ناصر بن محمد

.

[معكاز | شعر @M3kkaz]

من يحب الخيل يطرب بالصهيل
ومن يحب الصقر " قايد ما يقاد "

[معكاز | شعر @M3kkaz]

كل الديون مسددة الا ديون الوالدين
مهما تحاول والله إنك ما تسدد دينها

يارب تسعد واحدٍ يبرهم في كل حين
ترى الحياه ابدونهم ياشينها يا شينها

[معكاز | شعر @M3kkaz]

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار ،، والسّر ينباح .

[ᵂᴼᴴᴱᴴᴬᴶ @3ijx_]

أحبه لو سلا مع خاطره وأقفى مع المقفّين
محبة شايبٍ مرخص حياته عند أطيب أبله .

[معكاز | شعر @M3kkaz]

ابتسم ف وجيه خلق الله وسلّم
طيبة الانسان تصنـع له مكانه .

[معكاز | شعر @M3kkaz]

رفعت طيبي عن مواطي رداهم
ناس ٍ مثل جلد الافاعي تبدل .

[معكاز | شعر @M3kkaz]

الصبر حكمه والامل يطرد الياس
والجد والاخلاص قيمة وشيمة

والعز هيبة والشرف يرفع الرأس
والكذب سلعة مالها أي قيمة .

[بآد | @yyd5m]

انا في رجا الله ، ما ترجيت مـّد الغير
ولالي ورا المقفين لاشرهه ولا حاجه .

[قروب اشعار @aShi3ar]

" ماودك إن الحر لا طار يهوي "
وماودك الغالي تجي منْه الشكوك .

[قروب اشعار @aShi3ar]

صدورنا صافيه والجود فالموجود
يالله عسى هالليالي كلها صافيه

جعله يجي العيد لا فاقد ولا مفقود
والله يعوده علينا بصحه وعافيه .

[قروب اشعار @aShi3ar]

الوصل دله والرسايل فناجيل 
والشوق شايبٍ مبطي ماتقهوى .

[قروب اشعار @aShi3ar]

خلك على وضح النقا تكسب الناس
وان ما كسبت الناس راحتك مكسب

وكل على جوه ويقدح من الراس
" الناس كل له .. طبيعه ومذهب " .

[قروب اشعار @aShi3ar]

ننسى جمايلنا الجميلة مع الناس
ونموت ما ننسى الجمايل علينا .

[‏᷂عسر٨٨ @Qhta10ni]

يخيبك اجودي شايلٍ بشت وثلاث ختوم
ويفزع واحدً ما وسط جيبه غيرولاعه

[معكاز | شعر @M3kkaz]

قالوا تسيّر وقلت الوقت متغيّر
ناسٍ تبي تصنع التاريخ بالفاضي

بعض المجالس تغث الكبد وتحيّر
ماعنده الا النفاق وشذب الاعراضي

يقدمون الكذوب ويفهق الخيّر
والناس تدري عن الحاضر من الماضي

اصد عن مجلس الرديان واغيّر
واليا دعوني اقول انا ماني فاضي

[‏᷂عسر٨٨ @Qhta10ni]

على العز ياراسي على العز دامي حي
ما والله اعرضك المذله و طاريها

[قروب اشعار @aShi3ar]

بعض البشر يأتي على هيئة علاج 
وبعـض البـشـر علّه و طـاريه علّه .

[معكاز | شعر @M3kkaz]

البر طب النفس ياكايف الراس
هو الوناسه ، لا بغيت الوناسه .

[معكاز | شعر @M3kkaz]

لي صاحبٍ ماهو يقدر ب الاثمان 
وفي كل موقف طيب ينشاف بدري

اجيه واخطي خاطره بعض الاحيان 
وازل .. وان زليت ؟ ما طاح قدري 

واحتاج واهوجس واغطرف بالالحان
واليا درى ما والله يضيق . . صدري 

يخلص الشغله والى قلت يا فلان ؟ 
من اللي خلص شغلتي قال مدري .

[معكاز | شعر @M3kkaz]

لي صاحبن مسلم على ملة ودين 
يركع ويسجد ، ميّر قلبه يهودي .