selam

[Eritrea 🇪🇷ጓልኪዱን🇨🇭 (Abahani) @MEKETEN2]

ጽንብላሊዕ ውልዕ ውልዕ ኣቢሎማ #ሜድያ ኩሉ #PlatFom ንስኹም ፍረጻዕሪ ድኻምኩም ዓወት ሓፊስኩም ንሕና ድማ ብታሕጓስ ውጺት ስራሕኩም
እልልልል ንብል #ኣይዋወድሽኽ ኣዘ ከማመለ❤
#EritreaAlwaysSuccessful &Proud of Her #ChildrenEritrea🇪🇷

[Eriid🇪🇷❤️ ዕርዲ @eri_id_]

ኣእማኒ ብቕዓት! ኣእማኒ ዓወት!

ኤርትራ ሪጎለ ስሒታ!

ዓንዲ ልዳት ገጭያ!

ክልተ ብሉጻት ሸቶታት ኣመዝጊባ!!

ይበል ይበል!!!

Victory is Ours as Always ❤️🇪🇷

#Eritrea #ThisIsHowWeDoIt #AFCON #CAF #RedSeaCamels #Pride #Victory #AfricanFootball

[Eri_Blooming ,🇪🇷 @eri_blooming]

Eritrea🇪🇷🇪🇷 the red sea camels 🥳🥳🥳

[Embassy of Eritrea to Ethiopia PM to AU & ECA @ERIEMBAET]

#Eritrea secured an impressive 2–0 victory over Eswatini in Meknès, Morocco, in the #AFCON2027 preliminary qualifiers.

This result marks an important step forward, highlighting the growing strength and bright future of #Eritrean football. 🇪🇷⚽

Congratulations 🙌

[Eritrea 🇪🇷ጓልኪዱን🇨🇭 (Abahani) @MEKETEN2]

@AliSuleman ናኑእ እንከቶኪኖ ኣይ ዱኩማ፣ ኤርትርያ ታሪኽ ሊኖ ናባያ!! ኣጆኹም ንሕና ኤርትራውያን ሰብ ታሪኽ ኢና።🇪🇷❤🇪🇷🫶⚽🇪🇷
#Morocco #AFCON2027 #Eritrea🇪🇷

[Ministry of Information, Eritrea @shabait]

Cataract surgery at Birhan-Aini Hospital

Cataract surgery is being performed at Birhan-Aini Referral Hospital in Asmara.

The surgery is being conducted for nationals from across the country who were given appointments for the procedure.

The program, which is being carried out by Eritrean professionals, will run from 25 to 28 March, and eye surgery is expected to be conducted on about 400 patients.

According to documents, similar cataract surgery has been performed in the sub-zones of Nakfa, Teseney, Barentu, Afabet, and Akordet in the Gash Barka Region, as well as in Senafe and Adi-Keih in the Southern Region, and in Keren in the Anseba Region.

[Ministry of Information, Eritrea @shabait]

ሕብረተሰባት ካበይ ናበይ ብኸመይ፧
ሲራክ ክፍለ
መበል 78ን መወዳእታን ክፋል

ኣብ ዝሓለፈ ክፋላት ናይዚ ጽሑፍ’ዚ፡ ብዛዕባ ቅዋማውነት፣ ደሞክራሲን ባህርያዊ መሰላትን ከም ኣምር ኣመዓባብላኡ ብምግላጽ፡ ዓይነታት ቅዋም ብዝምልከት ዳይተር ግሪም ኣብ መጽሓፉ ካብ ዘስፈሮ 5 ዓይነት ቅዋማት፡ ነተን ክልተ ተመልኪትና ነይርና። መቐጸልታኡ ይስዕብ፦

ቅዋም ኢ-ሊበራላዊ ደሞክራሲ
ከምቲ ቅዋም ሃገራት ሊበራል ኮይኑ ኢ-ደሞክራሲያዊ ክኸውን ዝኽእል፡ ደሞክራሲያዊ ኮይኑ ከኣ ኢ-ሊበራል ክኸውን ኣኻእሎ ኣሎ። ብክልተ መገዲ። ሓደ፡ ቅዋም ብቐጥታ ምስ እምነት ክተሓሓዝ እንከሎ እዩ። ናይ’ዚ ኣብነት ብብዝሒ ኣብ ሃገራት ላቲን ኣመሪካ ይርአ። ኣብዘን ሃገራት ኣብ ምንዳፍን ምጽዳቕን ቅዋም ካቶሊካዊት ቤተ ክርስትያን ዓቢ ኢድ ስለ ዝነበራ ኣገደስቲ “ባህርያዊ መ ሰላት” ኣብ ግምት ዘእቱ ኮይኑ ንረኽቦ።

እቲ ካልኣይ፡ ብዛዕባ “ፍጹም ደሞክራሲ” ወይ “ፍጹም-ብዙሕነት” (Radical Dem­mocracy – AbsoluteMajoritarian) እዩ። ከም ዝፍለጥ ደሞክራሲ ማለት ውሳነታት ብብዙሓት (ልዕሊ 50% ድምጺ ዝረኽቡ) ይፍጸም ማለት እዩ። እዚ ብዝወሓደ ክልተ ጸገማት ኣለዎ። እቲ ቀዳማይ ብዝሒ ናይቶም ብዙሓት ዝበሃሉ ኮይኑ፡ እቲ ካልኣይ ከኣ እቶም ኣብ ሓደ እዋን ብዙሓን ዝነበሩ ፖለቲካዊ መናውራታት ብምጥቃም ንሓዋሩ ኣብ ስል ጣ ን ኮፍ ክብሉ ስለዝኽእሉ እዩ።

በቲ ቀዳማይ ስክፍታ ክንጅምር። ኣብ ምርጫ ብዝሒ ድምጺ ምርካብ እንታይ ማለት እዩ፧ ኣብ መብዛሕትአን ሃገራት ኣፍሪቃ፡ እንተላይ ኤርትራ ማእከላዊ ዕድመ ዜጋታት 19 እዩ። እዚ ማለት ከባቢ ፍርቂ ህዝቢ ኤርትራ ዕድመኡ ልዕሊ 19 ዓመት ኮይኑ፡ እቲ ዝተረፈ ፍርቂ ከኣ ከባቢ ትሕቲ 19 ዓመት እዩ። ሎሚ ዳርጋ ኣብ መላእ ዓለም ናይ ምድማጽ መሰል ዝፍቀድ ንደቂ 18ን ልዕሊኡን ዝዕድመኦም ጥራይ እዩ። በዚ ከኣ ኣብ መብዛሕትአን ሃገራት ኣፍሪቃ ከባቢ ፍርቂ ህዝቢ ናይ ምድማጽ መሰል የብሉን ማለት እዩ። ብተግባር ከም ዝረአ ካብቶም ናይ ምድማጽ መሰል ዘለዎም እንተ በዝሐ 70- 80% እዮም ዘድምጹ። እዚኦም ከኣ 35- 40 % ካብ ጠቕላላ ብዝሒ ህዝቢ እዮም ።

