نايف البقمي

..

[نايف البقمي @naiif55]

#سفر_الدغيلبي

[نايف البقمي @naiif55]

تبين الحقيقة يا بعد كل من حبيت
علي نذر مايستاهل الحب غير انتي

[نايف البقمي @naiif55]

فيك تشخيص البصاير ولك مد الكفوف
يا كريمٍ يكرمون الأكارم من عطاه

عالم اللي ما اعلمه، شايف اللي ما نشوف
خافيٍ سره والأسرار ما هيب تخفاه

لا انقفل بابٍ من الرزق حراسه وقوف
فِتّحت بيبان الأرزاق من كل اتجاه

[نايف البقمي @naiif55]

مثل الندى وصلك على القلب يازين
ومثل العواصف صدتك كان تدري

ومثل الذهب يعشقه تاجرٍ ومسكين
موجود حُبك صاينه صون عذري

غرفت لك بحرً من حدود برلين
وغرست بذر الحب في وسط صدري

وخططت لك شارع وشرفه وبيتين
و صكً كتبه القلب باثبات جذري

تسقيك روحي من حنايا بكاسين
حبً تعتق داخل القلب ،خدري

[نايف البقمي @naiif55]

لك بالصدر مربى و بالعين مجلاس
وحـبٍ نمـا بين الضلـوع النحايـل
ٰ
وش عاد ابي بالناس واللي ورا الناس
و انتي مليتيني .. جمـال و جمايـل

[نايف البقمي @naiif55]

ربطت قلبي بنور الله ومشكاته
ملقح الصيب الثجاج فمزونه

ألوذ به واذكره باسماه وصفاته
لاشي من فوقه ولاشي من دونه

[نايف البقمي @naiif55]

لا ضاق صدري قلت يارب رحماك
ياللي بذكرك ينجلي ضيق صدري

استغفرك وأتوب لك واطلب رضاك
ماغيرك احدٍ عن خفا النفس يدري .

[نايف البقمي @naiif55]

فوق الحراير وفوق ملجّمات الحنوك
مسعى ميات السنين يحققه بضحوّه

خلّى السلاطين تحت ذباب سيفه بروك
عند الجمال رغوه والمحصنات نعوّه

مايلتفت "للملوك ولا عيال الملوك
يقص راس الملك ويقول صب قهوه

سعد بن جدلان " رحمه الله "

[نايف البقمي @naiif55]

تغـاضي يا عيونـي والسنين قصار
ما دام الوقت لا انصفني ولا انصفته

احب اللي مضالي .. واكره التكرار
واشوف اللي يخـوّفني .. ولا خفته

غريب شعور والواقع غريب اطوار
كثر ما كنت راضي .. كثر ما عفته

ياكثر اللي تحاشيته يصير .. وصار
ياكثـر اللي تمنيتـه ... ولا شفتـه

[نايف البقمي @naiif55]

يارب والنفس بيدك وانت خالقها
محتاج عفوك وتوفيقك وإحسانك
⠀
يا كثر الاحلام لكن ما يحققها
إلا انت يا حي يا قيوم سبحانك

[نايف البقمي @naiif55]

الله ولا الهاجس اللي ما يريحني
أسهر عيوني ، و عنّاني ، و عنّيته

أحاول أخفيه ميّر الحزن يفضحني
متمركز ٍ بالحشى كن ّ الحشى بيته

ياللي تعاتب غموضي لا توضحني
ما باقيٍ فـِ الضميّر إلا تناهيِّته

[نايف البقمي @naiif55]

جعل وقتٍ عطاني إياك .. ما يفنى
والله إنك ترضيني وتكفيني وتغنيني .

[نايف البقمي @naiif55]

ماعندي الا قلب واحد ومسروق
والسارق اللي سارقه جايزٍ لي

عساه مايعثر ولا يصدفه عوق
وعساه مع طول العمر صافيٍ لي

[نايف البقمي @naiif55]

أنتِ لك في العين ملفى وفي قلبي محل
موقعٍ فوق المخاليق عالي مستواه ♥️

[نايف البقمي @naiif55]

الله من همن على القلب خيم
في وسط قلباً دايماً له كتومي

يبث همه لظلم الليل واعتم
عند الولي علام كل العلومي

[نايف البقمي @naiif55]

يالله أنا طالبك خاطرٍ سمح وطول بال
يسعفني أساير زماني .. وأقوى بلاويّه

[نايف البقمي @naiif55]

وجهك ينسّيني جميع ظروفي
أحب وجهك ، بيض الله وجهكُ

[نايف البقمي @naiif55]

حفظ الله #المملكة_العربية_السعودية 🇸🇦
وسائر بلاد المسلمين من كل شر

[نايف البقمي @naiif55]

يالله بدعوة مالها دونك حجاب
يالـي بوجه العبــــد ماصك بابه

تفتح لها ياخالق الكون الابواب
فــــي ساعــة يالله فيها اجابة

العبد في رجواك يارب ماخاب
ادعيــــــك وانا ميقنن بالاجابة

اسألك يارحمان ياخيــر وهاب
يالله عساها دعــوتن مستجابة

[نايف البقمي @naiif55]

لا لبست ازهد لبس صار أجمل لباس
لها على البيض بغنجها سياده

مهيب في حاجة لعقدٍ من ألماس
يبرق معنّقها بليا قلاده

لا جت صباح العيد والغِيد جلاّس
والله ما يجلس من الغيد غاده