منصة أدبية : ننشر من خلالها محتوى كتاب (نفح القرائح) أحد الكتب الرقمية في مكتبة أمير منطقة القصيم | جمع مجلس عنيزة للأدب الشعبي | إصدار مركز بن صالح الثقافي
على بركة الله تنطلق المرحلة الثالثة من مراحل شعر الحكم والنصائح .. سائلين الله العلي القدير التوفيق والسداد ..
منصة #نفح_القرائح
منصة أدبية : ننشر من خلالها الحكم والنصائح من الأدب الشعبي
(@nf1g1nf):
https://t.co/vnvNmVUwDE
ادعمونا بالإطلاع والمتابعة والنشر ..
#نفح_القرائح
الشاعر / عيد بن مربح القلادي الرشيدي ولد في منطقة حائل عام ١٣٦٧ وتوفي عام ١٤٣٩ هـ
مجلس ٍ ما يقدّر خطوتك لا تجيه
حط بينك وبينه برزخ الإعتزال
روّض النفس وأردعها عن اللي تبيه
وكان طاوعتها غنّت على ليل لال
وأعطها فرصة المسجون لمزاوريه
ودفّها دفّة الطاغي لمستور حال
#نفح_القرائح
الشاعر / صالح بن محسن العروي الجهني ولد في منطقة المدينة المنورة عام ١٣٩٥ هـ
تدري وش اللي ما تجي بالملايين؟
العافيه لا صرت محروم منها
وتدري وش اللي حدّها حدّ سكّين؟
الحاجه اللي ما أنت قاوي ثمنها
وتدري وش اللي ما توفّي لها الدين؟
اللي غذاك بصغر سنّك لبنها
#نفح_القرائح
الشاعر / محمد بن مطلق الجربا الشمري ولد في العراق عام ١٤٠٤ هـ
عشنا الطفولة يوم طرد الجرابيع
وشبنا وجرابيع الحياة اطردتنا
كنا نشيّد بالليالي مشاريع
واتلى مشاريع الليال اهدمتنا
عشنا تعب من شان كسب المنافيع
ويوم اكتمل كسب المنافيع متنا
#نفح_القرائح
الشاعر / سعيد بن فارع العبيدي القحطاني ولد في منطقة عسير عام ١٤٠٨ هـ
بلع الخطا مثل الدوا عند اللزوم
حتى لو إن النفس ما هي تقبله
لا تحسب إنه في العوايد والسلوم
إن كل من يزعلك لازم تزعله
تدقيقنا الواجد على بعض العلوم
ما من وراه إلا القلق والبهذله
#نفح_القرائح
الشاعر / فهد بن إبراهيم المفرّج التميمي ولد في تمير عام ١٣٩٦ هـ
ثنتين عنهن ما تجوز المعاذير
سترك لأهل بيتك ومكسب يمينك
وثنتين يسونّ التعب والمشاوير
مواصل أرحامك وفزعة قرينك
وثنتين لا تقبل بهنّ الأشاوير
الجار والصاحب إلى قال وينك؟
#نفح_القرائح
الشاعر / ناصر بن محمد الحبابي القحطاني ولد في نواحي القويعية عام ١٣٨٩ هـ
أنا حفيد الصايمين المصلّين
أتباع أبو بكر وعمر والمثنى
وأنا عشير الغانمين الميامين
أهل الشيم لا قيل حنا وحنا
وأنا من اللي قال الأفعال هالحين
ما ني من اللي قال كنا وكنا
#نفح_القرائح
الشاعر / ناصر بن سمير الشاطري المطيري ولد في منطقة المدينة المنورة عام ١٤١٦ هـ
أبعد عن اللي لا زعل ينكر الطيب
اللي تقلّب عشرته مع مزاجه
إن راق رقّاها طوال المراقيب
وإن ضاق ضيّقها على أدناة حاجه
ما هو صحيب ٍ لي ولا ني له صحيب
حتى لو إنّا كل يوم نتواجه
#نفح_القرائح
الشاعر / مساعد بن جميل المغيّري العتيبي ولد في نواحي الرياض عام ١٣٩٦ وتوفي عام ١٤٤١ هـ
يا صاحبي ما للفقارى بني عم
يوم الغني كلن يجي إبن عمّه
ما زال فينا من بقايا الجهل هم