ኣብ ሓደ ደሞክራሲያዊ ምርጫ፡ ሓንቲ ሰልፊ ክትዕወት ልዕሊ መወዳድርታ ድምጺ ምርካብ ጥራይ’ዩ ዘድልያ። ክልተ ሰልፊታት እንተለዋ፡ ሓንቲ ሰልፊ ክትዕወት ልዕሊ 17.5 ወይ ቅሩብ ልዕሊ 20% ካብ ህዝቢ ክመርጻ ኣለዎ ማለት እዩ። ብኻልእ ኣበሃህላ 1 ካብ 5 ድምጺ ጥራይ የድልያ። በዚ ድማ፡ ኣብ ፍጹም ደሞክራሲ እቶም ብዙሓን (1 ካብ 5 ዝመረጽዎም) ዝሰማምዕሉ ድላዮም ናይ ምፍጻም መሰል ኣለዎም። እዚ ከኣ ኣዝዩ ዘሰክፍ እዩ። ካልኣይ ስክፍታ፡ እቶም ብዙሓን ደሞክራሲ ብዘፍቅዶ መሰረት፡ ባዕሎም ሓገግቲ፡ ፈጸምቲን ፈረድትን እዮም። ኣስሓኮ ዘይብሎም እንተኾይኖም ካልእ ተወዳዳሪ ኣካል ኣብ ስልጣን ንኸይመጽእ ሕጊ ብዝመስሎም ክትርጉሙ፡ ኣድላዪ እንተኾይኑ ከኣ ሕጊ ክቕይሩ ኣኻእሎ ኣለዎም።

ቅዋም ማሕበራዊ ወይ ድሕነታዊ መንግስቲ
ሊበራል ደሞክራሲ፡ ንማእከላይ ቀጸላ ሕብረተሰብ ማለት ሰብ ንብረትን ሃብታማትን (ማርክስ ብርጅዋ ዝብሎም) ናይ ምድማጽ መሰል፡ ንሓፋሽ ድማ ገለ ልኡም መሰላት (passiveliberty) ብምፍቃድ፡ ግዝያዊ ተዛማዲ ሰላምን ርግኣትን፡ ከምኡ’ውን ልዑል ቁጠባዊ ዕብየት ሃገራት ኣብ ምርግጋጽ ብዙሕ ሓጊዙ እዩ። ይኹን’ምበር እቲ ቁጠባዊ ዕብየት ንኹሉ ዘየሳትፍ ኣዝዩ ዝንቡዕ ብምንባሩ፡ ኣብ መንጎ ውሑዳት ሃብታማትን ሓፋሽን ዝነበረ ፍልልይ መነባብሮ፡ ማልን (capital) ኣታዊታትን (income) ኣዝዩ ሰፊሑ።

ሊበራልነት “ዕዳጋ” ይኹን “ፖለቲካ” ብዘይ ምትእትታው መንግስቲ፡ ‘ብዘይርአ ኢድ’ ተመሪሑ “ጥጡሕ ናይ ውድድርን ዕብየትን ባይታ ከንጽፍ ይኽእል እዩ” ኣብ ዝብል ሓሳብ ዝተሃንጸ’ዩ። ናይ’ዚ ፍልስፍና’ዚ ቀንዲ ድኻም ሰባት ዘለዎም መበገሲ ኣብ ግምት ዘየእቱ ምዃኑ እዩ። እንጀራ ወይ መድሃኒት ክገዝእ ንዘይክእል ሓፋሽ፡ ከም ድላይካ ክትገዝእ መሰል ኣሎካ ምባል ባጫ እዩ!

ሊበራላዊ ስርዓት፡ ኣብ ምስናዕን ኢንዱስትርን ዝምርኮስ ዘይምዕሩይን መመሊሱ ዝዓብን ደርባዊ ሕብረተሰብ - ሸቃሎን ብርጅዋን - ዳርጋ ኣብ መላእ ኤውሮጳን ኣመሪካን ኣማዕቢሉ። እቲ ዝተፈጥረ ዘይምዕሩይነት ከኣ ንሃገራት ዳግ መ ኣብ ውሽጣዊ ዕግርግር ሸሚሙወን።

ማርክስን ኤንግልስን ‘ኮሚኒስት ማንፌስቶ’ ኣብ 1848 ኣብ ዝሓተመሉ፡ ኣብታ ኣብ ቀጻሊ ሰውራታት ዝነበረት ፈረንሳ፡ ካልእ ሓድሽ ሰውራ ተኸሲቱን ተዓዊቱን። እዚ ናይ 1848 ሰውራ ፈረንሳ ካብቲ ቅድሚኡ ዝነበረ ፍሉይ ዝገብሮ ከምቲ ናይ 1789 ማእከላይ ደርቢ (ሃብታማትን ምሁራትን) ዝመርሑዎ ኣንጻር ምልክን መስፍንነትን ዘይኮነስ፡ ናይ ሸቃሎ ሰውራ እዩ ነይሩ። ነዚ ናይ ሸቃሎ ሰውራ ቀንዲ ዘበገሶ ድኻም ሊበራልነት እዩ። ኣብ ሕዳር 1848 ኣብ ዝጸደቐ ሓድሽ ቅዋም ፈረንሳ ድማ፡ መባእታዊ መሰላት ዜጋታት - ናጻ ትምህርቲ፡ ማዕርነት ኣብ ዝምድና ዕዮ፡ መንግስታዊ ዕዩ ንስራሕ ኣልቦ፡ መንግስታዊ ደገፍ ንሕሙማትን ኣረጋውያንን ወዘተ. - ዝእዝዙ ዓንቀጻት ተሓጊጎም። ዝተቖጠዐ ሓፋሽ ኣለዓዒልካ፡ ናዕቢ ምግባር፡ መንግስቲ ምግልባጥን ሓድሽ ቅዋም ምሕጋግን ቀሊል ይመስል፣ ብዝወሓደ ኣብ ፈረንሳ። መሰረታዊ ማሕበራዊ ለውጢ ግን ቀሊል ኣይኮነን። በዚ ምኽንያት’ዚ ሰውራ ፈረንሳ ኣብ ውሽጢ ሓጺር ግዜ ዘፍ ኢሉ፡ እቲ ፍትሓዊ ቅዋም ከኣ ቅሂሙ።

