نافع بن عوض بن حنتم nafe3

هواياتي الشعر والرحلات البريه : نافع بن عوض بن حنتم ........ ابياتي في المفضله

[نافع بن عوض بن حنتم nafe3 @naf33]

هل تتذكر متى انضممت إلى X؟ نعم أتذكر! #الذكرى السنوية_لانضمامي_إلى_X

[مطرب بن دحيم @ben_dhim]

اللهم احفظ السعوديه العظمى
🇸🇦🇸🇦🇸🇦🇸🇦

راس الخميني سقط ياراس ( تنوره )
يفداك، راسه وتاريخه و كرسيّه
'
وانتي سقط دون حدك شرخ ماصوره
حديدةً من مصد الجيش [ عاديه ]
'
تبجحي في ذرى سلمان اخو نوره .
وولي عهده ( وقوات السعوديه )
'

#راس_تنوره
#مصفاة_رأس_تنورة

[معكاز شعر @M3kkaz]

يالله بدعوة مالها دونك حجاب
يالي بوجه العبد ماصك بابه

تفتح لها ياخالق الكون الأبواب 
في ساعةٍ يالله فيها إجابه

العبد في رجواك يارب ماخاب
أدعيك وأنا ميقنن بالأجابه 

أسألك يارحمان ياخير وهاب
يالله عساها دعوتن مستجابه .

#شعر #شعر_ديني

[_ @ii55_q]

حدّثنا محسن بن مترك عن نفسه، أنّه قال :

لا تقربون الحب يا أهل المواجيب
صدوا عن اللي ما لكم فيه عازة

ليّن عزوم مفتلين الأشانيب
من مرّ درب الحب ختم جوازه

بدايته سجّه..وتاليه تعذيب
وقلوب روّاده سوات القزازة

من ذاق حب مزعلات الخطاطيب؟
صلى على قلبه صلاة الجنازة.

#عيد_الحب

[الأكثر مشاهدة @TopSaudiNews2]

كم كان عمرك عندما عرفت هذا الاستخدام؟

[نايف اباالعون @naif_abalaon]

اللي يغار من الرجال الطيبين
عيّا يطيب وطيب غيره يزعجه

يضيق صدره من نجاح الآخرين
تقل رقو مع سلّمه والا درجه

ندري عن افعاله ولكن ساكتين
ماودنا نقسى عليه ونحرجه

ندمح له الزلات مرة .. مرتين
واسمه مع اصحاب السوابق ندرجه

لكن مدام انا اخوان ومسلمين
لازم ندله للطريق المتجه

نبيه يقرأ في رياض الصالحين
يمكن بعد مده يغير منهجه

نمشي معه على دروب الغانمين
واذا اتجه صوب الردى مانتجه

إن طاب والا بالحلول مخيرين
اما نحدّه حدّ ،، والا نسهجه

هو يدري إنا للمواقف حاضرين
الروس تقدح والاصايل مسرجه

حنا نعرف ابو وجه وابو ثنين
لو كان ربي ماعطاه الا وجه

#نايف_اباالعون

[نافع بن عوض بن حنتم nafe3 @naf33]

@ben_aon نطلب من الله يقضي الدين عنا
بالثلث الآخر فزعته نرتجيها

[نواف الوسوس @nwaf_alwiswis]

مبارك بن مرجان رحمه الله ،

شابت لحانا ما لحقنا هوانا
عزّي لمن شابت لحاهم على ماش

صرنا نكّد و كدّنا ما كفانا
عيشة وزا يالله على الكره نعتاش

العمر رحله و الليالي تدانا
والآدمي لو راقب الوقت ماعاش

ياما سمعنا علمْ شينٍ دهانا
سهوم المنايا بين مسرى ومغباش

العلم و اضح والطريق يحدانا
وماكل مانبغاه يَحْصلْ وينّاش

دنياً تقلب ماعليها ضمانا
والرابح اللي سِيْرته كنّها الشاش

قَرْم ٍ يحوش المرْجِله ويتفانا
وزود ٍ على ذلك سنافي وشوّاش

لو زادت حموله وسيع البطانا
صليب راس ويحتمي موقفه كاش

ماهوب خبل ٍ لا نخيّته جبانا
اللي من ادنى صوت يَطْمر وينحاش

ماله مع رجال المكارم مكانا
وراس الظبي قد قيل ما ذكر به عراش

وياللي لهيتوا شوفوا اللي غزانا
راحت عوايدنا على مركب الطاش

قمنا انتناحر والتناحر بلانا
وصِرّنا على التحريف والكذب نعتاش

هذا شِذَبْ ربعه ونومس عدانا
وهذا على جاره يدوّر بمنقاش

الجار له حق ٍ كبيرٍ علانا
والعانيه واللي من البعد طَرّاش

والله عن دروب المعاصي نهانا
ونتعب على الأخْيار و نجنّب اللّاش

ويالله من شَرْ الأمور تحمانا
وتْفكِّنا من كل حاسد وغشاش

[معكاز شعر @M3kkaz]

الهروج العوج مالي من وراها حاجه
سلعةٍ من باعها يشرَه على شاريها

عن ركيك الهرج سمعي قافلٍ مزلاجه
والهلايم ماتبي هرجي وانا مابيها

الصغار أرقابها فـ التافهه منعاجه
والكبار تمرّها ما كنّها تعنيها

للتغافل عن ضجيج المجتمع وإزعاجه
لذةٍ من ذاقها ماعاد فرّط فيها .

[نافع بن عوض بن حنتم nafe3 @naf33]

@AlNassrClubFC لاحياة لمن تنادي !

[نافع بن عوض بن حنتم nafe3 @naf33]

هل تتذكر متى انضممت إلى X؟ نعم أتذكر! #الذكرى السنوية_لانضمامي_إلى_X

[نافع بن عوض بن حنتم nafe3 @naf33]

@AlNassrClubFC النصر يهدم من الداخل وسلامتكم

[نافع بن عوض بن حنتم nafe3 @naf33]

@AlNassrClubFC الله يفك النصر منه ومن اشكاله