في مقوله تقول :
Go where your worth is felt
يعني روح حق المكان اللي تحس فيه إنك مهم ومقدر مو مكان وجودك وعدمه واحد المكان الصح يخليك مرتاح وعلى طبيعتك وتحس إن الناس فعلا تبيك وتقدر وجودك بينهم .
كانو البدو يقولون من أرخى حبل الوصل
لا ينتظر مني أشده !
اللي يبيك فعلاً ما يحتاج تذكره فيك
والوفاء ما يجي بالترجي
ونقول بكلمات أخرى /
درب ما يعز ممشاك أقصر خطاويك عنه
إذا مسّني الزعل من شخص عزيز
استعصى عليّ النظر إلى وجهه،
أكلّمه نعم ، لكنني أشيح بوجهي كأنّ
العتب غشاوة على العين تلغي رغبتها
في اللقاء
هل يشعر أحدٌ بهذا الثقل مثلي؟
محد قصير لسان ولاقليل شر وكلام في حق نفسه ولكن المعدن الطيب يغلبّ احياناً وقيل في ذلك :
" لا توجعني بكلام يجرّ كلام يوجعك ".
بمعنى
" كان لسانك تحلوى الكلام المُر ترا
سمعك مهوب متحمل بعض الكلام المُر ".
العمر مرة دللي نفسك وخليكِ رايقه وايجابية
واستمتعي بكل خطواتك ولحظاتك وبكل شي تحبيه
ولا تسمحي لأي أنسان يجرك لعالم الاحزان وتنطفي
لا تحقدي ولا تشيلي هم ولا تفكري في بكرا
العمر أغلى من اننا نهدره ورا تفاهات وعلاقات
ومشاعر عابرة.✨🌸
كلمة ما شاء اللّٰه
عمرها ما كانت ثقيلة على اللسان ، مارح تكسر لك ضرس بس يمكن
تكسر ظهر وصحة ورزق وحُب عائلة وبيت
دايم تعود تقول ما شاء اللّٰه على كل شيء سواء أعجبك او ما أعجبك لا تكون سبب في اذية شخص بدون قصد منك
- اذكروا اللّٰه دائمًا -