نهضت

نهضت؛ په رسنیز ډګر کې د نوښت او ابتکار نوی غږ

[نهضت @NAHZAT_]

نهضت؛ یوه خپلواکه څېړنیزه او رسنیزه اداره ده چې د حقیقت موندنې، د روایتونو کره ارزونې، د پېښو د ژور تحلیل او د عامه افکارو د روښانتیا لپاره فعالیت کوي. نهضت د ژورنالېزم له مسلکي معیارونو سره سم، د تعصب او اغراق پر ځای مستند، متوازن او مسؤلانه محتوا وړاندې کوي.

ایکس لینک:
https://t.co/3gOX8mgkr2

فسبوک لینک:
https://t.co/t2VdrYS6iu

واټساپ چینل لینک:
https://t.co/dEdgG3SBBv

ټلیګرام چینل لینک:
https://t.co/CoJ5i3CXQ7

[نهضت @NAHZAT_]

انځورونه: پاکستاني طالبانو د بلوچستان هرنایي ولسوالي کې د پولیسو له مرکز څخه د ترلاسه شویو وسلو انځورونه خپاره کړل.

د معلوماتو له مخې، له یاد مرکز څخه ۲۵ میله سپکې او درنې وسلې د پاکستاني طالبانو لاسته لوېدلي دي.
#نهضت

[نهضت @NAHZAT_]

د پاکستاني طالبانو غورځنګ (ټي‌ټي‌پي) په پاکستان کې د عملیاتو له شدت سره هم‌مهاله د خپلو ځانګړو ځواکونو د پوځي تمریناتو انځورونه خپاره کړي دي.

په خپرو شویو انځورونو کې لیدل کېږي چې دغه ځواکونه په پرمختللو پوځي تجهیزاتو او وسلو سمبال دي او په سختو شرایطو کې د عملیاتو لپاره تمرینات ترسره کوي.

ټي‌ټي‌پي د دغو تمریناتو د ځای او وخت په اړه څه نه‌دي ویلي.

د سیمه‌ییز سرچینو د راپورونو له مخې، د پاکستاني طالبانو غورځنګ روزنځایونه، په خیبر پښتونخوا، بلوچستان او جنوبي پنجاب کې فعال دي، چې دا مهال په کې زرګونه جنګیالي په زده‌کړو بوخت دي.
#نهضت

[نهضت @NAHZAT_]

د تحریک طالبان پاکستان (ټي ټي پي) د معلوماتو له مخې، د خیبر کلنیو عملیاتو په لړ کې د بلوچستان د کوټې ولایت د هرنایي ولسوالۍ د کچ په سیمه کې د دښمن له نیول شوې پوستې څخه یو نظامي موټر ترلاسه شوی دی. ټي ټي پي ویلي، یاد موټر د پوستې تر نیولو وروسته د دوی لاس ته ورغلی.
#نهضت

[نهضت @NAHZAT_]

په نوي ډیلي کې د افغانستان سفارت سرپرست، مفتي نور احمد نور، د افغانستان د کرکټ ملي لوبډلې د چټک توپ اچونکي، شاپور ځدراڼ، د مړینې له امله د نوموړي د کورنۍ له غړو سره وکتل.

په دې لیدنه کې نوموړي د شاپور ځدراڼ د مړینې له امله د غمرازۍ مراتب څرګند کړل او ډاډ یې ورکړ، چې سفارت به هېواد ته د جنازې د لېږد په برخه کې اړینه همکاري وکړي.

شاپور ځدراڼ د ورپېښې ناروغۍ له امله نن په هند کې وفات شو. الله تعالی دې یې وبښي او کورنۍ ته دې یې د زړه صبر ور په برخه کړي.
#نهضت

[نهضت @NAHZAT_]

د بلخ ولایت امنیه قومندانۍ وایي، امنیتي ځواکونو د کشفي عملیاتو په ترڅ کې د دې ولایت د دهدادي ولسوالۍ څخه شپږ تنه د غلاوو په تړاو نیولي دي.

د امنیه قومندانۍ د معلوماتو له مخې، نیول شوي کسان په بېلابېلو غلاوو کې ښکېل وو. له دوی څخه څلور عرادې زرنجونه، یو جنراتور او یو تلویزیون هم ترلاسه شوي دي.

