نايل بن نايف

أستغفر الله العظيم وأتوب إليه ..

[سلمان النصيف @S_alnsaf]

يارب انا اخطي بعض الاحيان واتوب
وااذكر ذنووبي وااتقلب على جنب :؛

خلقتني عبدك .. ولا عندي ذنوب
ودي ااموت ... ولا عليه ولا ذنب

[عبدالله السراهيد @Alsraheed]

«نسانيس الهبيّب»

آتهيّا .. لـ " الهبوب الباردة " وتهبّ نودك
وانت نودك ما تهب الا بعدها رش صيّب

[عبدالله السراهيد @Alsraheed]

تلاشى .. ما دام إن التلاشي هو آخر حلّ
وجودك ما عاد يفيد . . وغيابك إلزامي

فقدتك . . بما فيه الكفاية حبيب وخلّ
وأخذت أغلب آمالي معك وآغلب احلامي

على كل جرحٍ ( ما توانى ) بعدك . . وكَلّ
مسامحك . . حتى لو بعد تجرح صيامي

ترى اللي تشوفه من مواجع بعض من كلّ
براءتك . . كانت ( سبّة ) الفعل الاجرامي

يطيح المطر ويصير وجه الثرى مبتلّ
وتروى جميع الناس تحته وأنا ضامي

أدوّر نهارٍ . . في شتات الدروب ، يدلّ
وليلٍ نجومه " تنتشلني " من أوهامي

لي شهور .. وهمومي زرافيل دق وجلّ
مايعزل بعضها عن بعض جرحي الدامي

مع إن معرفتنا حول عامين . . ولا آقلّ
أحسّك معي .. في كل عامٍ من أعوامي

تناسيت وأول ما ذكرتك وطيفك طلّ
تبسّمت لك كنك من الشوق قدامي

خذاك الزمان اللي تركني وطن محتلّ
ولا عاد باقي شي .. يستجمع حطامي

ويبدو لي ان تبع المقفي .. هوان وذلّ
عساني ماآضحّي في مقام اسمي السامي

قدر كل طيّب لو يعيش الحياة بـ قلّ
يحامي عن اسمه ما يدوّر له محامي

أنا وامنياتي .. ما خلقنا نعيش بـ ظلّ
خلقنا عشان نكون فـ الصف الآمامي

[نايل بن نايف @nail_2017]

@Alsraheed تسولف على الشعّار من برجك العالي ♥️

[عبدالله السراهيد @Alsraheed]

عن كل نزوة شعور .. وكل زلّة لسان
تعوّذوا من غيا أنفسكم ومن جهلها

حياة الانسان .. بين الطيش والاتزان
أحيان يا صعبها وأحيان !.. يا سهلها

ما يتّجه موجها العالي .. لـ بر الأمان
لين يتعلّم " فتاها " من ندم ، كهلها

تغانموا ما يوصّلكم لـ خضر الجنان
ليالي العمر ! ما تمشي ، على مهلها

[مطرب بن دحيم @ben_dhim]

دلهوني ياجماعه / عن ظروف الزمان ..
سولفو لو ياخذ الكذب فالهرج سهمه
'
علم والا حلم والا سحر والا بيان ؟!
جف دم اللي تعرفون دمه ولحمه
'
الشغف كان اول العمر مثل الريهجان
واخر ايامه توفى عسى الله يرحمه
'
ليت عمري ( ست والا سبع والا ثمان )
ودي اذوق الشغف زين ضيعت طعمه

[نسيان' @rafa0098]

ياوسيع الحلم ملّتنا الحياه وجينا
تايهينٍ غير باب العفو ما دوّرنا
'
لا جثينا عند بابك رافعين يدينا
مهطعينٍ كن جبال الارض فوق غترنا
'
ردّنا لـ رحاب رضوانك ليا زلينا
الدروب تجرّنا ونفوسنا تامرنا
'
واغننا من حاجةٍ مع واحدٍ لاجينا
ماستحى من ثقل جيّتنا ولا قدّرنا

[مطرب بن دحيم @ben_dhim]

جديد
'
'
'

يــادهـر مــالـك ومـــال الـكـبـرياء والـطـاعـه
لاتـلـحـقـنـي زرايـــــا بــنــدقـي وسـعـفـتـي
'
لــفـنـي مــثــل الــزقــاره واقــــدح الــولاعــه
مـامـعـك رهــبـان قـــس ولاسـمـاحة مـفـتي!!
-

