زِيـاد | AL Qahtani

عز نفسك عن شعورٍ ما يعزك ..

[زِيـاد | AL Qahtani @n_us6]

حسابي من اوله لين اخره ما اقصد فيه احد ابد
كل اللي انزله مجرد ابيات واشياء تمثل ذوقي
فلا تحملون كل حرف اكثر من معناه
١٤٤٧/١٢/٢٤هـ

[زِيـاد | AL Qahtani @n_us6]

وش حيلة المشتاق لا حّن واشتاق
وماله في درب المواصيل حيله ؟

سعد بن جدلان

[زِيـاد | AL Qahtani @n_us6]

سلم على كل راسٍ فيه الروس تهقى
مايعرف لسانه إلا تم و ارقى سنود

الطيب لو ينتهي بين القبايل بقى
بين شهران العرضية وقحطان بن هود

[زِيـاد | AL Qahtani @n_us6]

اللهم انزل شفائك لمن مسه الضر
اللهم اشفي مرضانا وزدهم قوه
اللهم طهر اجسادهم وانثر فيها العافيه يارب العالمين 🤲🏻 .

الله يعطيك الصحة والعافية وطولة العمر
يابو محمد ❤️❤️ .

[زِيـاد | AL Qahtani @n_us6]

@Nnge عليك السلام ورحمة الله يا بيت الطين
وعلى كل شخصٍ عاش في وسط جدرانك

جروح العرب تبرا وجرحي ليا هالحين
ربط حاضر الدنيا بماضيه من شانك

ياكم لي وانا يابيت والعين تسقي العين
ودفنت السعاده والفرح تحت سيسانك

اراجع شريط الذاكره بين حين وحين
وتوقف بي الذكرى على أطراف بيبانك

[زِيـاد | AL Qahtani @n_us6]

مايجعل الرشاش سعره مثل سعر المارتين
إلا وقوعه في يد اللي مايعرف يخبره

صالح النشيرا

ضعيف القلب متمادي بـ ظلمة والشجاع يخاف
عقوبة دعوةً ماهيب تحجب دون خالقها

محمد خالد

انهزمت من الفراق وحزن قلبي راقي
والشجاع ان حب توخذ بندقه من كفه

ناصر الحمادين

[زِيـاد | AL Qahtani @n_us6]

سعد بن جدلان الله يرحمه في عز المكابر قال :

ان تجمعنا على العز والطاعه
وان تفرقنا فجوج الله وساعي

ثم انهزم وقال :

خلوني اسج عن موضوعه احسن لي
ولا الغلا والله ان يبطي وهو غالي ..

[زِيـاد | AL Qahtani @n_us6]

لاتلومين الحبيب .. اللي بلغ ( ذروة غرامه )
فاتنه في كل " حل " وفاتنه في كل " حله "

السلامه من لقاك !.. ولا سمع مع السلامه
في محله ؟.. مايبي غير التأمل في ( محله )

عن عيوني غطي الوجه الطفولي بـ اللثامه
كان مانزهت قدر الحب .. عن درب المذله

[زِيـاد | AL Qahtani @n_us6]

يروحون و يجيب الله على دربي كثر ما راح !
و لكن ما خذا غيرك بـ عمري نزعة هيامي

كأنك منخلق من ضلع قلبي اندماج أرواح
ما بيني و بينك أحساس غريب أغرب من أوهامي

أنا جيت أسكنك "موطن لحد " ماجيت لك سواح
لقيتك منشأ الحب الأخير و ريحة أحلامي

[زِيـاد | AL Qahtani @n_us6]

للغزل ما عاد عندي قديم ولا جديد
الجديد ان المكابر حشر دمعي حشر

ذاخر لساني حمايا ووقفاتي رصيد
افف يا كبر الغلا اللي يعلمك القشر

ما بقى من ثورة الفكر وابداع القصيد
غير ما يقضي لوازم وما يهدي بشر

اعتبر كل القصايد خطا " ساعي بريد "
جا يسلّم " ظرف سرّي " ولكنه انتشر

[زِيـاد | AL Qahtani @n_us6]

