نـايف

[نـايف @n_z511]

#تغريده_بذكرالله_لاخرتك سبحان الله وبحمده ، سبحان الله العظيم .

[حبيب العازمي @habib6151]

#محمد_بن_سلمان‌_في_باريس

قدام وانته يابو سلمان قدام
واللي تعدا وانت واثق تعده

اللي يحسبنه تعداء بالاقدام
مايعلم انك في ثواني ترده

ولايعلم ان اللي معه شبل حكام
ولايعلم ان معزي العود جده

لاكن اخذ له درس في باق الايام
انه مايفعل شي ماهوب قده

وتبقي الفخر للمسلمين وللاسلام
منكم فخرنا كلنا نستمده

[جرّاح العتيبي @AL___9999]

ياربي اشرح خاطري كل ماضاق
اللي غرق في ذنبه اليا الرفارف

هم الليال السود ما عاد ينطاق
ماني بـ عارف غيبها و انت عارف

الصبر في وقت الشدايد والإرهاق
مثل السلاح اللي لـ الأزمات طارف

و الدين والفعل المجمل والأخلاق
رصيدٍ أرهى من رصيد المصارف

لـ ان الزمن ضربه مثل ضرب الأرباق
اليا انفجر خلّا عيـونك تـذارف

لا تنجرف مع مغرياته و تنـسـاق
العمـر له سـاعه و حـد و مشارف

اليا دنت و التفت الساق بـ الساق
ما ينفعك منصب ومال و معارف :)

[جرّاح العتيبي @AL___9999]

ترا الماهر اللي شغله الكذب والتشويه
يحسب النبا الطيّب مهارات مكتسبه

لاتاخذ منه راي ولاتسمع منه توجيه
ورى المجد غامر وافعل الاجر واحتسبه

جميلك لا سويته مع الناس لا تطريه
وفعل ٍ ما تقدر تفعله لا تنومس به

ترا المخطي صدوف المقادير ما تخطيه
مصيره من احداث الزمن يدفع النسبه

ياكم واحد ٍ طيب تضيع الهقاوي فيه
ويقضي لزومك واحد ٍ خارج الحسبه :)

[جرّاح العتيبي @AL___9999]

ما لـ الوفاء خطه و ميدان تدريب
يبين في صعب الأمور و سهلها

والآدمي مخلوق ما يعلم الغيب
خل الأمور تسير على مهلها

لا تتعب تدوّر على أهل المواجيب
اللي يبي روس العرب ما جهلها

المرجله و الدين و مزارق الطيب
تلقى مواريها على وجيه أهلها :)

[جرّاح العتيبي @AL___9999]

البارحه وانا انتظر طلعت النور
كني سجينٍ ينتظر يوم عفوه

ماغير اسج الرجل والف و أدور
في عبلة ٍ بين الينوفي و سفوه

النوم سرقه لي حوال ِ أربع شهور
الظهر غفوه و آخر الليل غفوه

مهوجس وعندي من أموري أمور
ما وقّفت على مواصل و جفوه

حاولت اصفي صفوة الجيل بالدور
ولا لقيت لـ صفوة الجيل صفوه

اليوم حتى الشيخ ما غير ديكور
حطه على وسق الشداد و تحفوه

اصبح حكيم الشور ما يملك الشور
و الهقوه اصبر وقت وتصير هفوه

والكفو قام يدرّج العمي و العور
عوّد يسوّي شي ماهو بـ كفوه

لا جيت تشكي له من الوقت والجور
وجهه برد حتى لـو الجـو دفـوه

لا تطلب من الناس تاجر و مشهور
اطلب رضى ربك و لطفه و عفوه :)

[عبدالله السراهيد @Alsraheed]

خمسة حروفٍ : ( باقيه ) - ولا تزال
في صفحة -التاريخ- والمجد البكِر

من دونها اللي : في نِزال وفي جدال
ما تنغلب .. في ( فعل ) ولا في فكِر

جمايل أهل الصيد في روس الجبال
واجد على أهل الصيد فالماء العكِر

حتى اللي ما له ذكر من بين الرجال
يطرّي « عتيبه » - ويطلع له - ذكِر

[جرّاح العتيبي @AL___9999]

