النفس لاتغويك تحتاج تأديب
مثل العسيف اللي تلاوي رسنها
خلك معه ترغيب واحيان ترهيب
ساعه تدللها وساعات صنها
واللي يخليها بليا مقاضيب
لابد مايبكي عليها ومنها
نايل الرباح
الشوق والله شوق حيٍ على ميت
اللي من الدنيا توفى وقفى
وش حيله المشتاق غير التناهيت
اشتاق له وانا ادري انه توفى
ماتمشي الدنيا على ماتمنيت
ياسرع فره وجهها بالمقفى
نايل الرباح
ما لي على افواه خلق الله قفــول
الناس من يقدر يرد اقــــــــــــــــوالها
محدن سلم من هرجهم حتى الرسول
تغيـرت أيامـــــــــــــــنا و رجــالـهــــــا
كم كلمةٍ جتني من لسان مهبول
ومشيـتــــها.. خليتــــــــها في فالها
-
#شعر// @nile162211
الشاعر// نايل الرباح
عن فعلت المعروف ماني متراخي
لو ان جحدانه من الناس عله
بعض البشر والله مثل الصباخي
تبقى محل لو السحايب تعله
وماني مدور من ورى الناس ياخي
مابي جزا للناس يجزاني الله
سلامتكم