[مخ ـطاف @at_12am]

خشيرة نسيم الصبح في سلوة المحزون
لو تمرني مثله ما عيّنت " يا وجدي "
ٰ
أنا اللي ما أعاين فالأوادم لو ينادون
على " ترقوتها " ينكسر كبري النجدي

[متعب بن مرزوق @BadawiFahim]

قبل آلطموحآت تاخذها ' هبوب آلرياح
لا تثني آلسآآآآآق حتى [ تنتشلهآ نشل ]
-
ترى آلصبر وآلعمل وآلعزم رآس آلنجاح
وآلضعف وآلهون وآلاحباط رآس آلفشل

متعب بن مرزوق

[متعب بن مرزوق @BadawiFahim]

اللهم صلِ وسلم ع نبينا محمد 🤍

[مخ ـطاف @at_12am]

إلى جميع الكادحين فوق الأرض:
إن لم تكن جَلِداً لحوحاً فلا تُقامر بهدوء أيامك ونوم عينيك لتحقيق الأحلام وصناعة الأمنيات واقعاً مُزدهراً .
طبتم وطابت بكم ولكم الصباحات يارفاق ❤️🌸☕️🎶

[مطرب بن دحيم @ben_dhim]

سلامتك يامفحم [ عيال الرجال ]
يامرهب اصحاب العروش السايده
'
ليت المرض فينا يامحمود الخصال
لكن عزانا انك ( زبون الكايده !) !
'
انته تشيل الحمل وتشيل الجبال
وش لون ماتقدر تشيل الزايده ؟!
#سلامتك_يا_ابوسلمان

[متعب بن مرزوق @BadawiFahim]

طآرق آلباب لا سيرت وفر [ كلامك ]
قد شبعنآ من [ آعلوم آلحياه ] وروينآ

مالك آلا القبول' ولا لك آلا آحترآمك
سلمنآ وآبسط آحقوق آلمسير ' علينآ

لن هرجنآ مآ قلنآ آلي آتنقص مقآآمك
وآن صمتنآ لا تنشدنآ 'ورآء مآ حكينآآ

انت طرقي وتملا بـ آلسوآلف آحزآمك
وتنقل آلبندق آلي خآيف آتثور ' فينآآ

[سلطان بن عباس @su_abbas]

من اجتهد في إرضاء الاوادم تنقّد
اذا رضيت بما تسويه كافي

اللي يقول انك معقـّد : مـعقّد
واللي يقول انّك سنافي : سنافي :)

[مخ ـطاف @at_12am]

إلى جميع الكادحين فوق الأرض :
البدايات دائماً مُغرية ، برّاقة ، مُشربةً بالحماس ومحفوفةً باللذاذة فلا تغرنكم البدايات ولا تركنوا لأهلها فإن العبرة بالتجربة والإنجاز بالوصول وإن في باطن كل قصة ما يُنسي لذة البداية سعادةً أو شقاءً.
طبتم وطابت بكم ولكم الصباحات يارفاق ❤️🌸☕️🎶

[جرّاح العتيبي @AL___9999]

الساكت اللي ما يشكي لك معاناته
خلّه يقفي ورااه بـ خيره و شرّه

وان كان شاعر تبي تكشف من ابياته
انه يعااني من الفقد ومن الحرّه

وكانه يعااني جفاء خلّه و صدااته
هذا من المستحيل بـ تقنعه مرّه

الحب من عاش فيه و ذاق لذّاته
ما هو بـ طالع منه لو انّك تجرّه :)

[نايل بن نايف @nail_2017]

@ALSRAHEED @saud_ashamri لله درّك يا عبد الله ❤️

[عبدالله السراهيد @Alsraheed]

والله يا مظلوم ما ندري من الظالم
الناس بين الخطأ والصح مقسومة

ما عاد ندري من نضدّ ومن نسالم
الروية أصلا ضباب ! وشبه معدومة

صدّقني إن الخيال الهادي ، الحالم
أفضل من الواقع الغرقان بـ همومه

في هذِه البقعة الضخمة من العالم
هُنالِك ! أشياء واجد .. غير مفهومة