أخذك الغرور لـ سكة الهجر لين أغراك
و طال الغياب و عن خفوقي تنكّرتي

لا يلحقك شك ويتعبك قلبك الشكاك
يا ملح الحياه و ملح قلبي و سكّرتي

أنا أسج مع طاريك وأسهر على ذكراك
متى أسجلك من كرت شايبك في كرتي

عشان أستعيد شعوري الحلو الاول ذاك
يوم ارسم خيالك و اكتبه في مذكّرتي

تبين الصحيح اللي على خاطري وعفاك
تسكّر طريقي فـ الهواء يوم سكّرتي

قرار إلجفاء صعب ويبي له وعي وإدراك
وانا أشوفك اخذتي قرارك ما فكرتي

وانا لو فقدت الذاكره مستيحل انساك
سكنتي بـ قلبي ماسكنتي بـ ذاكرتي :)

[جابر النشيرا @jaber_nshera]

المدح مايوخذ كذا بالتساهيل
لو تدفع من المال مبلغ وقدره

من شاف قدري من ورى الجدي وسهيل
شفت الجدي وسهيل مندون قدره

ماودنا ندخل معك في تفاصيل
حنّا نعرف ان ( المطاليق ) نُدره

واللي ينطّحها وجيه المقبايل
انكان مانت بـ ناطحه لاتغدره

ماحدنا نرسل عليك المراسيل
الا زمان ٍ مالنا فيه قُدره

من ضاق صدره من لزوم الرياجيل
لاعاد يضرب لـ الرياجيل صدره

[معجب جريس @m_albder1]

لامني ذكرت اللي يقف حزة الميقاف
لو اجمع همومي صارت اصغر من الذره

لاقلت الحمول ثقال قال الحمول خفاف
ولونها اثقل من حصى نجد والحره

اهداء لـ اخوي الشاعر محمد السكران ويستاهل ابو عمر @M_saakran

كلمات : معجب جريس
اداء : خالد ال بريك

https://t.co/TjjkVgCL8z

[مساعد سعد @mosa3ds3d]

اليا تصاغرت الخطأ لا تطلب العذر السمين
واليا تكابرت الخطأ .. قبل العذر .. لا تدمحه

[حبيب العازمي @habib6151]

#عتق_رقبه_سعود_المرشدي

ربعي وربعك ماذخروا كل مجهود
والكل واصحاب السمو والفضيله

وربعك لهم معروف ثابت ومشهود
وقمنا وطحنا لجل رد الجميله

[جرّاح العتيبي @AL___9999]

مابين ظرف ٍ طاري وظرف صحّي
زادت ظروفي و انتحاء بي طريقي

وأبطيت عن جو القصيد متنحّي
وفي كل يوم يزيد هـمّي و ضيقي

ياغايبه ضحيّت لـ اجلك و ضحّي
لـ اجلي قبل ينشف من البعد ريقي

مرّي مداهيلك بـ قلبي و لحّي
و على الضلوع العوج طلّي و ويقي

و أرخي سموعك لـ القصيد و توحّي
ان كان تبغين القصيد الحقيقي :)

[جرّاح العتيبي @AL___9999]

يارفيقي ما بقي في استطاعه
خاطري ماهوب مكسور متكسّر

بالكثير ان نمت نومي ربع ساعه
كلها غفوه و حلم ٍ ما يفسّر

المهم الوقت مايصرى اللكاعه
وانت لـ ان فاتتك حاجه لا تحسّر

لا رزقك الله سعة بال و قناعه
الأمـور الباقيه تـبي تيسّر :)

[حبيب العازمي @habib6151]

#وزير_الخارجية
#فيصل_بن_فرحان
@FaisalbinFarhan

مانقول الا الصحيح بدون زله
وان بغوها عنصريه عنصريه

#حبيب_العازمي

[جمال بندر @JamalBander]

( بندر بن سرور )
.
.
حتى لو ان الزيت محتاج تبديل
ماهو على تبديلة الزيت ناوي ✌🏻
.
.
#جمال_بندر

[سعود العاصي @5s1s1]

قصيدة للشاعر حبيب العازمي
@habib6151
خلال حفل #إمارة_مكة بمناسبة
#اليوم_الوطني_السعودي_94

[سعود العاصي @5s1s1]

غداً الأحد ليلة الأثنين 👏🏼👏🏼
١٤٤٦/٣/١٩ه‍ـ
حفلة رقم 1:
حبيب العازمي - سفر الدغيلبي - وصل العطياني - عبدالعزيز العازمي - تركي السواط
أحتفال بلدية جنوب الطايف - بوادي #السر
ت: #القصير

[خالد بن ماطر @K_materAlharbi]

عيال عم الرجل ماهم عصابات .

[معجب جريس @m_albder1]

الناس تحسب ماعلي الا شماغ احمر وثوب
وانا علي من الهموم الغبر قومه وقعده

كلمات : معجب جريس
اداء : خالد ال بريك

#شيلات_الروقي
https://t.co/XKP0JoLgH5