noon

[noon @nora2005xx]

اذا تقصد منشور اروى فماله علاقة بالعلم له علاقة بالايديولوجيا العلمية. لانها حاولت تهوّن من جريمته باستخدام تفسير هي تظنه تفسير علمي.

يعني وحدة تقول: الرجال اللي يخون زوجته هو مسكين ومظلوم واللي ماتعذره غبية لان هو عنده رغبة ملحّة لاواعية بالتكاثر = بالله عليك هذا علم؟

وعلى فكرة اللاوعي والرغبات اللاواعية وهالخرابيط هي جاية من فرويد ومالها علاقة بعلم النفس التطوري اللي هي تحاول تلزق فيه تفسيرات مب منه.

حقين التطور ينظرون لها كمصادفة مب كرغبة واعية او لاواعية بالتكاثر. يعني ان اصحاب هالميول او هالتفضيل صادف ان تفضيلهم ساعدهم على البقاء والتكاثر فبالتالي نقلوه لغيرهم بصورة اكبر فانتشر اكثر.

لكن هي ماتشوف كذا اصلا. هي عندها تحليلات نفسية تشبه تحليلات فرويد وتبي تقنعنا ان هذا علم.

غير ان كل التفسيرين سواء تحليلها الفرويدي او علم النفس التطوري مايوضحون شكثر هالرغبة ملحّة اصلا؟ بحيث تعتبر ان الخاين هو فعلا خسر بمجاهدة شي عصيّ على المجاهدة!

[noon @nora2005xx]

@Abw_alzuber71 تتوهم. استعمال الدين كان رد على التهوين وانها مجرد زلة عادية وطبيعية.
مب كتبرير للترك وان كان طبعا يزيد من مبررات الترك.

[noon @nora2005xx]

يعني اللي تبي واحد مايخون هي تطلب المستحيل فلذلك الافضل انها ماتترك زوجها الجيد اذا خانها خيانة وحدة 😆😆😆!

اللي كسر حاجز الخوف وارتكب هذه الكبيرة = المرأة العاقلة لا تأمنه على نفسها. غير ان الموضوع جريمة اخلاقية. فهو بعد يجعلها عرضة للامراض الجنسية.
بطلي تهوين كأن الموضوع منتشر وطبيعي واللي مايسويه هو رجل استثنائي واللي ماترضى فيه فهي حالمة. بطلي قرف يا اروى. تراك صايرة مرة اكستريم بشكل مقزز صراحة.

[noon @nora2005xx]

@YgPg6eb @q8__gh @um_youseeef @SerajToon على فكرة اسلوبك يع. لا عاد تتكلم بأسلوب الوصاية الدينية لان محد راح يستحملك محنا بخطبة جمعة. وشروطك وجهها لخطيبتك شدخلني فيك.

[noon @nora2005xx]

@q8__gh @Muslim_182 @um_youseeef @SerajToon اوكي نشوف وش بيصير بالمستقبل بصراحة كلي حماس. وعلى فكرة استمتعت بالنقاش معك حيل. احب لما اناقش شخص يفهم ويرد على قد كلامي ويعرف يعرض وجهة نظره الغبية بطريقة ذكية! تطلع لي ردودك كثير ودايم ابي ارد عليك لكن اتكيسل فانبسطت انه حصل واخيرا.

[noon @nora2005xx]

اوكي انا توقعت انك استشهدت فيها عشان تثبت ان المرأة راح تنصاع لزوجها وتدربي راسها وراه لو هي حبته لكونه غني او شي زي كذا.

اما انا العكس أغض النظر عن عيوبه لو شفته ذكي ويفهمني ويترك لي حريتي ومايتحكم فيني.

يعني الحرية والعقل والذكاء هي القيمة الاسمى بالنسبة لي اللي اضحي بباقي الاشياء عشانها.
مب اني ابيعها عشان باقي الاشياء.

[noon @nora2005xx]

ههههههه بخصوص البيتين اللي كتبتها؟ يعني افهم منك ان الرجال اللي يبي يفرض رأيه على زوجته هو مب راضي عن زوجته. فلذلك مايقدر يتجاوز الاختلافات باعتبارها عيوب مثلا. يعني لو انه معجب بزوجته ويحبها مرة كان تنازل واعطاها حريتها.
وش معنى خليته ينطبق على المرأة وبس؟

وبالنسبة لسؤالك زواجي السابق كان خطوبة لمدة شهرين + ملكة لمدة سنة و٣ شهور تقريبا. يعني طلعات وزيارات فقط يعني استمريت معه حول السنة ونص. هو بالعادة ماتكون عندنا الملكة طويلة بهالشكل لكن بسبب كثرة الخلافات كنا نأجل الزواج كل شوي لين بالاخير قررنا ننفصل.

