نايف

" بتلقى بي رحَابه , تأكد "

[نايف @naeiiff]

"وش أسوي وأنا راسي عزيز وقلبي موالي"

[نايف @naeiiff]

"شارد الذهن وأفكاري تعيد المشاهد
في هذاك المكان اللي تمره وأمره

جالس أجاهد الدنيا وأهلها وأجاهد
وصلك المنقطع وطيوفك المستمره"

—بندر الدويش

[نايف @naeiiff]

على الطاري اللي له سعادة ضميري زاد
سريت اتبع بروق السحايب والاحيها

معي حرة موادع وضيقة غريب بلاد
وورى سور صدري حاجة مقدر ابديها

تردد لي الذكرى قصيدة على ميعاد
لحنها ودقتها وصورة مغنيها

ياليت السنين اللي تقافت بلا معواد
يجود الزمان بليلةٍ من لياليها :(

[نايف @naeiiff]

سجلوني في كشوفات ( المحبة) غايب
للأسف ماعادني بالشاعر الرومنسي
..
صايرٍ قلبي من الفرقى سواة الشايب
منطوي ويعيش في ركن الحياة المنسي..!

[نايف @naeiiff]

مثلي رغم حزنه طليقٍ حجاجه
يظهر صفاه وصادق العوق مخفيه

يعايش الواقع ويلقى خراجه
من سالفة ( حيه وياحي طاريه )

اللي عشانه جزت من كل حاجه
واقفت به الدنيا وانا خاطري فيه

واجه ياقلبٍ تسفه الشور واجه
موت الطموح وفوج الاحزان والتيه .

[نايف @naeiiff]

ماهو لازم تنتهي العلاقات بخطا من أحد ، لكن الظروف تحكم

يقول سلطان عباس :
ما اقول انا مخطي ولا اقول مخطين
اقول هذا الواقع وما جرى لي

ويقول الشاعر عن محبوبته :
ودعتك الله ورحت اطوي طوال الدروب
ولا علي الملام ولا عليك الملام

[نايف @naeiiff]

لو نسى وجه الفجر صبحٍ يصبر ساهرينه
ما نسيتك يا أول أحبك نطق فيها لساني

— ناصر مناحي

[نايف @naeiiff]

«عسى اللّٰه يعوض بالاجر فايض الاحساس
من يعيش زهرة عمره و لكن مشيّب

صدوف الليالي تمتحن كل طيّب راس
ما حس بمعاناة الكفو واحد خيّب

وانا فوق ماني منحرم لذة الاوناس
لو اقرا خبر عن شخص عديته قريّب

معي قلب متعبني ويحزن لحزن الناس
ولا يذبح الطيب سوا قلبه الطيّب »

[نايف @naeiiff]

اجواء رنيه ، جعلها امطار خير وبركه ❤️❤️.

[وهّاج @_3jim]

يا محبوبتي شهر رمضان المبارك فات
و أنا .. العاشق اللي جاك قلبه على كفّه

أبغى الحبّه اللي ماتجي غير بالطلبات
على العاتق المنتوق و الا على الشفّه :)

_ سعود مبارك

[21 @Nii1_q]

معايده لن تاصل :

عاد عيد اللي ما اعرف اخر اخباره
حتى ما اعرف احدٍ يقدر يمرّه

راح من عندي لا مُجبر ولا كاره
التسامح خرّبه و الرضا غرّه

جعل همّال السحايب على داره
والله لو يمره الشوق ما ضرّه

حازمٍ قلبه على باقي اسراره
ومقفيٍ لا عاد خيره ولا شرّه

تاركٍ من حط روحه على الشاره
لين ما ضاعت حياته على الجرّه

ينقد اللي ينقد و يشره الشاره
من تولاه الفراق انكشف سرّه

لو يخفي دمعة العين نظاره
وش يخفي ونة الغبن و الحرّه ؟

يومني من بين يمناه و يساره
ما شكيت من الليالي وزن ذرّه

قبل يتبع نفسه و ضايع اشواره
و اتجاوز عنه و يعاود الكرّه

ما تغيّر قدر حبه ومقداره
مير من بيني وبينه جبل حرّه

ذنبه اللي مايجي فيه كفاره
كيف يتركني وانا ما انترك مرّه

لا يجي نادم ولا يبدي اعذاره
روسنا و قلوبنا كلنا حرّه :)

_ ميلاف

[‏ نِزَار بس مش قباني @__eu7]

