ناصر طلال البراك .

'' اللهم لك الحمد كثيرا ''

[ناصر طلال البراك . @ne79sn]

ربي وانا المطمئن ل رضاه وآهابه
جعله يسامح خطاي وما يواخذني
،
الضيقه الي توّجهني على بابه
أطيب من الفرحه الي منه تاخذني

[ناصر طلال البراك . @ne79sn]

ترى الغنى اللي نحسبه عكس الافلاس
يمكن يكون افلاس - في غير حلّه

من زان له في مقعد الذل مجلاس
صلوا عليه وكفنوه بـ محلّه

مهما يقوم الصبح ويجر الانفاس
ميّت .. لا صار يعيد تكرار ذلـه

الموت موت اللي تحت رحمة الناس
ماهوب موت اللي تحت رحمة الله

[ناصر طلال البراك . @ne79sn]

اللي ستر عيبه عن الناس بهدوم
وش يستره لا صار عيبه كلامه

[ناصر طلال البراك . @ne79sn]

اللي رزق له كافرٍ مايصلي
ماهو بناسيني وأنا مصليٍ له.

[ناصر طلال البراك . @ne79sn]

مايعرف الطيب رجلٍ '' صر '' مصروفه
والصيت بين العرب ماهو ب مجاني

[ناصر طلال البراك . @ne79sn]

من لاقدح في ساعةً الساع خلّه
اللي يشاور بالعطى ماعطى شي

[ناصر طلال البراك . @ne79sn]

انا معي وجهٍ مضرّا على الطيب
لاجيت بجامل به اللاش عيّا

[ناصر طلال البراك . @ne79sn]

عادة اصحاب الرخا مثل عادات البنوك
« ماتخدمك لين تطلع وراك بـ فايده » .

[ناصر طلال البراك . @ne79sn]

اللي.. يصعّر ... للرياجيل ...خده
(لا هو ب لا منصى ولا هو ب مدهال)

[ناصر طلال البراك . @ne79sn]

اشهد شهادة حق مدح الردي عيب
مثل الصـــلاة اللي على غـــير قبله

[ناصر طلال البراك . @ne79sn]

ترى واحد(ن) يامن عدوّه ولا يحـتـاط
مثل من يشوف البرق وينام فـ الوادي

[ناصر طلال البراك . @ne79sn]

تعنّا يا قلبي واطرق الكايدات وغن
ضعيف الرجال اللي لا عنّي ولا عنّا

ويا لحّاسة كبار المناكب وكف المن
كما كنتوا ابقوا واتركونا كما كنّا

تدور الليالي وانتم انتم وحنا حن
لكم سهلها والصعب نطّاحته حنّا

[ناصر طلال البراك . @ne79sn]

مطارد الأحلام يبغى وسع بال
وشلون نحكي لك ومن وين نبدا ؟
.
صديقي الحالم ترى بعض الآمال
تحوّلك من كائنًا حرّ.. عبدا
.
لا تصير حاجة فارقة صير رجّال
المرجله من كل رغباتك أبدى
.
الركض خلف ( الصيت والمجد والمال )
يخلّي الرجال من غير مبدا

[ناصر طلال البراك . @ne79sn]

لا صار منتم تفرقون الرياجيل
وش خانه الرجال يجهد بطيبه

[ناصر طلال البراك . @ne79sn]

الله اليا حط الضعافه مواليف
حط النشاما في طريق النشاما

[ناصر طلال البراك . @ne79sn]

خلك قوي لا يكسرك جور الأيام
منصاك ربك لا نصتك الشدايد .

[ناصر طلال البراك . @ne79sn]

من لا وزن كلمته من قبل ينطقها
تجيه له كلمةٍ ماهي بموزونه

ومن لا حفظ طلقته في بطن بندقها
بنادق الناس ماهي دوم مامونه

[ناصر طلال البراك . @ne79sn]

يا راسي عسى الله لا يحدّك على أي إنسان
ويا عزمي تقوّى .. و انطح الشده بشدّه

[ناصر طلال البراك . @ne79sn]

التغاضي عن عيوب الناس نوع من الذرابة
و الدليل إن العيون المبصرة ماهي كريمة

لو يقول الزور يا قرب الغرور من المهابه
رّد صوت الحقّ يابُعد المديح من الشتيمة

واحدٍ جنّب عن الأمجاد في زهرة شبابه
لايدّور في عيون الناس بعد الشيب قيمة

[ناصر طلال البراك . @ne79sn]

حياةٍ بلا سمعه تجاره بلا مردود
وعز الفتى صيته ولو بيته شراعي .