ٓ

هـنا أكـتب شعٌوري.

[ٓ @n_300a]

اللهم ان كنت انا القادم فاحسن رحيلي وأجعل لي من بعد موتي اهلًا واحبابًا لاينسوني من دعائهم يارب ارحمني يوم لا يُسمع لقلبي صوت واجعل لي أثرًا طيبًا بين خلقك واغفر لي واحسِن خاتمتي

[ٓ @n_300a]

أنت اللي وجودك محسّسني بالأمان
حتى ولو أن المخاوف في طريقي

وأنت اللي مخليني أفرح قدر الإمكان
وأنت اللي يصنع ضحكتي في عز ضيقي

تصدّق ؟ أن من حبي لك بعض الأحيان
أحس بإنك .. منتب إنسان حقيقي

[ٓ @n_300a]

يوم جاء وجهك صباحٍ فيه ما للضيق داعي
جادت الدنيا سلام، وسافرت بالعين قرّة

للسّماء قبلة عيونك، لأوَّل دروبك مساعي
لآخرك نجمٍ قديم، وفي وهَج وجهك مجرّة

كيف أشوفك في فتور من الهوى وأنت إندفاعي؟
شايفٍ فيك أجمل أيّامي.. ملذّات، ومسرّة

[ٓ @n_300a]

ماجيتك ألعب بالمشاعر وأخليك
وماجيت لأجل استغفلك واستغلك

كيف أنشغل عنك وأنا منشغل فيك
ليت الشعور اللي بقلبي وصل لك

تغريني أشيائك وأتوه بمعانيك
وأقرا تفاصيلك وبعضك وكلك

طموحي استحوذ على كل مافيك أنا
معاك أشعر بـ بحُب التملك
❣️

[ٓ @n_300a]

لقيتك من بعد كلّ الخساير ربحي الأعظم
ولقيت بك عوض كلّ ما ضاع من ايامي❣️

[ٓ @n_300a]

و تبيني أبينّ غلاك .. الله لا يبين غلاك
تأمر علي و عيونك الثنتين تأمرني أمر

أنا اللي أحبك و أحبك من هناك لـ هناك
محبةٍ لو مـّت منها .. ما جنيت إلا ثمر
❣️

[ٓ @n_300a]

مْلكتني أربع حروف وتملّكني الذهول
من محيّاك لين رمشك وآخرك لين أولك

يا خشير الروح ما ترضيني أنصاف الحلول
لدّ عينك للحياة وشوفني مستقبلك
" يا بعيد وجابك الله لين عندي وصّلك "
❣️

[ٓ @n_300a]

مُمكن
تفهم
إني
أغار
عليك
من
كل شي؟

[ٓ @n_300a]

لا تذكر غيري ترا القلب يرتاع
أغار حتى إن رد غيري سلامك

إي والله إني فيك حيل طماع
ابييك كلك لي حتى كلامك .

[ٓ @n_300a]

عليك أغار لو أنّي قنوع — و عارفة قدري
ولكنّ النساء تبني على مثلك أمانيها

أنا أدري محدٍ واصل مكاني بالحشا وأدري
على غيري طواريق القصايد ما تغنّيها .

[ٓ @n_300a]

ماقلت لك في الحب لايهمونك
لي قلبٍ أكتفى بك ولا يبي سواك

أحد عنده مثلك ويقدر يخونك؟
وأحد عنده مثلك ويرحل ويجفاه

أنت القصيد وكلهم يحفظونك
وأنت الخيال اللي عجزت أتعداه🤍

[ٓ @n_300a]

سرقني مادريت إنه سرقني
سلبني و أحسب إني فاطنٍ له
أنا يوم أرسل عيونه لقلبي
عطيته مُهجتي والمعطي الله
نصف زين الخلايق في عيونه
وباقي الزَين في باقيه كله🤍

[ٓ @n_300a]

أحبك حبّ ما ينوصف بالشعور ولا بالأفعال
ولا توصفه كثر السطور ولا لسان القايلين

حبي لك أكبر من كلامٍ ينكتب لك وينقال
حبي لا قست عليك الدنيا من زود حنيته تلين

خذ عهدٍ من قلب يودك ما تغيّره الأحمال
عهدٍ حافظه بقلبي وبين الرمش والعين

[ٓ @n_300a]

سوالف الناس من عقبك . . حـلاها قليل
تعال
سولف علي حتى يبين الـَفجر

محتاج للضحكة . . وللهرجة السلسبيل
— اللي تلينٌ
فـؤااااااد اللي فؤاده حَجر

[ٓ @n_300a]

ا تقول عادي وأنت فارق عن الناس
أنت الوحيد اللي ما قد صار عادي

راعي مبادي ما يمشيك الاحساس
وأهم حاجه فالحياة المبادي

لا تختبر حبك وهو دون قياس
الكون زرعي بس حبك حصادي ❣️

[ٓ @n_300a]

أنت الوحيد اللي غلاك استوطن القلب
وأنت الوحيد اللي على البال ما غاب

لو ينـكتب لي عمر غير العمر هذا
أختارك أنت ولا أبي غيرك أحباب
"❣️"

[ٓ @n_300a]

يا أغلى مقادير عمري وأصدق آماله
الله يديم الرضى .. ونعيش في ظله
أدور اللي يسرّك و أتعنى له
وأقدّم العمر لك وأقول يا قلّه
لي عمر محدٍ وقف قبلك على جاله
ولك قدر محدٍ قدر فالناس يوصل له
لا قالوا الماضي اجمل قلت من قاله
الاجمل انت و عقبال العمر كله❣️❣️.

[ٓ @n_300a]

ياصدفةٍ ماجت على بال الأيام
كن العمر قبلك حظوظه بخيله
كن الليالي قبل لا أعرفك أعوام
وكن العمر يا أغلى العمر فيك ليله❤️

[ٓ @n_300a]

تراك أول غلا يسكن حشاي و يستحل أقصاي
معك تحلى مشاوير العمر لو طال مشواري
❣️

[ٓ @n_300a]

أحسّك لذّة الضحكة بعد تنهيد
وأحسّك حلم ما يوقف على رقادي

معاك أصبحت مغرورة وشيخة غيد
ومعاي أصبحت متسيّد ومتمادي

تروح بعيد .. ولا ما تروح بعيد
ما دام قلوبنا تعشق بعض .. عادي ♥️

[ٓ @n_300a]

على دربك لو ان العمر يوقف تمشي الأقدام
الين أموت “أبيك” وغيرك من الناس ما أبيها

يا مرساي الأخير، وذكرياتي في مدى الأعوام
يا ضحكة وجهي اللي تذبح أحزاني وتحيّيها ❣️