امنیتي چارواکو له ټولو هغو کسانو چې په جرمي فعالیتونو کې ښکېل دي غوښتي، له جرم او جنایت څخه لاس واخلي، کنه د قانون منګولو ته به وسپارل شي.
#نهضت

[نهضت @NAHZAT_]

د هند د بهرنیو چارو وزارت ویاند ویلي، د افغانستان د کرنې، اوبولګولو او مالدارۍ وزیر، مولوي عطاءالله عمري، د یوه لوړپوړي پلاوي په مشرۍ نوي ډیلي ته رسېدلی دی.

د نوموړي په وینا، د سفر پر مهال به د کرنې، ظرفیت لوړونې او سیمه‌ییزو همکاریو اړوند پر یو شمېر موضوعاتو خبرې او لیدنې ترسره شي.
#نهضت

[نهضت @NAHZAT_]

د پاکستان د ایف سي غنیمت شوي موټر د کرم د والي په واک کې

د کرم ولایت د والي کاظم، یوه ویډیو خپره شوې چې نوموړی پکې د پاکستان د ایف سي ځواکونو په هغو رینجر موټرو کې لیدل کېږي چې د ادعا له مخې د وروستیو نښتو پر مهال د غنیمت په توګه ترلاسه شوي دي.

یادې ویډیو په ټولنیزو رسنیو کې پراخ غبرګونونه راپارولي او د غنیمت شوو پوځي وسایطو د کارونې یوه بېلګه بلل کېږي.
#نهضت

[نهضت @NAHZAT_]

د ریاست‌الورزاء اقتصادي معاونیت وایي، د اقتصادي کمېسیون د تخنیکي کمېټې نوبتي غونډه کې د چاپېریال ساتنې عمومي ادارې د لابراتواري خدمتونو د مدیریت طرحه تائید شوه.

سرچینې زیاته کړې، چې د دې طرحې موخه د هوا، خاورې، اوبو او د غږ د کیفیت د معاینې لپاره د یو مرکزي، مجهز او معیاري لابراتوار فعالول دي.

د اقتصادي معاونیت په وینا، د یاد جوړېدونکي لابراتوار له خدماتو نه یوازې امارتي ادارې، بلکې خصوصي سکټور او نړیوال سازمانونه او پوهنتونونه هم ګټه اخیستلی شي.

د یادونې ده، چې د اقتصادي کمېسیون د تخنیکي کمېټې په ننۍ غونډه کې د معیار او کیفیت ادارې پر یو شمېر داخلي معیارونو او بهر ته د افغاني غالیو د صادراتو د زیاتوالي پر موضوعاتو هم خبرې شوي دي.
#نهضت

[نهضت @NAHZAT_]

ویډیو: د هند او اندونیزیا ترمنځ د دفاعي همکاریو د پیاوړتیا تړون لاسلیک شو.

د دې تړون له مخې به اندونیزیا له هند څخه براهموس توغندي او د دغو توغندیو لانچرونه ترلاسه کړي.
#نهضت

[نهضت @NAHZAT_]

ویډیو: د سوریې ګرځندوی وزارت ته نږدې غبرګو چاودنو ۱۸ تنه ټپیان کړي.
#نهضت

[نهضت @NAHZAT_]

ویډیو: د سوریې دولتي رسنیو راپور ورکړی، چې د دغه هېواد ولسمشرۍ ماڼۍ ته د فرانسې ولسمشر له رسېدو سره سم پلازمېنه دمشق کې دوه زورورې چاودنې شوې دي.

سرچینو د دغو چاودنو د نوعیت، موخې او له امله یې د اوښتو زیانونو په اړه څه نه‌دي ویلي.
#نهضت

[نهضت @NAHZAT_]

د هرنايي په کچ سیمه کې له نیول شوې پوستې څخه ترلاسه شوي وسلې او پوځي تجهیزات

د بلوچستان د کويټې ولایت د هرنايي ولسوالۍ اړوند د کچ په سیمه کې، له هغې پوستې څخه چې د پوځي رژیم له ولکې وتلې، ګڼ شمېر وسلې، مهمات او نور پوځي تجهیزات ترلاسه شوي دي.

د خپرو شویو انځورونو او معلوماتو له مخې، په ترلاسه شویو تجهیزاتو کې بېلابېلې وسلې، مهمات او نور نظامي وسایل شامل دي، چې د یادې پوستې تر نیول کېدو وروسته د بریدګرو لاس ته ورغلي دي.
#نهضت

[نهضت @NAHZAT_]

د ننګرهار امنیه قومندانۍ ویاند، سید طیب حماد ویلي، چې د جلال‌اباد ښار د درېیمې امنیتي حوزې ځواکونو د عملیاتو په ترڅ کې د غلو لس کسیزه ډله نیولې.