ይኹን’ምበር እዚ ናይ 1848 ምዕባለታት ማለት፡ ኮሚኒስት ማኒፈስቶን ሰውራ ፈረንሳን፡ ድኻማት ሊበራልነት ብምቅላዕ ክልተ ሓድሽ ሓሳብ ቅዋማውነት ክምዕብል ሓጊዙ። እቲ ሓደ ሊበራልነት ካብ ሱሩ ዝምሑ “ቅዋም ማሕበርነታዊ-ስርዓት” እቲ ካልኣይ ከኣ ድኻማት ሊበራልነት ዝነጽግ “ቅዋም ማሕበራዊ ወይ ድ ሕነታዊ መንግስቲ” እዩ።

ቅዋም ማሕበራዊ ወይ ድሕነታዊ መንግስቲ፡ ብቐንዱ “ዕዳጋን”፡ “ፖለቲካን” ምሉእ-ብምሉእ ‘ብዘይርአ ኢድ’ ክምርሑ ኣይክእሉን እዮም ኣብ ዝብል ሓሳብ ዝምርኮስ እዩ። በዚ ድማ ድኻማት ሊበራልነት ማለት ድኻማት ናጻ ዕዳጋን ናጻ ፖለቲካን ንምጽጋንን፡ ማሕበራዊ ፍትሒ ንምርግጋጽን ኣድላዪነት ምትእትታው መንግስቲ ይጽውዕ። ብኻልእ ኣበሃህላ ክሳብ 1848 ዝነበሩ ሊበራላዊ ቅዋማት ኣብ ፖለቲካዊ መሰላት ማእከላይ ደርቢ ዘድሃቡ እዮም ነይ ሮም።

ኣብ ሃገራት ምዕራብ መባእታዊ ማሕበራዊ ፍትሒ ኣብ ምርግጋጽ፡ ቅዋማውነትን ደሞክራሲን ወሳኒ ኣይነበረን። ንኣብነት፡ ኣብ ትሕቲ ንጉሳዊ ስርዓት ዝነበረት ጀርመን፡ ብመሪሕነት ቢስማርክ ኣብ ኤውሮጳ ቀዳመይቲ ፖሊሲ ማሕበራዊ-ድሕነት ማለት ንሰራሕተኛታት ኣብ ግዜ ሕማም፡ ስንክልና፡ ስራሕ-ኣልቦነትን፡ እርጋንን መድሕን ዘተኣታተወት ሃገር እያ። ጀርመን ነዚ ዝገበረት ኣብ ቅዋምን ደሞክራስያዊነትን ተሞርኲሳ ዘይኮነ፡ ቁጠባዊ ዕብየት ዝረጋገጽ ሸቃሎ ብዛዕባ መጻኢኦም ክቐስኑ እንከለዉ እዩ፡ ኣብ ዝብል እምነት ተሞርኲሳ እያ። ብኣንጻሩ ቅዋም ኣመሪካ መባእታዊ መሰል ሰራሕተኛታት ንኸይረጋገጽ ቀንዲ መሳርሒ ምንባሩ ሓደ ኣብነት ክንምልከት ንኽእል። “ኣብ 1905 ናይ ኣመሪካ ላዕለዋይ ቤት ፍርዲ ብ‘ሎችነር’ ዝፍለጥ ውሳነ ኣሕሊፉ። እቲ ውሳነ ሸቃሎ ኣብ ሰሙን ልዕሊ 60 ሰዓታት ንከይሰርሑ ዝተሓገገ ሕጊ፡ ‘ኣይቅዋማውን’ እዩ ኢሉ ውዱቕ ዝገበረ እዩ። (ብኻልእ ኣበሃህላ ሸቃሎ ከም ጊላታት ክቑጸሩን ልዕሊ 60 ሰዓት ክሰርሑን ላዕለዋይ ቤትፍርዲ ኣመሪካ ኣፍቂዱ ማለት እዩ።) እዚ ናይ ላዕለዋይ ቤት ፍርዲ ውሳነ፡ ነቲ ናይ ፕረዚደንት ሮዝቨልት “ሓድሽ ውዕል” ዝብሎ ፕሮግራም (ገለ ማሕበራዊ ፍትሒ ንምርግጋጽ ዝሕግዝ) ዓጊቱዎ። ድሓር ግን ኣባላት ላዕለዋይ ቤት ፍርዲ ምስ ተኣለዩ፡ ሮዝቨልት ነቲ ፕሮግራሙ ዝድግፉ ኣባላት ላዕለዋይ ቤት ፍርዲ ብምሻም፡ ንውሳነ ሎችነር ውዱቕ ገይ ሩዎ።”

ኣብ ሕቡራት መንግስታት ኣመሪካ፡ ቅዋም ናይ ምትርጓም ስልጣን ዘለዎ ላዕለዋይ ቤት ፍርዲ’ዩ። ኣባላት ላዕለዋይ ቤት ፍርዲ ሓንሳብ ምስ ተመዘዙ ክሳብ ዝሞቱ የገልግሉ። በዚ ከኣ እተን ክልተ ፖለቲካዊ ሰልፊታት፡ ኣብ ላዕለዋይ ባይቶ ማለት ሴነት ዓብላሊ ድምጺ፡ ከምኡ’ውን ናተን ፕረዚደንት ኣብ ዘለዎ ግዜ፡ ኣባል ላዕለዋይ ቤት ፍርዲ ክመውት ‘ይትምነያ’ ክበሃል ይከኣል።

ማሕበራዊ ፍትሒ መቐጸልታ ሊበራላዊ ቅዋም ገይርካ ምርኣዩ ልክዕ ኣይኮነን። ሊበራላዊ ቅዋም ብቐንዱ ፖለቲካዊ ስልጣን ካብ መስፍንነት (ነገስታት) ንምምንዛዕ ዝተኻየደ መስርሕ እዩ። ጠለብ ማሕበራዊ ፍትሒ ዝማዕበለ ግን፡ ‘ዘይርአ ኢድ’ “ዕዳጋን” “ፖለቲካን” ክመርሕ ከምዘይክእል ብግብሪ ምስ ተረጋገጸ፡ ተራ መንግስቲ ንምዕባይ ዝመጸ ኣማራጺ’ዩ። ስለዚ ማሕበራዊ ፍትሒ ብቅዋምን ብሰናይ ድልየትን ጥራይ ዝመጸ ኣይኮነን። ምስቲ ኣቐዲምና ዝጠቐስናዮ ልኡም ናጽነት፡ እወታዊ ናጽነት ኣዛሚድካ ምርኣዩ ሓጋዚ እዩ። ሊበራልነት ገለ ክፋል ልኡም ናጽነት ኣብ ምርግጋጽ ዝሕግዝ፡ ማሕበራዊ ፍትሒ ከኣ እወታዊ ናጽነት ንም ርግጋጽ ዝጽዕት እዩ።

