نـقـوهه

أحد غاوين الشعر وأحيان من رواده

[نـقـوهه @n_go_h]

اول ايام السكوت اخر ايام الغلا.

[نـقـوهه @n_go_h]

اداري خاطرك و أقدرك من اول و ذلحين
يا حلم راح نصف العمر في رجواه ما طلته

لا يأخذك الغرور وقولتي .. لك كل شي زين
لو أن اللي حصل ماهوب منك ما تحملته

[نـقـوهه @n_go_h]

بغيت أجوز من الهوى مير ما تمّ
تايب وردّتني على الودّ هلّه

يا ليتني مع نزل خلّي ولد عمّ
حتى ضلوعي من حديثه تملّى

[نـقـوهه @n_go_h]

تكلم ترى صمتك ماوالله يجيب الفود
وش اللي يبي ينفعك لا طول سكاتك

أنا خابرك من مبطيَ بالوصال // تجود
تجمّل علي بـ فرصه وخذاني وهاتك

[نـقـوهه @n_go_h]

جيت في وقتك مثل ماكنت دايم
كلّ ماتطري على بالي تجيني🩵

[نـقـوهه @n_go_h]

عن كلمة تعال
محمد بن هرشان يقول:
كلمة "تعال" اللي تجيني مداراه
أثقل علي من صدّة الشخص ذاته

وعقب هوّن وقال:
لا يابعد حيي وميتي وملّي
مرسولك الغالي لا زلت اتحرّاه

انا غروري للضعيف المولّي
اما انت؟ يزهاك الكبر والمباهاه

ايات كلمه منك واجيك كلّي
لو هي "تعال اللي تجيني مداراه"

[نـقـوهه @n_go_h]

«كنّي وأنا أدوّر الفرحة مع الدالهين
مضيّعٍ لي ذهيبٍ ما عليها وسم»

— جبار المعاوي

ادوّر النوم مثل اللي يدوّر ذهيب
إليا سرى الليل نومي من عيوني سرى

وتهون كل الهموم وكل جرحٍ يطيب
إلا همومٍ تسري من " ١٢ " و ورى

- عيضه الثبيتي

[نـقـوهه @n_go_h]

ليه ما أشقى وأذوب مْن الصبر في رجاها
وأنا الأيّوبي اللي حبّ له يوسفيّة

نفسي أعمق من الإبحار في محتواها
في الهوى لي شعور وفي الشعر لي هويّة

[نـقـوهه @n_go_h]

اقول المحبه بينّنا فص ملح و ذاب
و اقفّي .. و تكبر ذكرياتـه على فعله

اداريه مثل الصاحب الطيّب الكذاب
يقلّل حلاه الكذب و الطيب يشفع له.

[نـقـوهه @n_go_h]

اكبر بعين نفسي لا تذكرت اني
كنت اقدر اجرحك ولا جرحتك !

[نـقـوهه @n_go_h]

تحسبني في غيابك داله ومتعافي
وانا من حطة يدك خارج نطاق الخدمه

[نـقـوهه @n_go_h]

" كل دربٍ تحسب ان مافيه غيره ! فيه غيره
لا تعلقها على شورٍ عطاك الله بداله "

[نـقـوهه @n_go_h]

علمني شلون يشعل بالمحاني حريق
وعلمته ان الغصون الخضر ماتحترق

[نـقـوهه @n_go_h]

في الخصام يعتذر الأكثر حباً وليس الأكثر خطأً .

[نـقـوهه @n_go_h]

انا اللي آسف لـ قلبي على ما صار
رضيت ابقى بموقف ما هو بمُرضي

[نـقـوهه @n_go_h]

صافحت بيدين الصراحه وسلّمت
ماغيّرت كل القناعات مبداي

وابشرك مرتاح لأني "تعلّمت"
ما اضيّق من رايح ولا افكر بجاي

[نـقـوهه @n_go_h]

آسف أني رحلت و ما تألمت
لكن العذر منّك و السموحة

من نهاياتي الواجد تعلمت
روحة السامحين أخيْر روحة

[نـقـوهه @n_go_h]

تعال دوّر سبب من عسرك لـ يسرك
و اذا لقيت السبب لا يردعك رادع

مبطي وانا للامانه ودي أَخَسْرك
مـ احنا بحاجة لقا نحتاج نتوادع

[نـقـوهه @n_go_h]

لا حـدّرت دمـعه و لا نـاح نايـح
ماني بـ متضايق ولاني بـ مجروح

من جيت و ادري بك مع الوقت رايح
حتى العمر واهوْ العمر/ وقت و يروح

[نـقـوهه @n_go_h]

انا كرهّت اطباعك الشينه ورحت
تعبت اصلح شي ماهو بصالح

ارتحت يوم اني معك ماتصالحت
لانّي مع نفسي بديت اتصالح

[نـقـوهه @n_go_h]

« هذاك انا » لا اقفى من الليل ثلثين
بديت اشوف الربح مثل الخسارة!

الحلم والهقوة فـ بكرة وبعدين..
— طفيتها — كني مطفي زقارة .