NASSER

سعودي حتى النخاع ،، شاعر مزاجي احب الشّعر

[NASSER @na41na42]

احب الخميس اللي يجيب الأمطار
ينّوخ على قلبي هجيج الرّكايب

يحضّر مع رشّه طواريق الأشعار
ويدعي على السّجه زحول القرايب

[NASSER @na41na42]

بى الرياض اللي كسا جوها أمطار
رسم لنا في جوها شكل ثاني

في نجد حالتنا مواويل وأشعار
نطرب لها كن اللّيالي أغاني

[NASSER @na41na42]

روح الوطن دايم في قلب إنسان
وقلب السًعودي غير كل القلوب

ينبض وفي داخله عشقٍ من زمان
ورثٍ من جدوده من عشقه مايتوب

💚🇸🇦🤍

[NASSER @na41na42]

في طلته تأثير وفي كلمته موقف
وعنده ترى تغيير قواعد اللَعبه

💚🇸🇦💚

[NASSER @na41na42]

تلحَفي ياجمل مدينة وكثرَي أحلام
أنتي في ذرى سلمان نامي ماعليك

يسكنك شعبٍ ماهمته كثرة الأقزام
طويق اسمه ومحمد ساكنٍ فيك

💚🇸🇦🤍

[NASSER @na41na42]

بيني وبين الرياض اجمل حكايه
حبٍ حقيقي من جدي ورثته

لو غبت عنها يوم هواها معايه
واحلى قصيد الحب فيها كتبته

🤍🇸🇦💚

[NASSER @na41na42]

فوق الرياض الصوت ربي حماها
والفضل لله ثم رجالٍ نشاما

لو يرسل الخايب على عماها
دون الوطن ياما ذادوا وياما

💚🇸🇦🤍

[NASSER @na41na42]

ياذهني الشّارد وسط ،، الزّحام
ياأقرب من البعد ياليل البعايد

كل الأنامل ترجمت عذب الكلام
وكل المعاني وثّقت عذب القصايد

رحلة طويله وقفّت دون الأحلام
معها يغيب الحلم وتضيق الوسايد

ولولا التفاءل على الدنيا السلام
مهما تضيع أحلام معانيها جِدايد

[NASSER @na41na42]

جدي والنخيل وقصة البيت القديم
و ذاك الوجار و شبة الفجر والفيّه

و ذاك السّراج و دقة النجر النديم
و صفة دلال و جمعة أهل الحميّه

[NASSER @na41na42]

بيدك صنعت التافه المشهور
دامك تدوّر من حياته فوايد

شفنا الرويبضه صار مغرور
وهو في الأصل خمّام الوسايد

[NASSER @na41na42]

ياورد قلّي وش قصة الأشواك
لا صار لمس الورد يجرح يديني

حاولت أدوّر في زمن لحظة ادراك
وخابت ظنوني يوم ضاعت سنيني

[NASSER @na41na42]

يبكي زمان اليوم ماضي الزمان
يوم القلوب نِظاف والنيه النيه

كان الشّعور أشكال حب وحنان
لان المكان يفوح صِدق وحميه

[NASSER @na41na42]

ياسيّد المجد التليد مثبت اركانه
يا محمد العز الأبي عرّاب رؤيتنا

قلب السّعودي فيك يعزف ألحانه
لحن الشموخ اللّي تعزفه محبتنا

💚🇸🇦🤍

[NASSER @na41na42]

ياحلو الطفولة يوم كنّا صغار ماندري
نعيش أحلام وردية وبساطتنا تكفينا

ندوّر دوم للضحكة وفينا الفرح يجري
نشوف أصحابنا قدوه وتِسهرنا حكاوينا

نفكر دوم فاللمّه ومن فينا معه يشري
براءتنا جمال الكون وقصتنا أغانينا

[NASSER @na41na42]

يجيك الخير ما تعلم وربي مغيّر الاحوال
تأكد لو يطول الوقت في لحظة هماليله

تلحف بالصبر تنعم وكِثر الدعاء لا زال
طريق الخير من ربي ولو مافي يدك حيله

[NASSER @na41na42]

النّوم بيني وبينه زعل وعتاب
مدري مزاجي سهر ولا مجافيني

هو صدق لانامت عيون الأحباب
أحس أنا النّايم لو ماغفت عيني

[NASSER @na41na42]

وين السّحاب اللّي يِمطر اراضينا
عيّا عليه الوقت ولا الشّتاء طوّل

يا وقت لا تقسى يكفي مِعنيّنا
يَبست اراضينا والسّيل ما حوّل

[NASSER @na41na42]

نعم هذا محمدنا نعم هذا الفخر كله
نفاخر به مع العالم وفعله مصدر العزًه

تشوف الكل تلجا له ولابه صعب ماحله
مَرد العالم لشوره يحل الصعب ما هزًه

💚🇸🇦💚

[NASSER @na41na42]

روح الهدوء اللّي له النّفس ميّاله
وأوراقي اللّي كل مافيها مشاعر

فيها طموح انسان يرسم آماله
في واقعٍ يشكيه من العنا شاعر

[NASSER @na41na42]

ردّد ياليل ما طولك في تالي اللّيل
يمكن مع الترديد تغفى عيونك

وش خانة السّهرة وجرّ المواويل
لا صارت عيونك ماترحم جفونك