ሃገራት እወታዊ ናጽነት ኣብ ምርግጋጽ ኣዝየን ይፈላለያ እየን። ገለ ሃገራት ኤውሮጳ ብዙሕ እወታዊ ናጽነት ከተግብራ እንከለዋ፡ ኣብ ሕቡራት መንግስታት ኣመሪካ ግን ዝያዳ ዝድፈኣሉ ልኡም ናጻነት እዩ። ብዙሓት ኣመሪካውያን እቲ ብረት ምዕጣቕ ዘፍቅድ ምምሕያሽ 2 ዝብሉዎ፡ ጠንቂ ጃምላዊ ህልቂት ክነሱ ክትንከ ከም ዘይብሉ መሰል እዮም ዝቖጽሩዎ። ከምዚ ዓይነት ልኡም መሰል ንውሑዳት ሰባት ዓቢ ትርጉም ክህልዎ ይኽእል ንዝበዝሕ ግ ን ጥቕሚ የብሉን።

ካብዚ ኣርእስቲ’ዚ ቅድሚ ምውጻእና፡ ሃገራት ምዕራብ መሰልን ማሕበራዊ ፍትሕን ዝብለኦ ባዕለን እየን ዝውስና ጥራይ ዘይኮነስ፡ ምስ ኩነታተን ዝኸይድ ልኡምን እወታውን ናጽነት ንዜጋታተን የፍቅዳ። እዚ እቲ ሓቂ ኮይኑ፡ ታሪኸን ዘንጊዐን፡ ሎሚ ንሃገራት ኣፍሪቃ እዚን ከምዝን መሰል ክፍቀድ ኣለዎ ክብላ ይስምዓ። ንኣና ዝያዳ ዘገድሰና ጉዳይ ሃገርና እዩ። ኣብ ሃገርና ከኣ እንታይ ዓይነት ማሕበራዊ ፍትሒ ንደሊ፡ ኣየናይ መሰላት ልኡም ንገብሮ፡ ኣየናይ መሰላት እወታዊ ክኸውን ኣለዎ ባዕልና ኤርትራውያን ኢና ንውስን።

ቅዋም ማሕበርነታዊ- ስርዓት
ናይ 1848 ምዕባለታት (ኮሚኒስት ማኒፈስቶን ሰውራ ፈረንሳ 1848ን) ድኻም ሊበራልነት ብምቅላዕ፡ ክልተ ሓድሽ ሓሳብ ክምዕብል ሓጊዙ ኢልና ነይርና። እቲ ሓደ ጽገና ሊበራልነት ዘምጽአ ቅዋም ማሕበራዊ ወይ ድሕነታዊ መንግስቲ እዩ። እቲ ካልኣይ ከኣ ንሊበራልነት ካብ ሱሩ ዝምሑ ቅዋም ማሕበርነታዊ-ስርዓት እዩ።

‘ቅዋም ማሕበርነታዊ ስርዓት’ ሊበራልነትን መባእታዊ-መሰላትን፡ መሳርሒ ምዝመዛ እምበር ረብሓ ሸቃሎ ዝሕልዉ ኣይኮኑን፡ ኣብ ዝብል ሓሳብ ናይ ካርል ማርክስ ሓሳብ ዝምርኮስ እዩ። እዚ ስለ ዝኾነ ከኣ፡ ሊበራልነት ክጽገን ዘይኮነስ ካብ ሱሩ ተቦንቊሩ ብስርዓት ሸቃሎ ክትካእ ይጽውዕ። ስርዓት ሸቃሎ ርእሰ-ማልነትን ምዝመዛን ስለዘጥፍእ፡ ምስኡ ከኣ ማሕበራዊ ወይ ደርባዊ ግርጭታት ይጠፍእ፡ ኣብ መንጎ ውልቀሰብን መንግስቲን ግርጭት ኣይህሉን ይብል። ከምኡ’ውን፡ ኣብ ማሕበርነታዊ ስርዓት ድልየት ወይ ትጽቢት ውልቀሰብን ማሕበረሰብን ኣብ ውድዓዊ ሓቂ ስለዝምርኮስ ፍልልይ የብሉን፡ ይብል። ናይ ውልቀሰባት ባዕላዊ ድልየት ከኣ ሕጋዊ ውሕስነት ኣየድልዮን እዩ። በዚ ከኣ ተወዳዳሪ ፖለቲካዊ ሓሳብ ይኹን፡ ተወዳደርቲ ፖለቲካዊ ሰልፊታት ተደላይነት የብሉን፡ ኣብ ዝብል ሓሳብ ዝ ተሃነጸ እዩ።

እቶም 5 ዝተፈላለዩ ዓይነት ቅዋማት ዳህሲስናዮም። ከምዚ ዓይነት ቅዋማት ምስ ምምስራት ዘመናውያን ሃገራት ዝመጸ እዩ። እዚ ማለት ቅድሚ ምምጻእ ዘመናውያን ሃገራት፡ ሕጊ ኣይነበረን ማለት ኣይኮነን። ከም ዝፍለጥ ኣብ ናይ ሎሚ ኤርትራ ልዕሊ 500 ዓመት ዝዕድመኡ ዝተሰነደ ሕጊ እንዳባ ኣሎና። ቅዋም ካብ ቅድሚኡ ዝነበሩ ሕግታት ፍሉይ ዝገብሮ፡ ምስ ኣህጉራዊ ተቐባልነት ዘለዎ ዶብ ዘመናውያን ሃገራት ዝተሓሓዝ ምዃኑ እዩ። ብኣንጻሩ ናይ ጥንቲ ሕጊ እንዳባ ኤርትራ ንውሱን ከባቢ ዘገልግል ጥራይ ዘይኮነ፡ እቲ ኣገልግሎት ዝህበሉ ከባቢ እውን ብንጹር ዝተሓንጸጸ ኣይነበረን። ከምዝፍለጥ፡ ኣብ መንጎ ክልተ ከባቢታት ዝነበረ ዶብ ብልምዲ ዝፍለጥን ዝኽበርን እዩ ነይሩ። ቅዋም ኩለን ሃገራት ብገለ መልክዑ ውልቃዊን ማሕበራዊን ፍትሒ ንምርግጋጽ ዝተሓገገ እዩ። ውልቃዊን ማሕበራዊን ፍትሒ ግን እንታይ እዩ፧ እዚ ዓቢ ኣርእስቲ እዩ። ብሕጂ ተሓቲሙ ኣብ ዝዝርጋሕ ቅጺ 3 መጽሓፍ “ሕብረተሰባት ካበይ ናበይ ብኸመይ፧” ብሰፊሑ ከቕርቦ እየ።