عاد عيدك والله أني ما نسيتك
لا يغرك بأني مكمل حياتي

لو قدرت أموت ، مت ولا احتريتك
بين قفرٍ مكفهر و ريح عاتي

فاقدك فقد الرفيق ولا سليتك
و شاهديني طول مشيي و ألتفاتي

أنت لو اتباع بالصحة شريتك
صحةٍ دونك مَ هي من مغرياتي

و أنت لو ترجع خناجر ما اتقيتك
أحظنك و ارسم على وجهك وصاتي

فوق زينك زين لبسك و اتكيتك
و عطرك اللي يبتعثني من سباتي

اخ يا لوعة فوادي لا ضميتك
و قمت افكر بك و اشوفك في مباتي

واوجودي كل ما مريت بيتك
و قام يتجمع على بابه شتاتي

يا الحبيب اللي من أول ما هويتك
صار من يهتم لـ أوضاعي يحاتي

شبت اتابع جرتك ولا لقيتك
فالمصايف و المرابع و المشاتي

ليتني بأول محبتنا جفيتك
و ليت ما كانت سواتي هي سواتي

كان ريحت العيون و ما بكيتك
يوم رحت تجر وياك أمنياتي

أو يا ليت أني بشعري ما احتويتك
أو قبل فرقاك وافتني وفاتي

أو دفعت المهر لـ أبوك و خذيتك
أو يا ليت الوقت لامن راح ياتي

و أو أو و لو لو إلا يا ليتك
ما انخلقت و لا سكنت بذكرياتي

كل ما أبدا بيت من شعري بديتك
و كل ما أسكت فـ أنت سبة في سكاتي

و كل ما سولفت للعالم طريتك
لأنك أنت حكايتي حتى مماتي

و لو ماني خايف من الله جيتك
وسط بيتك و احتويتك وسط ذاتي

بس أخافه خالقي و أخاف صيتك
لا يـضـره فـعلي و قـلة ثـباتي

خلني و لا تعاتبني فديتك
كان زل اسمٍ معلق في لهاتي

و حاول أنك ما تجاوب لا دعيتك
و أنا بحاول تخف محاولاتي

— سلطان الحوالي

[شطر/صورة @2lji7]

عاد عيدك مايسة عود ممشوقة قوام
يا بعد من نفشت ب الخضاب كفوفها

كل صبح يبين من غرقتك شمسه زمام
عاد كيف الليل الأسود مغير يحوفها

فارقة طبع وتواصيف و جدود ومقام
مثل فرق الليلة الي نخاف نطوفها

تشبهين أعذب قصيدة تبعها : يا سلاااااام
كانت وشاعرك مغمور وسط رفوفها

تلبسين الثوب الأحمر تواضع وإحترام
وانتي اول بنت نور الشفق نفنوفها

من نعومة خدّك يجرحه ريش النعام
ما يليق بخدّك الا السحاب وصوفها

كيف أعرف الإستقامة و عودك ما أستقام
كثر اللّٰه خيري اللي عرفت حروفها !!

كنتي ولا زلتي ألطف من يدين السلام
طفلةٍ تطفي سنا البرق دمعة خوفها

من يشوف رماح عينك عليّه الحرام
ما يغبط الهند برماحها وسيوفها

يوم قالوا : دام عيدك والله الدوام
قلت : ما يهنا لي العيد لين آشوفها

_محمد بن فضاء

[نايف @naeiiff]

شعور الحنين اللي يجي كل ليلة عيد
يلخبط شعور الفرحه اللي نصايدها

اللي فاقد ٍ له بنت اكابر وشيخة غيد
و قبل ما يعايد نص ربعه يعايدها

يصوّت ضميري فـ الحشا كنه بن مهيد
على الطلّه اللي فـ اول العيد فاقدها

حلالاه ياذاك المعنّق و ذاك الجيد
اليا علّقت فستانها و نقشت يدها :)

[نايف @naeiiff]

النفس تبغى رادع وقمع وجهاد
لو نتبع لـ رغباتها .. ضيعتنا

- محسن بن مترك

[نايف @naeiiff]

فتاوى شعراء الحب في رمضان:
« لون حبنا ماهو نقي كان شهر الصوم
ليا ربّطت فيه الشياطين — هوّنا »
_زايد بن ذعار

« لا تابو اهل اللهو في شهر رمضان
ما تابو الي .. حبهم على شرف.! »
_محسن بن مترك

[نايف @naeiiff]

يهل رمضان هلاله و غيرك المتروك
ما ظنّي يضر صيامنا وصلنا الراقي
- سلطان الحوالي

[نايف @naeiiff]

@______H55 وقال عمر بن الخطاب
في أخيه زيد بن الخطاب بعد إستشهاده:

"ما هبَّتْ الصَّبا إلا وأنا أَجِدُ ريحَ زيد"

ويقول مطحس بن حمد

"ما ذعذع علي من النوايد نسيم ٍهاب
الا ما معه من ذكرك العطر برقية"

[نايف @naeiiff]

الذكرى السنوية لبيت الدويش «يا الغايب اللي لو الدنيا تردك علي- عيدت و العيد باقي له ثلاثين يوم»

[نايف @naeiiff]

•حط في بالك أن الخوف ليس من القوي، بل من الذي لا يملك؛ وازعًا دينيًا أو أخلاقيًا

اعرف اللي مع اخصامة يخاف الله ما منّه خوف
انا خوفي من الي فالخصومة "ما يخاف الله"
—خالد بن طفلان

من تهاب الناس من طيشه مانيب اهابه
انا اهاب من الضعيف اللي "سلاحه دمعة"
—مدغم ابو شيبه

[نايف @naeiiff]

ضيقوك وجابو أقصاك يالصدر الرحوب
كل ما راحو وعادو على نفس السؤال !

_ جابر النشيرا