عابر

هذا مكاني مرّني كل ما أشتقت :)

[عابر @n882i]

اذكروني بدعوة ولكم مثلها بإذن الله 🤍

[أبيات شعـر @abyat_she3er]

اللي نبي ماعاد هو موجود
ياسعود هذا منزله خالي

ماهوب قصده يوم راح صدود
لاشك هذي دبرت الوالي

[قروب شعر @Group_she3er]

وأصد لا ضاق صدري من سوايا رفيق
ما ودي يطيح من عيني ولا ودي أجرحه .

[عابر @n882i]

يكفيني رحلت ولا حصل مني خطا وقصور
وانا حتى وداعي فيه بصمه تثبت اخلاقي

تخير فالديار اللي يغشيها ظلام ونور
وفرق النور بالظلمه يبين غلطة فراقي

تمرك ليلة تطغى مشاعرها على المغرور
تدور فالبشر مثلي ولكن صعبه تلاقي

فمان الله يا اخر محطه والسنين تدور
فمان الله والهقوه تخيب هقوة الهاقي

[عابر @n882i]

فقدتك ولا زلت اتحرى لك اليا اشتقت
و اعوّد ادوووّوور " صورتك " و اتمعّنها

مع ان صورتك كانت تفَرحني اليا ضقت
لكن ما درييت ان عادني بـ احزن منها

[عابر @n882i]

انا داري ان مافيه شيٍ جميل يدوم
تمر السنين الحلوه اسرع من الرمشه .

[عابر @n882i]

على الزعل ، والضيق : حنّا كبرنا
ماعاد فيه أشياء تستاهل الضيق

واذا اعتزلنا : الكلّ .. محدٍ جبرنا !
العزله أصدق من وجيه المخاليق

حتّى على صدّ الحبايب : صبرنا !
الحلم لولا الصبر .. مافيه تحقيق

من كثر خيبات الحياه .. اعتبرنا !
العمر : لحظة ، والليالي : توافيق

[عابر @n882i]

الكرامه فرض يوم الحب سنه
نحشم أنفسنا و يعجبنا التغاضي

من جرحنا نعذره و نصد عنه
ما نضيع وقتنا في شي فاضي

بعد ما نعطيه فوق اللي يظنه ،
نبعد و نكتب على صفحته ماضي

الحكي نرميه فـ الصدر و نكنه
و الصدور تشيل ما شالت الأراضي

مـا نقضي ليلنا ذكرى و ونه
حنا مع سود الليالي في تراضيّ

[عابر @n882i]

من عـاش عمره للمخاليق تبـاع
يشرب فـناجيـل الـغـبـن والمـذله

وراع المعزه لو من الـوقت يلتاع
يعيش شامخ مـا انحنى غير لله .

[عابر @n882i]

ماعاد فيني لـ الرجوع استّطاعه
حاولت اسامح لكن القلب عافك .

[عابر @n882i]

على اللي تعبت انسى غلاه وتعبت اسير
على جرته من يوم قفت مظاهيره

حداني على شيئين ي الموت ي التهجير
بعد م كنت في بيت الغلا اغلى مساييره

حزينٍ عليه ومن نشدني اقول بخيّر
وانا ضايقٍ من جور هجره وتاخيره

يقولون خيره واعتبر كل شي يصيّر
وانا اقول م هي كل خيره تجي خيره !!

[عابر @n882i]

عجزت لااجاوب ولاارمش العين
طول سكوتي وهو طال انتظاره

اليا ذكرت ايامنا تدمع العين
راح وخلاني كسير الجباره

[عابر @n882i]

على الله يوم زلاته ماهي تحتاج للتوضيح
و اجنَّبها عن لسان الملام المرَّ والمنَّة

وانا يوم اترك دموعي على هيئة قصيد تطيح؟
تجفّ بـ كلّ صح الله لسانك لا لفت منَّه

وانا لو زحت عن بالي طيوفه ما قويت ازيح
شعورٍ كل ما يطري يدفَّ الونَّة بـ ونَّة

[عابر @n882i]

ماخبر قلبي على قلبك ردا
بس هجرك صابني في مقتلي
َ
عاذرك عن كل حاجه ماعدا
كيف هل الشهر ماباركت لي ؟

[عابر @n882i]

@56_p2 الله يبشير👍🏻

[عابر @n882i]

"أظلم الظالمين لنفسه من تواضع لمن لا يكرمه، ورغب في مودة من لا ينفعه."

- الشافعي

[عابر @n882i]

اشكر وضوحك معي يا مدور الزله
واللحين ما شوف شر ولا نتواجه

فلمك دخل عالم الافلام واحتله
ابدعت بالدور بالتصوير بإخراجه

قلبك سمع بالوفا لكن مادله
مصيره من اصغر الابواب مخراجه

فرقاك ماهو مطلعني من المله
والحمدالله غني مانيب في حاجه

[عابر @n882i]

@ws_67l هوك بشير

[عابر @n882i]

@r_2_0 وانت بصصحه وسلااامه❤️