***

ጋዜጣ ሓዳስ ኤርትራ፡ ደራሲ መጽሓፍ “ሕብረተሰብ ካበይ ናበይ ብኸመይ፧” ሲራክ ክፍለ ካብ ኖርወይ፣ ንቐዳማይን ካልኣይን ቅጺታት መጽሓፍቱ፡ ብናጻ ኣብ ጋዜጣ ተዘርጊሑ፡ ናብ ኣንበበቲ ክቐርብ ስለዝፈቐደ ተመስግን። ኣብ ሳልሳይ ቅጺ የራኽበና. #Eritrea

[Ministry of Information, Eritrea @shabait]

#Eritrea won first-leg match against Eswatini

In the first-leg qualifier for the 2027 African Nations Cup, the Eritrean National Team defeated the Eswatini National Team 2-0.

The two national teams played their first-leg match at Meknes City Stadium in Morocco yesterday at 7 p.m.
According to a report by Mr. Dirar Fesehaye, a member of the Public Relations Office of the Commission of Culture and Sports, Eritrea secured victory through goals scored by Siem Eyob and Ali Suleiman in the 82nd and 94th minutes of the match.

The second leg will be played next Tuesday, 31 March, in Eswatini.

The Eritrean National Team comprises 12 players from inside the country, as well as Eritrean professional players currently playing in football leagues in various countries who were called up by the Eritrean Football Federation.

[Alg @GirmaTelk]

@martinplaut You will die of a heart attack before you see the bad Eritrea yet. We Eritreans are not what you dole out and imagine

[selam @nikideritrea]

@thedrosg1 @Eritrea19911 👍♥️

[ኤርትራ 🇪🇷 ERITREA @thedrosg1]

#Eritrea's classic #proverb
"እዛ ኣድጊ ጸገበት፡ ክትጋግየኒ ቀረበት!"

[Umut Çağrı Sarı @umutcagrisariii]

New Corridor of the UAE's RSF Dirty War in Sudan

Previously, the route used by Colombian mercenaries extended from Bosaso to Nyala. Recent developments point to a further deepening of the regional dimension of the war in Sudan. According to new evidence, with Ethiopia now reportedly becoming directly involved in the equation, the route once again begins in Bosaso, continues to Addis Ababa, and then proceeds to Assosa Airport near the Ethiopia–Sudan border. Within this framework, it is alleged that soldiers are being trained at an RSF camp in Ethiopia said to be financed by the UAE, and that drones prepared there are being deployed inside Sudanese territory. All of these flights are reportedly being carried out illegally by Ethiopian Airlines. This picture suggests that the war in Sudan is being shaped not only by internal actors but also by the indirect involvement of regional powers. In particular, the use of border areas as logistical and military transit corridors signals a growing risk of further internationalization of the conflict.

[Alg @GirmaTelk]

On this blessed day, we congratulate the great Sudanese people on the victory of their heroic sons in the battle of honor and dignity, liberating the city of Bara from the aggressor gangs.

[Filmona Teklay @Filmona12]

ዘልኣለማዊ ዝኽሪ ንሰማእታትና !!
ዓወት ንሓፋሽ !
النصر للجماهير
#Eritrea #PFDJ #EDF #PIA #YPFDJ

[Ministry of Information, Eritrea @shabait]

ሕብረተሰባት ካበይ ናበይ ብኸመይ፧
ሲራክ ክፍለ
መበል75 ክፋል

ኣብ ዝሓለፈ ክፋላት፡ ሓድሽ ማሕበራዊ ምሕደራን ቢሮክራስን ዝብል ኣምራት ምዕራባዊ ዓለም ትሕዝቶኡ ብዝርዝር ተመልኪትና። ብተወሳኺ ታሪኽ ኣመዓባብላ ቅዋማዊ ስርዓት ኣብ ሃገራት ምዕራብን ድኽመታቱን ተመልኪትና። “ካብ ምልኪ ናብ ደሞክራሲ” ዘርእስቱ፡ ሃገራት ካብ ምልኪ ብኣቋራጭ መገዲ ናብ ደሞክራሲ ብኸመይ መገዲ ክሰግራ ከምዝኽእላ ዘስተምህር መጽሓፍ ጁን ሻርፕ እውን ዳህሲስና። ደሞክራሲ ከነስፋሕፍሕ ተባሂሉ ኣብ ብዓል ቬትናም ዝተኻየደ ኲናትን ሳዕቤናቱን ኣንቢብና። ብዛዕባ ሊብያ ዘልዓልናዮ ኣርእስቲ፡ መቐጸልታኡ ይስዕብ፦

***
ኣብ1999 ጋዳፊ እቲ ንሰላሳ ዓመታት ዝሰርሓሉን ፍረ ዘይሃበን “ምትሕብባር ሃገራት ዓረብ” ዳርጋ ጨሪሹ ገዲፉ ን“ምትሕብባር ሃገራት ኣፍሪቃ” ብዕቱብ ክሰርሕ ጀሚሩ። ዝምድና ሊብያ ምስ ሃገራት ምዕራብ ከኣ ክመሓየሽ ጀሚሩ። ኣብ 2009 እውን ኣቦ መንበር ኣፍሪቃዊ ሕብረት ብምዃን ንዓመት ኣገልጊሉ።

ኣብ2011 እቲ ምዕራባውያን “ጽድያ ዓረብ - Arab Spring” ዝብሉዎ ህዝባዊ ናዕቢ ብቱንዚያ ጀሚሩ ኣብ ሊብያ ልሒሙ። ብ17 ለካቲት ኣብ በንጋዚን ካልእ ንኣሽቱ ከተማታት ምብራቕ ሊብያን ሰለማዊ ሰልፊ ጀሚሩ።

