يْتهيا الليل.. و النوم يْتهيا
" مايعرف الشوق، خمام الوسايد "
للخيّال وصال، كان الصدق عيّا
علم طيوفك.. لا تحرمني العوايد
كل يوم يمرّ في عمر الجفيّا
الوله.. تكبر سنينه ويتزايد
كان عقلي ضد يوم القلب ويّا
وانا ظالم.. ما عرف ياقف محايد
يتحيّز لك غلا ، مدري حميّا
دافعه؛ حب وتقاليد وعوايد
كيف ترسم مجمل وصوفك يديّا ؟
وانت عين تعزي.. وْ مبسم يعايد
كل بيتٍ فيك يا سمح المحيّا
شايفٍ نفسه، على كل القصايد