يقولون العرب :

" خطأ المملوح مدموح "

وبصورة شعّرية
قال أبن جدلان الله يرحمه :

<< زلة اللي يودّه القلب مدموحه
ودايمٍ حبه يغطّي عذاريبه >>

[زِيـاد | AL Qahtani @n_us6]

اسرفت فـ الحب لين اني خسرت الكثير
مع اني إنسان عندي قو باس وعزم

مابين تصبح بخير وبين تمسي بخير
لا تامن الوقت يـ اللي لـ القسى محتزم

و شلون يتركني لـ ضيقي و سوء المصير
و أنا معه مع رحابة خاطري ملتزم

في سلم الاحباب عادي كل حاجه تصير
يعني طبيعي تشوف المنتصر منهزم

[زِيـاد | AL Qahtani @n_us6]

ياليت قلبي مايعرف الهواجيس
وياليت همه بين ركعه وآيه

اوهام وأحلام وقصيد ووساويس
وافكار شاعر تستحق الرعايه

أنا سريت فالليل مابه كوابيس
يالوره وجهٍ مايحب الوشايه

لاضّلم وجاب الشعر والاحسايس
كنه هنوفٍ حاوثه بالعبايه

[زِيـاد | AL Qahtani @n_us6]

تغيب ولو تغيب من العدم عن ساير الانظار
تردك للتـفاصيل القديمه .. نظرة اللاهي !

توقعتك معي .. لو الزمان يدور لكن دار
وشفتك تختلق من كل زله موقف واهي

حصل ما تطلبه واللي بغيته يا حبيبي صار
حبيبي ! كلمة ما احبها لو مرت شفاهي !

[زِيـاد | AL Qahtani @n_us6]

سلام ياللي ليا ضاقوا عبيدك دعوك
تعينني يامعين ولاتَخِيب اتعبي

سلام باسم السعودية بلاد الملوك
مهابط الوحي والكعبه وبيت النبي

[زِيـاد | AL Qahtani @n_us6]

يالليالي لا تحدين مثلي تخسرين
والله ان مالتس على شروايه سبيل

ان قسيتي مايزود قساتس الراس لين
ون تعسرتي فحسبي على نعم الوكيل

لأنتي بالغايه ولانتي بطموح الطامحين
دام تالي عشرتس ماهي بظلٍ ظليل

ماعليتس احسوفه اليا تلاشيتي بحين
واعلنوا من بعد ذلك بساعات الرحيل

[زِيـاد | AL Qahtani @n_us6]

بيت فيه شوي من العنصريه مو واجد

قل للعواذل يبلطون بحر جده
حنا ليا ضاقت علينا قحاطين

[زِيـاد | AL Qahtani @n_us6]

مابعد قفى المقفي وقلنا له تعال
من بغى الصده يبين علمها ومخدوم

ان رضيت رضاك مكسب وقربك راس مال
اعترافي لك بقدرك يدوم او ما يدوم

ان زعلت أرضتك الايام وأرضتك الليال
السنه واجد ثلاث اميه وستين يوم

[زِيـاد | AL Qahtani @n_us6]

كلمة << لبية >> من الشخص الصح
تعادل مليون جُملة من اي شخص آخر
وايضاً، ما تنقال إلا للشخص اللي تربع بوسط القلب وأقول مثل ما قال الشاعر :

وليفٍ عساني ماخلا منه ولا أبكيه
غيابه يميت الروح ووصله يحييني

ليا من دعيته وجاوب وقال لبيه
يراودني شعورً ماهوب دايم يجيني

[زِيـاد | AL Qahtani @n_us6]

تدل ابو سمره وتعرف إجراءاته
ولاتحسب أنهم ألا ابطـو يلـدّونه

لازم لأنه جديـداتٍ بيـانـاتـه
في الكمبيـوتر لـزوم تحـط مخزونـه