“ኣብ ኣገዳሲ እዋን ንበር” ይብሉ ቻይናውያን፡ ወጋሕታ 14 ለካቲት ንኣኼባ ኣነን ሓደ መሳርሕተይን ትሪፑሊ ኣቲና። ንግሆ 16 ለካቲት ድማ ምስ መሳርሕተይ ንበንጋዚ በሪርና። ወካሊ ትካልና ተቐቢሉ ኣብ በንጋዚን ከባቢኣን ኣዛዊሩና። ድሕሪ ድራር ኣብ ኣል ዋሕት ሆቴል ኣብጺሑና “ደሓን ሕደሩ” ኢሉና ከይዱ።

ድሕሪ ክልተ
-ሰለስተ ሰዓታት ደዊሉ “ጽባሕ ወጋሕታ ሰዓት 4፡30 ክመጸኩም እየ ጠርኒፍኩም ጽንሑ፡ ንትሪፑሊ ትኸይድ ነፋሪት ክትወስዱ” በለኒ።
“እቲ ናይ ጽባሕ ኣኼባታት’ከ፧” ሓተትኩዎ።
“ንግሆ ተቐሪብኩም ጥራይ ጽንሑ፡ ሽዑ ንዛረብ” ኢሉ ተሌፎን ዓጽዩዋ።

ኣብ ሃገራት ዓረብ እንታይ ይኸይድ ከም ዝነበረ ርኡይ ስለ ዝነበረ ምግማት ኣይጸገመንን። ነቲ መሳርሕተይ ኣብ መደቀሲኡ ከይደ ምስ ነገርኩዎ፡ ምስኪን ካናዳዊ፡ ብስንባደ ኣይምዉት ኣይጥዑይ ኮይኑ። ናብ ኣቡ ዳቢ ደዊለ ከኣ ጸሓፊት ስራሕና ትኬትና ክትቅይሮ፡ ኣብ ዝተረኽበት ነፋሪት ቦታ ክትሕዘልና ሓቢረያ። ወጋሕታ ከም ዝተበሃልናዮ ዘይተኸፍተ ባልጃና ሒዝና ንታሕቲ ምስ ወረድና፡ እታ ብድሮኡ ሰብ ዘይነበራ ሆቴል ቱታ ብዝለበሱን ጭርሖታት ብዝሓዙን ኣዕለቕሊቃ ጸንሓትና። ወኪል ስራሕና “ሰላሕ ኢልኩም ውጹ” ኢሉና። እናተወንጨፈ ድማ ኣብ ኤርፖርት በንጋዚ ኣብጽሓና። ካብኡ ንትሪፑሊ ተመሊስና። ኣብ ትሪፑሊ ደገፍቲ ገዳፊ ጎደናታት ተቖጻጺሮሞ ጸንሑና። ትሪፑሊ እትው ምስ በልና ጸሓፊትና ደዊላ ንሽዑ ምሸት ማለት 17 ለካቲት በታ ዝመጸናላ ነፋሪት ክንምለስ ቦታ ከም ዝረኸበትልና ሓቢራትኒ።

ክሳብ ዝመሲ መጻንሒ ዝኾነና ሆቴል ሒዝና ዜና ተኸታተልና። ኣብ በንጋዚ ወተሃደራት ኣብ ሰልፊ ሰላማውያን ተኵሲ ብምኽፋት ብዙሓት ሰልፈኛታት ከም ዝቐተሉ መራኸቢ ብዙሓን ምዕራብ ክዝርግሓ ጀሚረን። ንምሸቱ ዱባይ ተመሊስና። ኣብ ውሽጢ ሒደት መዓልታት ከኣ እቲ ሰላማዊ ዝመስል ዝነበረ ተቓውሞ ኣብ ዲቕ ዝበለ ኲናት ተቐይሩ። ኣብ ውሽጢ 10 መዓልታት ከኣ፡ ብ26 ለካቲት ቤት-ምኽሪ ጸጥታ ሕቡራት መንግስታት ኣብ ልዕሊ ሊብያ እገዳ ኣሕሊፉ። ብኡ ንብኡ ከኣ ኣህጉራዊ ሕጊ ገበን (International Criminal Court (ICC))፡ ዋላ ሓንቲ መርትዖ ናይ ዝሞተ ሰብ ኣብ ዘይብሎም ምርመራ ገበን ክገብሩ ተነጊሩዎም።

እቶም ኣብ ውሽጢ ሓጺር ግዜ ዕጥቅን ስንቅን ዝተዓጥቁ ተቓወምቲ፡ ኣብ ቅድሚ ወተሃደራዊ ሓይሊ መንግስቲ ሊብያ ክምክቱ ኣይከኣሉን። ኣብ መጋቢት ከኣ፡ ንሓይልታት መንግስቲ ሊብያ ንምድኻም ‘እገዳ ነፈርቲ ውግእ’፡ ብቤት-ምኽሪ ጸጥታ ሕቡራት መንግስታት ተኣዊጁ። እዚ እገዳ’ዚ’ውን ኣብ ባይታ ብዙሕ ለውጢ ኣየምጽአን። ድሕሪ’ዚ ኪዳን ሓይልታት ሰሜን ኣትላንቲክ (NATO) ብ30 ሚያዝያ ብነፈርቲ ውግእ ኣብ ልዕሊ ሰራዊት ሊብያ ደብዳብ ጀመረ። ሓደ ካብ ቀዳማይ ዒላማ ደብዳብ ነፈርቲ ኔቶ ጋዳፊ ብምንባሩ፡ ኣብቲ ቀዳማይ ደብዳብ ሓደ ወዱ ተቐቲሉ። ብዙሕ ንብረት ከኣ በሪሱ። ምስዚ ናይ ኔቶ መጥቃዕቲ ማዕረማዕረ፡ ኣብ ሰነ 2011 ኣህጉራዊ ሕጊ ገበን፡ ኣብ ልዕሊ ጋዳፊን ወዱ ሳልሕ ኣል- ኢስላምን ካልኦትን ናይ ማእሰርቲ ትእዛዝ ኣውጺኡ። ኣብቲ ውግእ ሰላማውያን ሰባት ብክልቲኡ ሸነኽ ይቕተሉ ከምዝነበሩ ኣየጠራጥርን። ብዙሓት ከም ዝምስክሩዎ ግን፡ እቲ ኣህጉራዊ ሕጊ ገበን ኣብ ልዕሊ ጋዳፊን ካልኦትን ዝቐረቦ ክሲታት ኮነ ኢልካ ዝተፈብረኸ እዩ ነይሩ (Cockb­burn, Patrick(24 June 2011). “Amnesty Questions Claim That Gaddafi Ordered Rape as Weapon of War”. The Independent. Lond­don. Archived from the original on 18 February 2017. Retrieved 26 June 2011.)።

