نَجد

مسموح الدخُول مو مسموح التدّخُل
القلب واحد .. والمحبة لواحد

[نَجد @na_jd73]

على الأرض مالك ند يالناعم الحسّاس
أنا بس اشوف إن الكواكب هي أندادك

[نَجد @na_jd73]

من طيب أبوها تعامل كنّها الدرة
بعيدةٍ عن شوارب بعض الأولادي

[نَجد @na_jd73]

ماعاد يغريني وجودك وفرقاك
ان جيت وان ماجيت يامرحبا بك

صرت اضحك اني كيف كنت اتحرّاك
كيف المطر عندي وادور سحابك

اوعدك ان رحت ماني قايل وش جاك
وان جيت ماني قايلٍ وش جابـك

وأوعدك ان ماجبت بالزين طرياك
بالشين مااسولف بـ حضرة جنابـك

[نَجد @na_jd73]

أغلب بنات الأرض لا غابوا ماعاد يعودون
الا هي ان غابت تغيب هلال وتعود بدر

[نَجد @na_jd73]

يزورني خياله ويمرني ذكراه
واهوجس به قصايد واغاني

سهيت بذكرياته بعد فرقاه
بكيت بكثر شوقي ولا جاني

ياليتني جالس هالحين وياه
اروي وريد شوفي وشرياني

بعد بُعده وشلون بنساه
يمر ببالي والذكرى تنعاني

ما تعمدت الغياب عن دنياه
واثر الغياب أذاني وبكاني

[نَجد @na_jd73]

كانني مزعلك بـ ارضيك باللي تبين
تدللي ياحياتي وسمي وآمري واطلبي

زعلك ذنب وعسى ماني من المذنبين
ورضاك واجب الملّه وهدي النبي

وشلون بقوى زعلك وبتركك ترحلين
مايزعل عيونك الا شخص جدًا غبي

[نَجد @na_jd73]

«العِشرة اللي صابها قل تقديــر
نكّسي لها ثوب الفراق يحشمها»

[نَجد @na_jd73]

مايكفي اني لاغي كل الاسما
ومشطب الأرقام واغلى الرسايل

انا اعرف انك فوق ذا الناس .. واسمى
لكن انت قاطعني بشّت الوسايل

اوقف لطاريك واشوش واحمى
حميةٍ يضرب عليها المثايل

تراني اعتبرك مثل شربة الماء
ماهي تعوضها جميع السوايل

مجرد غيابك عن عيوني اضمى
اضمى ضما اللي لتهتّه القوايل

[نَجد @na_jd73]

مابيني وبينك مشاريه وعتاب
شف دربك اللي جيت منه تدله

وما راح تغلبني لو الحب غلاب
من حضرتك عشان قلبي تذله؟

كنت القريب وكلهم اغراب
حتى القمر لا غاب شفتك محله

رح واعتبرني واحد اذنب وتاب
ماني بثوب تلبسه ثم تمله

[نَجد @na_jd73]

جيتني بالحلم ليت الحلم ياروحي حقيقة
يوم شفتك في منامي قلت ياحي الزيارة

العيون اللي تحبك في مدامعها غريقة
لاتظن إني عطيت الدمع في غيابك وقاره

والله إني ذارف وأبكيك ياقايدة فريقه
والبكا في مثلك حشا ماهو خساره

جيتني في الحلم ياوجهٍ تزايد بريقه
تبتسم وأشوف نور الكون في وجهك نهاره

[نَجد @na_jd73]

ربيت في حضنك على عز ودلال
ولا حاجةٍ في خاطري خليتها

والله ما اذكر يوم مديت العقال
ولا جرحت عيوني وبكيتها

دلعتني لين انغمر فيني الدلال
وتفرعنت شقاوتي واطغيتها

الين صرت المرهفه في كل حال
تجرحني الكلمه ليا اصغيتها

[نَجد @na_jd73]

يافاتنة ماني بيوسف عليه السلام
قدّي قميصي وأجيك من آخري لأولي

أنا تعديت في حبك حدود الغرام
في وجهك أشوف عماني وجدي علي

وفي ظاهرك ما بقى منهم سوى مايلي
منازلٍ زاد وحشتها هديل الحمام

هي خالية والحمام اللي يغني خلي
حبيبتي "نجد" ما ودي يطول الكلام
تحضنيني من اللهفة.. وسمي علي

[نَجد @na_jd73]

مافي يدي جنة ولا في يدي نار
وشلون ابغفر ذنبك اللي جنيته ؟

تعبت أدور لك عذر بين الأعذار
لكن عذرٍ يقبلك ما لقيته

[نَجد @na_jd73]

عساك لاحبيت بعدي تحبه حب يوجعك ويخذلك
عساك تناديه باسمي بالغلط وتخنقك العبره بعينك

[نَجد @na_jd73]

فداك الجروح ودمعة البعد والتقصير
يا كل اسألة دار المحبين واجوبتي

تحضنت حبك لين شفت النعم والخير
مثل ما احتضنتي عن هوى الغير موهبتي

تشيبين ولا ما تشيبين زينك غير
جمالك يزود ان زاد عمرك وشيبتي

عريبة نسب سمحة محيا وبنت امير
ولاني بـ راضي غيرك تصير فـ رقبتي

[نَجد @na_jd73]

حلفت باللي غيب الشمس مناك
والصبح بامره تطلع الشمس منا

ان اسعد الايام شوفك ولقياك
وان اقشّـر الايام غيبتك عنا

ودك تلاقيني وودي بلقياك
لكن ظروف الوقت ماساعدتنا

مازلت احبّك واتحمل خطاياك
ماني من اللي قال حنّا وحنّا

شعر الغزل يصلح لمثلك وشرواك
وان غنت الورقه مع الصبح غنا

[نَجد @na_jd73]

حلفت باللي غيب الشمس مناك
والصبح بامره تطلع الشمس منا

ان اسعد الايام شوفك ولقياك
وان اقشّـر الايام غيبتك عنا

ودك تلاقيني وودي بلقياك
لكن ظروف الوقت ماساعدتنا

مازلت احبّك واتحمل خطاياك
ماني من اللي قال حنّا وحنّا

شعر الغزل يصلح لمثلك وشرواك
وان غنت الورقه مع الصبح غنا

[نَجد @na_jd73]

شبعان من كل شي الا معك ضامي
انا معي حيل .. لكن ما معي حيله

تعالي وفكي “ الآمي من الآمي “
اللي تشيلينها لا شلتي الشيله

واليا تمائل جديلك قلت لـ أحلامي
ما تستقيم الحياه الا بعد ميله

امام هذا الجمال اقضي على اخصامي
واطلق شنب والله ان اشرب فناجيله

[نَجد @na_jd73]

لو حبنا يزعل اكبر الاجاويد
يضل حبك بقلبي ومُناه

دامك بقلبي ومستقره
وش ابي بزعل الاجاويد ؟