نـُـ

سمي النور

[نـُـ @n6hs_]

الباقيات الصالحات :
سُبحان الله | الحمد لله
لا إله إلا الله | الله أكبر

[نـُـ @n6hs_]

اوادعك والدموع اللي تسابقني
أصدق من أحساس من حبك ومن بوحه

وشلون تدعي لي أن الله يوفقني ؟
وأنا بلياك شخصٍ فاقدٍ روحه

[نـُـ @n6hs_]

صباح أول يوم صيفي ،

تعبت من كثر المشاوير أرتجي
ولا لقيت من الرجاوي فايده

أضحك على الأحلام بالصوت الشجي
وأقفي وأنا كبدي عليها جايده

هذي تقاليدي وهذا منهجي
رغمًا عن أنف الهيّنه والكايده
- مشاري محمد

[نـُـ @n6hs_]

أنت والناس من بعدك بقايا ناس
من يقابلك ؟ يعطي كل شي ظهره

كل كلمه لغيرك تنزل من الراس
وانت ترقى لك من القلب للحنجره
- أحمد تميم

[نـُـ @n6hs_]

﴿ رَبِّي اجعَل هَذَا البَلد آمِنًا ﴾
- 🇰🇼

[نـُـ @n6hs_]

كم لي وأنا فاقدك وأتفقّدك في كل الوجيه
ياهمي اللي لا أقدر اقوله ولا احتلت اكتمه

وشلون ما ترحم حبيبك وانت حُبك مبتليه
الدم يجري في وريده وانت تجري في دمه

ياما نهيت النفس عنه وقلت يانفس اتركيه
واليا تولّاها لهيب الشوق جاته مُرغمة

كيف انحرم من زول محبوبي وانا أولى الناس فيه
بعض الاحاسيس الدفينة أعمق من الترجمة
- سعود مهدي

[نـُـ @n6hs_]

على رغم شيءٍ من اجلك جرالي
بـ أوفي معك منا لـ يوم القيامه

من الغلا لو مرّ طيفك خيالي ؟
علي الحرام ان يستوي له كرامه
- علي ال صبيح

[نـُـ @n6hs_]

ترا الطب مايبري سليم الجسد لامرضْ
انا ذا سليم و يحسبوني من المرضى

سبب واحد عرقا على الكبد طول وعرض
كوى الكبد طول والحق الطول بالعرضا

رضى الله عليك ان كان تبغي رضانا فـ ارض
انا ازعل ليا من زعلت وليا رضيت ؟ارضى

وترا حب غيرك سنه وانت حبك فرض
وانا ماضني السنه بتجزي عن الفرضى

[نـُـ @n6hs_]

على كثر ما أنت بقصةٍ ماتبي تفسير
على كثر ما أحتاجت نهاياتها لإيضاح

رضيت الجفا مع وافر الود والتقدير
لأماكن لقاك اللي من أقفيت ماتنراح

أنا كثر الله خير صبري ، على التفكير
لحالي وأحارب طيفك اللي بسبع أرواح
- عبدالعزيز العبلان

[نـُـ @n6hs_]

مهوب شرط ازعل إللي كنت ابيه
حتى لو أنه أخلف وعوده وأختلف

من دون لا يزعل علي ، و ازعل عليه
القلب ما يرضى على الغالي كلف

والحب مثل الدين لا إكراه فيه
إن ما توافقنا ؟ عفى الله ما سلف
- فهد المبخوت

[نـُـ @n6hs_]

أنا ودي إن الموت وقّف مسير خطاي
ولا شفت هقواتي ورا الحب مذبوحه

مثل مايروحون المحبين رايح جاي
أنا رحت لكن كانت الروحه الروحه
- مشاري محمد

[نـُـ @n6hs_]

نحل عودي ،وصبري فقدته ولا لي حيل
هذا القلب فـ رعايتك ياحضره القاضي
- الجادِيّ

[نـُـ @n6hs_]

شافني قلطت له قلبي وشمّر عن يمينه
ويوم سمى قمت اقطع له بواحد من ضلوعي

قال جاد الله عليك وراح بيغسل يدينه
قلت والله ماتغسل يدينك الا من دموعي
- حزمي بن سعد

[نـُـ @n6hs_]

يكبر الجرح لا جا من يدين الحبايب
ويصغر الجرح لا التم الحبيب بـ حبيبه
- محمد فراج

[نـُـ @n6hs_]

طواري الحبيب تعزي الخاطر المحسوس
لو انْه السبب في اللي لحق خاطري كله

يفز الفؤاد اللي ردف فزته هاجوس
لا طروا دياره ، وان ذكِر لي سميٍ له
- علي ال صبيح

[نـُـ @n6hs_]

الغلا في كل يوم يطيح صرحٍ من صروحه
إدرك اللي باقي من الحب قبل يفوت أوانه

لا تحملك الخطايا هم عذر و لا سموحه
ارجع أنت و كل شيٍ فات يرجع في مكانه
- عبدالله السراهيد

[نـُـ @n6hs_]

عاد للماضي الجميل اللي رحل فالعين صوره
وعاد قلبي مانسى ضحك الوجيه اللي صدفها

كن صدري ديرةٍ من جملة الناس مهجوره
الدهر جفّف مواردها و عشّى في طرفها

من كثر ما اقفى ونسها والشجر ماتت جذوره
لو وطاها واحدٍ قد حلّ فيها ما عرفها
- جابر النشيرا

[نـُـ @n6hs_]

جعل ربي مايرويك الحزن والضيقه
وانت الاول في ملذات العمر وآخرها

لاتعودني على حزنك وانا ماطيقه
بسمتك مصدر فرح لو انك مزورها
- صالح النشيرا

[نـُـ @n6hs_]

انتي على الثوب الابيض مانتي من البنات
من بطن غيمه تشب الشمس بـ اطرافها 🤍
- ناصر مناحي

[نـُـ @n6hs_]

عن عائشة رضي الله عنها أن رسول الله ﷺ قال: «مَا مِنْ يَوْمٍ أَكْثَرَ مِنْ أَنْ يُعْتِقَ اللهُ فِيهِ عَبْدًا مِنَ النَّارِ، مِنْ يَوْمِ عَرَفَةَ، وَإِنَّهُ لَيَدْنُو ثُمَّ يُبَاهِي بِهِمِ الْمَلَائِكَةَ»

- اللهم أجعلنا و والدينا ومن يعز علينا من عتقائك ياكريم

[نـُـ @n6hs_]

اليوم عيني بالدموع ازعجتني
وعزمي تردى عقب ذيك الشجاعه

شفت الليالي القاسيه لوعتني
ولا حدٍ معه من جور بقعى مناعه

بكيت من دوات همٍ وطتني
ولاعاد بي على السكوت استطاعه
- عامر بن نوطان