ښاغلي حماد زیاته کړې، چې نیول شویو کسانو به د ښار په بېلابېلو سیمو کې د توپنګچو او چاقوګانو په زور له خلکو موبایلونه، نغدې پیسې او نور قیمتي توکي غلا کول.
#نهضت

[نهضت @NAHZAT_]

د ریاست‌الوزراء اقتصادي معاونیت وایي، د افغان حکومت مشرتابه هېواد کې د برېښنا انرژۍ پنځه کلن پراختیایي پلان منظور کړ.

سرچینه زیاتوي، چې یاد پلان تر دې وړاند د اقتصادي مرستیال ملا عبدالغني برادر په مشرۍ د اقتصادي کمېسیون له لورې تائید شوی و.

په دې پلان کې له کورنیو سرچینو لکه اوبو، لمر، باد او ډبرو سکرو څخه د برېښنا تولید ۲۵ پروژې، د برېښنا لېږد مزي غځولو ۱۳ نیمګړې او ۲۳ پلان شوې پروژې، د سب‌سټېشنونو جوړولو ۲۱ نیمګړې او ۲۱ پلان شوې پروژې او د برېښنا توزیع ۳۴ پلان شوې پروژې په پام کې نیول شوې دي.

د اقتصادي معاونیت په وینا، د دغو پروژو د چارو په بشپړېدو سره به د انرژۍ په سکټور کې د پام وړ پراختیا او پرمختګ رامنځته او پر وارداتي برېښنا به اتکا راکمه شي.
#نهضت

[نهضت @NAHZAT_]

د سریلانکا حکومت ویلي، چې د دغه هېواد د «نګومبو» ښار په یوه زندان کې د دوو ډلو د شخړې له امله ۱۹ تنه وژل شوي او ۱۰۰ نور ټپیان دي.

سریلانکایي چارواکو د شخړې د لامل په اړه څه نه‌دي ویلي.
#نهضت

[نهضت @NAHZAT_]

د کالیفورنیا والي، ګوین نیوسام: «د ټرمپ په څېر اشخاص ماته نه‌مني؛ دوی درغلي کوي، غلا کوي او درواغ وایي.»
#نهضت

[نهضت @NAHZAT_]

د فرانسې خبري اژانس راپور ورکړی، چې د دغه هېواد ولسمشر امانوېل ماکرون په یوه دوه ورځني سفر دمشق ته رسېدلی دی.

د راپور له مخې، د سوریې د بهرنیو چارو وزیر اسعد شیباني په دمشق هوايي ډګر کې د ماکرون هرکلی کړی دی.

ټاکل شوې، نوموړی دې سفر کې د سوریې بیارغونه کې د پاریس ونډه اعلان کړي.

د ویلو ده، چې دا سوریه کې له نویو بدلونو وروسته دمشق ته د یوه فرانسوي ولسمشر لومړی سفر دی.
#نهضت

[نهضت @NAHZAT_]

اکسیوس د یوه لوړپوړي امریکایي چارواکي له قوله راپور ورکړی، چې د ایران سپاه پاسداران له هرمز تنګي پر تېرېدونکو دوو سوداګریزو بېړیو توغندي توغولي دي.

د معلوماتو له مخې، دغه برید تېره ورځ سهار مهال ترسره شوی دی.

د دغه امریکایي چارواکي په وینا، په دې برید کې دواړو سوداګریزو بېړیو ته د پام وړ مالي زیان اوښتی، خو تر اوسه د مرګ‌ژوبلې کوم راپور نه دی ورکړل شوی.
#نهضت

[نهضت @NAHZAT_]

راپورونه وایي، پر کیوبا د امریکا د سختونو بندیزونو له اوږدېدو وروسته د دغه هېواد د برېښنا ملي شبکه په بشپړه توګه له کاره لوېدلې ده.

دې حالت کې په ټوله کیوبا کې میلیونونه خلک له برښنا بې‌برخې کړي دي.

د یادونې ده، چې امریکا له تېرو څو میاشتو راهیسې کیوبا محاصره کړې او دغه هېواد ته د تېلو او نورو لومړنیو توکو لېږد ته اجازه نه‌ورکوي.
#نهضت