ኣብ ወርሒ ሓምለ ገና መንግስቲ ዝሰፍሐ ክፋል ሊብያ እናተቖጻጸረ እንከሎ፡ እቲ ተቓዋሚ ሓይሊ ሓድሽ መሰጋገሪ መንግስቲ ኣዊጁ። ሃገራት ምዕራብ ብቕጽበት፡ ድሕሪ ወርሒ ከኣ ዓረብ ሊግ ከም ሕጋዊ መንግስቲ ፈሊጡዎ። ኣብቲ ስዒቡ ዝመጸ ክልተ ወርሒ ብጽዑቕ ደብዳብ ነፈርቲ ውግእ ኔቶ ሚዛን ሓይሊ ጨሪሹ ተቐይሩ። ብ20 ጥቅምቲ ጋዳፊን ናይ ቀረባ ሓለዋኡን ኣብ 14 መካይን ተወጢሖም ቦታ ክቕይሩ ክንቀሳቐሱ እንከለዉ ኔቶ ብነፈርቲ ደብዲቡዎም፡ ብዙሓት ተቐቲሎም። ካብ ሞት ዝደሓኑ ጋዳፊን ሒደት ሰዓብቱን ተሓቢኦም እንከለዉ ተቓወምቲ ሒዞሞም። ዝተረፈ ታሪኽ እዩ።

ሕቡራት መንግስታት ኣመሪካን ንሳ ትመርሖ ኪዳን ሰሜን ኣትላንቲክ - ኔቶን ንጋዳፊ ብሓይልን ዓመጽን ኣብ ውሽጢ ኣዋርሕ ካብ ስልጣን ገሊፎሞ። ድሕሪኡ’ኸ ዝብል ሕቶ ግን፡ ከም ወትሩ ኣይተገደሱሉን - ኣብ ውጥኖም ኣይነበረን። ድሕሪ ጋዳፊ እቶም ተቓወምቲ ዝበሃሉ ሓቢሮም ክሰርሑ ኣይከኣሉን። ብርግጽ ድማ ብዘይ ዝኾነ ጠርናፊ ሓሳብን ውጥንን ዝተኣኻኸቡ ሓይልታት ክሓብሩ ኣይክእሉን እዮም። ሎሚ ሊብያ መጻወቲ ምዕራብን ምብራቕን ኮይና እቲ ኣብ ትሕቲ ‘ጨቋኒ ጋዳፊ’ ብደረጃ ኣፍሪቃ ጥራይ ዘይኮነስ ብደረጃ ዓለም ዝሓሸ መነባብሮ፡ ሓለዋ ጥዕና፡ ትምህርቲ ወዘተ. ዝነበሮ ህዝቢ ሊብያ ተመጽዋቲ ኮይኑ ኣሎ። ባዕላ ሕቡራት መንግስታት ኣመሪካ ከም እትብሎ ኣስታት 200,000 ሊብያውያን ኣብ ገዛእ ሃገሮም ስደተኛታት፡ ኣስታት 1.3 ሚልዮን ከኣ ምጽወታ ተጸበይቲ ኮይኖም ኣለዉ።

ጁን ሻርፕ ከም ኣብነት ዘቕርቦ ግፍዒታት ዴስነት ፖለቲካዊን ስነሓሳባዊን ዝንባለኡ ዘርኢ ምዃኑ ብዙሕ ኣብነት ምቕራብ ይከኣል እዩ። ኣብ ላዕሊ ዝቐረበ ሰለስተ ኣብነት ግፍዒታት ርእሰማላውያንን ደሞክራሲያውንን ሃገራት ምዕራብ ነዚ ነጥቢ ንምንጻር ግን እኹል እዩ። ብዝተረፈ ኣብ ታሪኽ ዓለምና ስግር ዶብ ከይድካ ኣብ ልዕሊ ዝተፈላለዩ ህዝብታት ዝተፈጸሙ ግፍዒታትን ዓመጻትን፡ ብዴሳውያን ሃገራት ዘይኮነስ ብቐጥታ ወይ ብተዘዋዋሪ ብሃገራት ምዕራብ እዩ ነይሩ።

ኣብ ምዕራፍ ሓደ ጁን ሻርፕ ድሕሪ 80ታት ዝተራእየ ለውጢ ኣመልኪቱ፥

“ካብ1980 ኣትሒዙ፡ ብሰሪ ዓብላሊ፡ ዘይጎነጻዊ ኣብያ፡ ኣብ ኢስቶንያ፣ ላትቪያን ሊትዌንያን፣ ፖላንድ፣ ምብራቕ ጀርመን፣ ቺኮዝሎቫክያን ስሎቬንያን፣ ማዳጋስካር፣ ማሊ፣ ቦሊቪያን ፊለፒንስን መለኽቲ ስርዓታት ወዲቖም እዮም። ዘይጎነጻዊ ተቓውሞ ኣብ ብዓል ኔፓል፣ ዛምብያ፣ ደቡብ ኮርያ፣ ቺለ፣ ኣርጀንቲና፣ ሃይቲ፣ ብራዚል፣ ዩራጓይ፣ ማላዊ፣ ታይላንድ፣ ቡልጋርያ፣ ሃንጋሪ፣ ዛየር፣ ናይጀርያን ኣብ ካልኦት ሓያሎይ ቦታታት ሕብረት ሶቭየት-ነበርን (ነቲ ናይ ነሓሰ 1991፡ ናይ ኣኽረርቲ ፈተነ ዕልዋ መንግስቲ ኣብ ምፍሻል ብዝተጻወቶ ተራ) ዘይጎነጻዊ ተቓውሞ ንመስርሕ ደሞክራስያውነት ናህሪ ወሲኹሉ እዩ።

“ብዘይካ’ዚ፡ ህዝባዊ ፖለቲካዊ ኣብያ ኣብ ቻይና፡ በርማን ቲበትን’ውን ኣብ’ዚ ቀረባ ዓመታት ተራእዩ እዩ። ዋላ’ኳ ነቶም ዘለዉ ምልካውያን ስርዓታት ወይ ጎቦጣታት መኸተምታ ክገብረሎም እንተ ዘይከኣለ፡ ህዝቢ ዓለም ባርባራውነት ናይቶም ጨቆንቲ ስርዓታት ንኽፈልጦ ግን ሓጊዙ እዩ። ነቲ ህዝቢ ድማ ውሕሉል ተመክሮ ኣስኒቑዎ።

