
نفس الطريق الي يسريني وجيك

[ناصر الهاجري @n54___]

معاك أحب السوالف.. وأكره الأختصار
أنا فدى صوتك الهااادي.. مزيييل الكدر

ولا تخافين من هجر . . وحزن.. وانكسار
ما أنتي مجررد غرام ؟ انتي قضاء و . . قدر

[ناصر الهاجري @n54___]

اعرض عن الجاهل وخذ عفو الاخيار
يكفيك عن كثرالكلام ابتسامه

الحلم في بعض المواقف توقار
والصمت يغني صاحبه عن كلامه

الفرق مابين البصاير والابصار
ماهوبشوف عيون زرقااليمامه

بعدالنظر فالعرف يوخذ بالاشوار
احدٍ بعيداشبوح واحدٍ هلامه

عليك فالطيّب الى صرت محتار
وترّك صبيٍ ما براسه زعامه

[ناصر الهاجري @n54___]

٠
ارتفع ، على مدى نظرة اعيونك
الارتفاع ، احيان نوع امن التكامل

٠

[ناصر الهاجري @n54___]

بقا ذنب واحد من ذنوبي عجزت أنساه
بعد ما هداك الله يا قلبي .. على التوبه

لك الشوق . . . يا ذنبٍ ، تركته لوجه الله
" عسى سيئات الشوق ماهي بمحسوبه "

[ناصر الهاجري @n54___]

ماني موّكل على العالم ولا لي وكيل
الحلم في مزهبي والحمل في منكبي
ْ
مابين وصلٍ جميل، وبين هجرٍ جميل
أختار منها وانا حاضر على .. ما تبي

[ناصر الهاجري @n54___]

لا شفت القمر فـأقصى تمامه ووجهه بان
طرا علي …. لو ماحدٍ جاب له .. طااري

[ناصر الهاجري @n54___]

الفرصه السامحه بادر لها لا تفوت
وان كان فاتت فلا تطرد ورا الفايته

ولا يزين الكلام إلا يزين السكوت
ولكل حالٍ وله وقته ،، وله غايته

فلا تجيب الكلام إلا عليه الثبوت
ما يبعث الله نبي إلا ومعه ،، آيته

ولا تعيد الكلام وتبعث اللي يموت
ما تستصيغ الرجال اللقمه البايته

[ناصر الهاجري @n54___]

اتعبوا لـ اهدافكم يا اهل الحلم الشغوف
عنفوان زهور الاعمار .. قافيها المراح

الضعافه ويش ودت و جابت لـ الضعوف
غير صبرٍ ما يواجر ، و همٍّ ما يزاح

الفشل لا تجعلونه ذريعه لـ الوقوف
هو تراه اول مراحل محطات النجاح

ما يعديك المهونه و يلحقك الشفوف
غير ممشاك بـ شجاعه و عزمٍ من كفاح

[ناصر الهاجري @n54___]

بسم الله وعلى بركة الله نبدأ

بغيةً لرضا الرحمن نعلنها
#فزعة_لباكستان.

تجوز الزكاة ✅
للتبرع بالحملة
https://t.co/wrkf2yPUz4

[ناصر الهاجري @n54___]

ساجن ٍ من عزة النفس في صدري كلام
ما يفكه جاه اكابر . . ولا مال اثريا

[ناصر الهاجري @n54___]

غفلنا وانشغلنا عن طاعتك ياربنا رحماك
ورجعنا خاشعين ولامعانا الا هقاويينا

وقفنا عند بابك مالنا مطلوب غير رضاك
معاصينا كبار وعفوك اكبر من معاصينا

[ناصر الهاجري @n54___]

أحب الصمت فيّ ظل أندفاع النفس لـ التعبير
وأشوف إن الفرح خصله حميده والحزن عورهَ

[ناصر الهاجري @n54___]

لو هو صحيح الاوادم تفهم الخافي
ما كان قال المثل والخافيات أعظم

أهم شيّ كلمتي والموقف الوافي
والناس تفهم مثل .. ما ودها تفهم