مازال البعض يحتاج تعليم وتثقيف في بعض المعاني :
الرتويت : لا يعني الاعجاب في الشخص ذاته
والمتابعه : لا يعني مـرحباً بك في الخاص
واختلاف الرأي : لا يعني الجهل وتصنع المثاليه
واختيارك للفظ يثبت مدى عقليتك ورُقيك الشخص
بين امالٍ كبار وبين تحقيق الأماني
ياقف الحظ المعنا عظمةٍ في حلق أملها
وتاقف أم الخاطر الشرح الوسيع المرحباني
اللي أبسط نسمةٍ للفرح . . تحارب زعلها
تذبل أن مر الحزن عابر من لحون الأغاني
وإتوّرق كل ما أحدٍ ضمن دعواته شملها
سجةٍ تستهوي الصمت وتعيف الكلام
ازعلت مني رفيقٍ مايدري بـ ازعلي
قال اسلّم وانت ماعاد رديت السلام
يوم انا مانيب داري متى سلّم علي ؟
قبل تلحقني مشاريه ويجيني ملام
اعذروني كان سجيت ، ربعي ياهلي
الضلوع العوج كن بينها حرب انقسام
حشد من سنة محمد ومن شيعة علي
لحلوه اللي يساومني عليها الزمان
ماتعتبر نعمة النسيان نسيانها
استنقد الكلمه اللي من فصيح اللسان
واستعذب الكلمه العوجا من لسانها
قولوها تلتفت لي قبل فوت الاوان
ولا يطول انتظاري عند بيبانها
مانيب ساعي بريدٍ من مكان لـ مكان
مايعرف من الرسايل غير " عنوانها "
جابر النشيرا
هنوفٍ مافي تجميلها مكحله وخضاب
لا مرّت على الشعّار هاضت قرايحها
تماري على الغيد و تصدد عن الخطّاب
لكّن جيتها وأنا الصعيبات ناطحها
ما تنغرّ فـ كبار الأسامي ولا الألقاب
لو ان المناكب ما تنزل مشالحها
عيوفٍ ما تقبل غير من يكسب الإعجاب
عشير النشاما قد تقلّد مدايحها