[noon @nora2005xx]

انا مب انه عندي شهوة لمواصفات معينة في الرجال بحيث لو توفرت بخضع وانصاع.
لان انا اهم المواصفات اللي اتوق لها في الرجال مب انه يكون غني الخ… لكن انه يكون ذكي متعلم مثقف يتقبل الاختلاف يفهمني كويس. لدرجة عادي اتغاضى عن اي شي ثاني انا اشوفه نقص اذا توفرت هذي الصفة. هذي الصفة فعليا تغير المعادلة بالنسبة لي وخصوصا اني اشوفها نادرة. اشوف هالشي من جد نعيييم يخليني استمتع مع الشخص الى اقصى حد.

انت مارح تفهم هالشي لانك مصرّ ان فيه صورة وحدة صحيحة لطريقة تفاعل الزوجين مع بعضهم واذا خرجوا عنها يعني مابينهم احترام او حب الخ..
ومصرّ ان اذواق النساء وحدة ورغباتهم في الرجال وحدة ومايختلفون.
فما اتوقع اننا راح نتفق ابد.

[noon @nora2005xx]

الا تعديت العشرين بدخل ال٢٣ قريب ولي تجربة زواج سابقة على فكرة وانتهت بالانفصال. وحاليا متملكة للمرة الثانية واستفدت من تجربتي الاولى كثير وقاعدة احاول انها ماتكرر.

وبالمناسبة سبب انفصالي هو الشي اللي انت تحاول تصور انه حلو وفطرة وقوة ومدري ايش. انا ما يعجبني. ما احب لما الرجل يستبد برأيه ويشوف اني انا لازم اتبعه. ومهما اتكلم واشرح له وجهة نظري مايعطيها اعتبار ومايبي يسمع.

بالنهاية الناس اذاوق فيه نساء يحبون الرجال يكون كذا. كيفهم. انا ما احب ولا اشوف هالشي فطرة وما اشوف اني انا صح وهم غلط او العكس. اشوفه اختلاف اذواق وبس. وكل واحد ينام على الجنب اللي يريحه.

تبي تحط اطار اضيق من المعايير بين الطرفين او زيادة عليه= شي راجع لك اكيد. اهم شي توضح لها هذا من البداية بحيث هي تكون بالصورة وبالتوفيق.

[noon @nora2005xx]

الا جالس تعمم الذوق الواحد وتقول ترى مارح يعجبك الشخص اللي كذا وبتنفرين منه الخ.

+ تحاول تجعل من هذا الذوق انه متسق مع الواقع يعني تحاول تشرعن هذا الذوق اكثر عشان تخليه فطرة مب مجرد ذوق مختلف. يعني تقول ان المرأة اصلا سفيهة والرجال اذكى وافضل منها. فبالتالي الذوق المناسب لهذا الواقع (اللي انت تسميه فطرة) ان المرأة تحب اللي يتحكم فيها وان الرجال يحب السفيهة.

وبالنسبة للاطار المحدد اللي تقول عنه انا ما اشوف انه اطار محدد من الرجل على المرأة. اشوف هذا الاطار مشترك بين الاثنين يتفقون عليه من بداية الزاوج. يعني كل واحد يقول الاشياء اللي مايقدر يتنازل عنها.
اذا توافقوا فخلاص يكملون مع بعض وباقي الاشياء فيها مرونة.
اذا ما توافقوا خلاص مايكملون من البداية.

يعني مب هو اطار خاص بشروط الرجل وقيوده. هو مشترك بين الاثنين كل واحد يقول حدوده.

[noon @nora2005xx]

ايوه بالضبط هذا اللي يستفزني محاولة تعميم الذوق الواحد على الجميع وتصويره انه هو الفطرة.

وعلى فكرة تراني ما اقيس الكلمة القوية بالإجبار او انها لازم تتنفذ عشان تكون قوية.
عادي اشوف واحد فعلا كلمته قوية ولها وزن واشوفه ذكي حتى لو كنت اختلف معه احيانا وما امشي على كلامه.
كون رأيه ماتنفذ وكون هو يترك لي حريتي ويتفهم ان انا لي رأيي حتى لو هو اختلف معه = ما اشوف ان هذا دلالة ضعف اصلا. بالعكس اشوفه انعكاس للقوة بشكل آخر.

والعكس صحيح بعد. يعني كوني اشوف واحد زوجته تمشي وراه بكل كلمة ما اشوف ان هذا يعكس قوته بالضرورة. اشوفه يعكس ضعفها اكثر مما يعكس قوته.

[noon @nora2005xx]

لانك تفترض ان لازم واحد يقوّم الثاني ويقوده الخ.

انا اقولك مب لازم وعادي لو اختلفنا محد ملزوم برأي الثاني او طاعة الثاني. محد احسن من احد. كل واحد حرّ بحياته واختياراته.
واصلا ايش فايدة الحوار والنقاش اذا بالنهاية تبي تمشّي رأيك عليها غصب وتتحكم فيها باسم التقويم والقوامة الخ..

+ بالعكس انت مثال على فكرتي لانك مب افضل مني بالمستوى العقلي ومع ذلك تأنف من انصافي والا غصب انا سفيهة وفيني عوج واحتاج احد يقومني الخ الخ…

[noon @nora2005xx]

فاهمة فكرتك بس ما اتفق معها (يعني ما اشوفها تطابق الواقع ان النساء غبيات وسفيهات الخ..)
+ ما اشوفها فكرة رومانسية او شي كول.

