نوادر أبيات القصيد

‏حساب نوادر أبيات القصيد  اتمنى أن ارتقي إلى ذائقتكم ...

[نوادر أبيات القصيد @newadr1]

يــــوم ان كــلٍ مـن خــويه تبرا
حطيت (الاجرب) لي خوي مباري

نعم الرفيق الى سـطا ثم جرا
يودع مناعير النشـاما حباري

تركي بن عبدالله ال سعود

[نوادر أبيات القصيد @newadr1]

كلٍ يقول أبوي و يقـول جـدي
ويعد نفسه خالـد بـن الوليدي

لاصار مانته بالمواقـف تعـدي
ذكر القبور الفانيـه مـا يفيدي

عبدالرحمن بن ربيعان

[نوادر أبيات القصيد @newadr1]

لاشك يامـن مـعـك عـقـل ولـباقـه
بنصحك كان انك للأمثال تشتاق

صادق رجالٍ يعرفـون الصداقـه
يقفون صفك يوم يبسات الأرياق

بندر بن سرور

[نوادر أبيات القصيد @newadr1]

رجلٍ على الناموس بيضٍ ثيابه
ورجلٍ يرقعها على المـتن ترقيع

ورجـلٍ يزايـم علتـه مـن عذابـه
عـيـدان نــاره للقـريـب مـواليـع

مفرح الضمني

[نوادر أبيات القصيد @newadr1]

يارب ترحمني لـيا قـيل مـن راق
لاصرت ماعاد استطيع ابلع الريق

ليا جا الوعد والتفت الساق بالساق
وأتلى الكلام الغرغره والتشاهيق

غازي بن عون

[نوادر أبيات القصيد @newadr1]

ياشين طول الصبر ياشين لفح السموم
وياشين دمعـة كبير القـوم لاهلهـا

والله مهما يطيح الحظ والا يقـوم
اقول عز النفوس اخير من ذلهـا

متعب الغربي

[نوادر أبيات القصيد @newadr1]

مـن لا يـعـرفـك مـايـقـدر مـقـامـك
ومن لا يميز بالبشر ما عرفها

واليا احترمت الناس زاد احترامك
والناس عز نفوسها من شرفها

جزا صالح الحربي

[نوادر أبيات القصيد @newadr1]

نفسي تبى العز والحاجات تغصبها
ترمي بها بين أجاويد وانذالي

المال يحي رجالٍ لاحياة إبها
كالسيل يحي الهشيم الدمدم البالي

بديوي الوقداني

[نوادر أبيات القصيد @newadr1]

لا خير في كثـر الحكي والتماليس
هـرجٍ بلا فـعلٍ يجـي به وهـومي

من لايدوس الراي من قبل ماديس
عليـه داسـوه العـيـال القـرومـي

تركي بن حميد

[نوادر أبيات القصيد @newadr1]

نجد الوفا نجد العـطا ماله حدود
نجد الـمروه والـشـموخ الـمثالي

نجد الهوى المصيون عن كل منقود
بالعـصر الاول والعـصور التوالي

سلطان الهاجري

[نوادر أبيات القصيد @newadr1]

لو كل من قال المثايل عسفها
مـا صـار نـقـصٍ بالـمـعـاني ولا زود

والبندق العوجا تجنب هدفها
لي صار منظرها عن القطر مصدود

مرشد البذال

[نوادر أبيات القصيد @newadr1]

ؤاجـر قلـبي جـر لـدن الغـصـوني
غصـون سدر جـرهـا السـيل جــرا

علـى الذي مشيه تخـطـى بهـونـي
والعصـر مـن بـيـن الفريقـيـن مــرا

الدجيما

[نوادر أبيات القصيد @newadr1]

ودنا بالطيب بس الزمن جحاد طيب
كل ماتخلص مع الناس كنك تغشها

يدك لامدت وفاء لاتحرى وش تجيب
كانك جاتك سالمه حب يدك وخشها

سعد بن جدلان

[نوادر أبيات القصيد @newadr1]

لاتامن فروخ الداب لو عاشن وأبوهن مات
يجـن الصبح بأنـيابٍ تنسل كنهـا أنيـابه

خلف بن هذال

[نوادر أبيات القصيد @newadr1]

عيب الفتى مافيه شك ولاريــب
ترك الفروض وقطع وصل القرايب

والعيب ترك ملازمات المواجيب
وتبع الردى ومجالسـة كـل خـايب

رشيد الزلامي

[نوادر أبيات القصيد @newadr1]

أمـر مـرٍ مـر فـي دنـيـتـي لـي
وأمـر مـرٍ مـر لي في حياتي

لا جاني العاني وانا مامعي شي
ودي تجيني قبل ياتي وفاتي

منصور الرمالي

[نوادر أبيات القصيد @newadr1]

لا تاخذ الهزلة على شان مالهـا
ولا تقتبس من نارهـم بالوقايـد

لا تـاخـذ الا بنـت قـوم حـميـده
لعل ولـد منهـا يجـي بالفـوايـد

راشد الخلاوي

[نوادر أبيات القصيد @newadr1]

كـثر التجـارب درس والـدرس نفاع
فيهـا لذربيـن الريـاجيـل تنفيـع

احرص على ربعة شريفين الاطباع
لوهم من الاجناب فيهم منافيع

مرشد البذال

[نوادر أبيات القصيد @newadr1]

ياوجودي كل ماهب نسناس الشمال
وجد من حده زمانه على اللي مايبيه

وياوجودي كل ما أضحيت ثم مال الظلال
لاغفت عيني و لا ذقت شي مشتهيه

بن قضعان

[نوادر أبيات القصيد @newadr1]

عـزي لحالـك ياعزيـز وانـا ابـوك
كان الزمان اللي وطاني توطاك

تـراه ماينفعـك خالـك ولا اخـوك
انكان ماتقضي لزومـك بيمـناك

سليمان بن شريم