وما زال فينا حي تبكي له أمّه
ولا زال عمي قلوبنا تُسمع الصم
بالحكي نجمع شعب ونشتّت أمّه
#نفح_القرائح
الشاعر / سعود بن فهد المريخي المطيري ولد في الكويت عام ١٣٨٦ هـ
حرب البعيد يوحّد الصف يا حمود
بس البلا يا حمود حرب القرابه
اللّابه اللي بينها الهرج موجود
أشهد شهادة حق ما هيب لابه
هرج القفى بالناس عيب ٍ ومنقود
كلمه وتكبر لين تصبح طلابه
#نفح_القرائح
الشاعر / مشعل بن سابر العاطفي القحطاني ولد في نواحي الرياض عام ١٣٩٤ هـ
أنا واثق إن ما فيه عقده بلا حلّال
ولا فيه وجه ٍ لاهب القيض ما مرّه
ولا فيه في الدنيا على الحال يبقى حال
يدور الفلك وتجيك الأيام مفترّه
فلا تضعف اليا جات بعض السنين هزال
وجيبك على ما في كنين الحشا زرّه
#نفح_القرائح
الشاعر / هادي بن جابر المهّان اليامي ولد في منطقة نجران عام ١٣٨٥ هـ
قريب ٍ صحيب ٍ طيّب ٍ دايم الوفاء
وقريب ٍ حريب ٍ لك ولو ما تحاربه
وقريب ٍ يماري بك ويسعد بطولتك
وقريب ٍ نجاحك خنجر ٍ في ترايبه
وقريب ٍ إلى ثقلت حمولك يشيلها
وقريب ٍ حمولك نصفها من سبايبه
#نفح_القرائح
الشاعر / خليف بن ضلعان السليمي الحربي ولد في حائل ١٣٥٧ وتوفي في المدينة ١٤٣٤ هـ
اللي تكفّل بي وأنا حمل ورضاع
ما هو مضيّعني وأنا اليوم شايب
يونس ببطن الحوت والموج ما ضاع
في قدرة المولى نجى من مصايب
الرزق ما هو عند حاسد وطمّاع
الرزق عند اللي ينشّي السحايب
#نفح_القرائح
الشاعر / لافي بن حمود الغيداني الحربي ولد في منطقة القصيم عام ١٣٨٨ هـ
ماني على ربعي قريّب محاضيب
أدناة ما خلّاني أسرج خيولي
إن جات من طيّب شقاها على الطيب
لو إنها أعوج من رقبة الذلولي
وإن جات من مسكين منطق وأساليب
حطّيتها بين الثرى والنعولي
#نفح_القرائح
الشاعر / وايل بن عبدالله الهويشان العنزي ولد في الزلفي عام ١٤٠٢ هـ
يقدح بها جاهل ويبلش بها عود
شرارة ٍ ما ينعـرف منتهاها
يفتح بها باب عن الشر مسدود
خبل ٍ ما يحسب خطوته لا خطاها
شيءٍ نشوفه بالمجالس ومشهود
الله يعافينا من اللي بلاها
#نفح_القرائح
الشاعر / مانع بن ذنبوح آل سفران العجمي ولد في الكويت عام ١٣٥٨ وتوفي عام ١٤٣٤ هـ
المراجل ما تجي بدروب حيله
بيعها سهل ٍ وصعب ٍ مشتراها
والمعاصي ما لراعيها عقيله
علته ياتي بلاها من رداها
لا بغيت الرجل فأنشد عن عميله
كل عمّال ٍ تقدّىٰ بعملاها
#نفح_القرائح
الشاعر / ناهض بن ثواب بن شنيبر الشلوي ولد في نواحي الطائف عام ١٣٩٩ هـ
أمّا مشينا مع خيار الرجاجيل
وإلا استرحنا في بيوت الكرامه
وإلى لفينا عند قوم ٍ مشاكيل
ناخذ من المقدار ومع السلامه
وإلى لفينا ما لقينا محاصيل
ما نلحق الطيّب كلام وملامه
#نفح_القرائح
الشاعر / ذعار بن قاعد الفريدي الحربي ولد في منطقة القصيم عام ١٣٦٩ وتوفي عام ١٤٤٣ هـ
يا اللي تبي راحة بدنك وضميرك
عن جملة الخلّان خلّك حيادي
خلّك حيادي سر . واعبر مسيرك
على القدى وإلا على غير قادي
لا صار ما يعلم بخافيك غيرك
مرتاح لو إنك عن الدرب غادي