انا يعجبني التناغم الفكري بين الزوجين استمتع بهالشي استفيد منه ويستفيد مني نشارك بعض افكارنا يطرح وجهة نظره ثم اطرح وجهة نظري ونجلس نتناقش نتفق احيانا نختلف احيانا نتصافق احيانا اشوفه شي واو وكول يعجبني حيل.

اتفهم ان في رجال ذوقهم ان الوحدة تكون سفهية غبية ماتفهم تسمع وتطيع فقط وبالمناسبة فيه نساء يعجبهم كذا بعد. يعني يبون يكونون مساكين ورجال يقودهم وبس = انا ماعندي مشكلة مع اذواقهم بكيفهم كل واحد ينام على الجنب اللي يريحه.

لكن عندي مشكلة لما يبون يحاولون يصورون ان ذوقهم هو الواقع والا غصب لازم تعيشون كلكم زينا وان هذي الفطرة الخ الخ الخ.
ما احب كذا + ما اشوفه اصلا يوافق الواقع (يعني ما اشوف ان النساء بشكل عام عندهم آفة عقلية وغباء وسفاهة الخ..)
بالعكس ياكثر ما استمتعت بالنقاش مع نساء لجمال عقولهم وذكائهم وعلمهم وثقافتهم حتى لو اختلفنا بالاراء. والعكس صحيح. ما اشوف فرق بين الجنسين الا بالاهتمامات.

[noon @nora2005xx]

انت هدفك انك توضح ان تراك اقل وان انا اصحح لك يعني حتى لو سميناه نصح فهو مب نابع من رغبة في تغيير هالشي لانك ماتبيه يتغير او يزول عاجبك جدا وتبيه يستمر وجالس تحاول ترمسن هالشي.
يعني نصح نابع من رغبة بالشعور بالفوقية وان المرأة مسكينة وماتفهم واني انا اصحح لها وكذا الخ..= تعجبك هالصورة تشوفها رومانسية وتعزز غرورك.

اما انا اقل مني/اعلى مني/يوازيني = مافرق معي. وما احتاج احد يقومني. قائمة شامخة بنفسي.
ولا احتاج اني اقوّم احد عشان احس بقيمتي.

[noon @nora2005xx]

انا ادري انك ماتشوفها سلبيات وادري انك تبي النساء يكونون سفيهات فعشان كذا جالسة اصحح ل @muslim_182 لما قال هو يبي ينصحك بلا بلا بلا… قلت له انت فاهم غلط هو يبي ان النساء يكونون سفيهات ويبي يقنعهم انهم سفيهات لان يعجبه كذا مب انه يبي ينصحني.

كونك تشوف هذي الصورة رومانسية وتعجبك وتوافق ذوقك لا يعني انها صحيحة وواقعية.

لكن يعني انك انت تحب كذا وتبي الواقع يكون كذا فتحاول تتلمّس اي شي يثبت اللي انت تبيه مهما كان دليل ضعيف او غبي. فقط لا اكثر.

[noon @nora2005xx]

@q8__gh @Muslim_182 @um_youseeef @SerajToon بالعكس انا قاعدة اكلمك على قد عقلك لان كل ردودك اللي اشوفها تحاول تثبت فيها ان الذكور اعلى واقوى واذكى بلا بلا بلا.. فقاعدة اضحك عليك لا اكثر.

[noon @nora2005xx]

@q8__gh @um_youseeef @SerajToon دارية انك جبتها عشان كذا بس تضل مناسبة متعسّفة بقوة زي الطفل اللي حافظ كلمة جديدة ويبي يوظفها بأسرع مناسبة فيطلع شكله يضحك شوي.

وما تستفزني هالاطروحات لكن تضحكني. اللي يستفزني هو التكرار فقط.

[noon @nora2005xx]

اعترف انك ذكي لكن منيب عاجزة امام ذكائك. انت فعليا مستواك اعلى من غيرك بكثير ونادر اشوف ناس زي كذا ب X لكن ما اشوفك اعلى مني او اني عاجزة امامك.

ثم على كيفك خليته تأخر بالادراك على فكرة كنت
متفقة معك بانهاء النقاش ورديت بسطر كإشعار بالموافقة على النهاية لكن شكل هالسطر استفزك ورجعت ترد فرديت عليك كونه رد جديد ثم جلست تكرر فوقفتك.

وبعدين على فكرة لما تكتب اشياء زي كذا كلمة النساء الخلع الخ.. وتجلس تتلاعب بالالفاظ وتستميت في محاولة الاثبات ان النساء اقل بأي طريقة حتى باستخدام الالفاظ هالشي يضحكني مرة والله ما استهبل اني اضحك بصوت يعني زي القهقهة مو ابتسامة حتى وخصوصا لما تكتبها بدون سياق وتتعسّف المناسبة ترى شي يضحك صدق. اقدر ارد عليه بس احس لو رديت بتخرب النكتة فأفضّل اني اكتفي بالضحك.