“ውድቀት ምልካውያን ስርዓታት ንካልኦት ጸገማት ናይተን ዝተጠቕሳ ሃገራት ከም ድኽነት፡ ገበን፡ ቢሮክራሲያዊ ዘይስሉጥነት፡ ከባብያዊ ዕንወትን ዝኣምሰሉዎም ሓድግታት ጭቆና ኣየወገዶን። እንተኾነ ግን፡ ስቓይ ናይ ግዳያት ኣቃሊሉ፡ ብዝበለጸ ፖለቲካዊ ደሞክራሲ፣ ውልቃዊ ሓርነትን ማሕበራዊ ፍትሕን ንዳግመ-ህንጸት ባብ ኣርሕዩ።” ይብል - ጁን ሻርፕ።

ኣብ መወዳእታ 80ታት ኣብ ሃገራት ኤውሮጳን ሕብረት ሶቭየትን፡ ዝተራእየ ለውጢ ብሳላ ዘይጎነጻዊ ኣብያ ህዝቢ እዩ ኢልካ ምግላጹ ብዝወሓደ ቅድሚኡ ዝሓለፈ ፖለቲካዊ፡ ቁጠባዊ፡ ማሕበራዊ፡ ወተሃደራዊን ዲፕሎማስያዊን ታሪኽ ምዝንጋዕ እዩ። ካብኡ ሓሊፉ ከኣ ተጠቒሰን ዘለዋ ሃገራት ኣፍሪቃ ይኹን መብዛሕትአን ሃገራት ላቲን ኣመሪካን እስያን፡ ናብ ደሞክራስያውነት ገስጊሰን ምባል ምስቲ ኣብ ባይታ ዝነበረን ዘሎን ኩነታት ጨሪሹ ዘይቃዶ እዩ። ጁን ሻርፕ መወከሲ ዝጥቀመሉ ኣብ ታሕቲ ዘቕረቦ ሰሌዳ ከኣ፡ እቲ ኣቐዲምና ኣብ ዝሓለፈ ክፋል ናይዚ ጽሑፍ’ዚ ብሰፊሑ ዝረኣናዮ ባጀላ ደሞክራሲ ‘ፍሪዶም ሃውስ’ እዩ።

ብዝተረፈ ከምቲ ጁን ሻርፕ ዝብሎ ውድቀት ምልካዊ ስርዓታት ንቀንዲ ጸገማት ህዝቢ መፍትሒ ኣየምጸአን ጥራይ ዘይኮነስ፡ ከምቲ ኣብ ላዕሊ ብዝርዝር ኣብነት ሊብያ ዝረአናዮ ካብ ሕማቕ ናብ ዝኸፍአ እዩ ኣምሪሑወን።

ኣብዚ እቲ ቀንዲ ምግንዛብ ዘድልዮ ነጥቢ፡ ሃገራት ‘ደሞክራሲ ኣለና’ ስለ ዝበላ፡ ወይውን ብትካላት ምዕራብ ባጀላ ደሞክራሲ ስለ ዝተዋህበን መነባብሮ ህዝቢ ይመሓየሽ ማለት ኣይኮነን። መነባብሮ ህዝቢ ንምምሕያሽ እንታይ እዩ ዝሓሸ ኣማራጺ ምስ ተመኩሮ ኤርትራ ብምዝማድ ኣብ ቅጺ 3 ናይዚ መጽሓፍ’ዚ ክቐርብ እዩ።

“ዘይተወደአ ጸገም

ኣብዚ ዝሓለፈ ዓሰርታት ዓመታት ኣብ ዓለም ናብ ደሞክራስያውነትን ሓርነትን ዝቐንዐ ጉዕዞታት ተራእዩ እዩ። ፍሪዶም ሃውስ (Freedom House) ዝተባህለ ብዛዕባ ፖለቲካዊ መሰላትን ሲቪላዊ ሓርነትን ዓመታዊ ኣህጉራዊ ጸብጻብ ዘቕርብ ትካል ብዝሕብሮ መሰረት፡ ኣብዚ ዝሓለፈ ዓሰርተ ዓመታት ቁጽሪ ናይተን ብ“ሓራ” ዝፍለጣ ሃገራት ዓለም ኣዐርዩ ከም ዝወሰኸ ይፍለጥ። ብመሰረት እቲ ጸብጻብ፡ ኣብ 1983፡ ብዝሒ ሓራ ሃገራት 55፣ ሓውሲ ሓራ 76፣ ዘይሓራ 64 ነይሩ። ኣብ 193 ብዝሒ ሓራ ሃገራት 75፣ ሓውሲ ሓራ 73፣ ዘይሓራ 38 ኮይኑ።

እዚ እወታዊ ቁጽሪ እዚ ግን ብብዝሒ ናይቶም ክሳብ ሕጂ ኣብ ትሕቲ ምልካዊ ኩነታት ዝርከቡ ህዝቢ ከይተጸልወ ኣይተረፈን። ኣብ ጥሪ 1993፡ 31% ካብ 5.45 ቢልዮን ህዝቢ ዓለም ኣብቲ “ዘይሓራ” ዝበሃል ሃገራትን ግዝኣታትን ይነብር ነይሩ።” ይብል።

ብዛዕባ ከምዚ ዓይነት ባጀላታት ደሞክራሲ ኣብ ዝሓለፈ ክፋላት ናይዚ ጽሑፍ’ዚ ናይ ብዙሓት ትካላት ወሃብቲ ባጀላ ኣብነታት ብምቕራብ ብሰፊሑ ስለዝዳህሰስናዮ ምድጋሙ ኣየድልን።

ይቕጽል. . .

[Seble Ephrem @SebleEphrem]

Empowering #Eritrea's young women is a long standing and enduring national commitment, not just for #IWD2026.
#IWDMONTH
@UNDP @uniceferitrea @UNDPEritrea @NUEWEritrea @shabait

[Embassy of Eritrea to Ethiopia PM to AU & ECA @ERIEMBAET]

Eritrea’s cohesion is neither accidental nor recent. It is rooted in a long history of coexistence, strengthened during the independence struggle, and reinforced through policies that expand opportunity and promote shared identity.
https://t.co/FdzH9eYlZS

[Kendel tube @dv785]

ሲሉ ሰምታ ዶሮ ታንቃ ሞተች #ሰነፍ ፣ነዳይ ፣ፈራሕ ፣ ሱሱዕ https://t.co/8gjhWAW0F1

[Alg @GirmaTelk]

The Sudanese army led by General al-Burhan has taken control of the town of Bara. The strategically important town of Bara in North Kurdistan has been under RSF control for more than 2 years.The town that was the main base of the RSF in Kurdufan is now in full swing.