᷂وصـل

ما يتعب الطيبين الا طموحاتها

[᷂وصـل @ntvv9]

تنويه :
كل مايُكتب في هاذا الحساب لاتاخذه على محمل الجد
أنا على ارض الواقع رحب جداً ووسيع صدر .

[᷂وصـل @ntvv9]

هوايّ العذب أنا مالي وطن غير العيون السود
خذيني في كنفها لين رمشك يبسط ظلاله

على كثر الوجيه اللي تبين وتختفي وتعود
أنا ما شفت مثلك يا غزالٍ شايفٍ حاله

تميل الريشه اللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفيّة زينها راهي ولا محدود
أجمل من القمر وأجمل من عشرة من أمثاله

ليا قالوا لك انك فارقه قولي " عليكم زود "
عليكم زود و أزينكم وجه مشروب فنجاله

يا سبحان العظيم اللي فرق وجهك عن الموجود
يجي و الناس حوله جالسين و كنّه لحاله

عيون الناس لا لدّت على سلسالك المحسود
يحسدونه على طيب المكان وطيب الإطلاله

نحطك فالصدر ونحط في عيون الحسود العود
عساه اليا نطق بالشين فال الله ولا فاله

حلفت ان الحزن ما يدخل بقلبك وانا موجود
أنا موجود لأجل أزينه و أزيّن أحواله

[᷂وصـل @ntvv9]

لا تلومين من شافك وخلّى الفكر يحت��ر
ترى بعض الجمال يربك عقول حكيمه

يا نادرة وصفٍ على مرّ الأعصار
كنّك قصيد ماكتبتها يدٍ قديمة

في طلتك معنى تعجز عنه الاشعار
وفي صوتك احساس برد الروح هيمه

ما انتِ قصيدة شاعرٍ قالها وطار
انتِ قصيده خالقٍ صاغها بالنعيمه

[᷂وصـل @ntvv9]

تنتهي كل النقاشات يا الفكر العقيم
ب ابتسامة عفو ماهي نفاق ولا ريا

والله أن القلب باقي على العهد القديم
من وفاه .. يحسب كل المخاليق اوفيا

قد خذيت من الليالي جروح فالصميم
كثر م اخذت من يديني حبايب واخويا

أتغافل بعض الاحيان عن هرج الغشيم
واستحي .. لو اكثر الناس مافيها حيا

[᷂وصـل @ntvv9]

إلا يا فجر لا منك غشيته و العباد رقود
امانه حب لي خده و قبّل لي طرف عينه

[᷂وصـل @ntvv9]

الله اللي حط ت��ديره ورى الجوف ومقره
وطيبه اللي هيض الشاعر يهندب في حروفه

صاحبً لا ابطى ما جاني جيت له عاني مبره
يفرح بشوفي ، مثل ما يفرح بشوفة ضيوفه

الصداقة وصل " واعمار الاوادم بس مره "
ما احد ب وافي مع أصحابه ليا راعى ظروفه

شوفته طيب وفي نعمة وفي خير ومسره
والله انها تزود في عمري وهي مغير شوفه

يحفظ أسراري مثل ما احفظ معاريفه وسره
عارفً شفي مثل مانيب عارف وش شفوفه

ينحر اطيب ما انجلب فالسوق والجمر يفره
ويحلف لا دق جواله على أنها محفوفه

حالف لي دين ما امر الرياض " إلا وامره "
اقدر اطوّف شغل نفسي لكن مقدر اطوفه

[᷂وصـل @ntvv9]

��عرف وجهك طلق كاسيه البياض
لو فيه من سود الليالي مرها

والله يالولا شوفتك وسط الرياض
علي بالحرام اني معاد امرها

[᷂وصـل @ntvv9]

كيف ! .. أقول المحبّه رافقتها السلامه ؟
وفي حديث الطواري مثل " غزوة مهنا "

" يا هوى قلبي " اللي عاش ذروة غرامه
أقربي من حدود ( الوصل ) لين .. آتهنّا

أضحكي لـ المساء لين يتبدّد" ظلامه "
ولا ( يعكر مزاجك ) كيف صرنا .. وكنا

يوم شفتك ..! تحبين المطر و الغمامه
ودي ؟ .. إن المزون الغر تصبح ( وطناً )

عادي ! .. إليا تباهيتي " بتاج الوسامه "
أنتِ .. أجمل " عنود مذيره " في زمناً

حسن وجهك معيشّني : بحسن الأقامه
لين صرت أعتبر وجهك " زبون المجنّا "

لا أنثنى عودك اللي كيف أقاوم قوامه؟
لو يهب النسيم العذب ؟ .. قام يتثنّى

وقفتك بـ الشموخ .. و طلّتك بـ ابتسامه
لو تقولين ؟ .. هذا ( الموت ) قلت أتمنّى

مبسم شفاك واضح من خلاف اللثامه
بين ( غماز��ين ) الخد منا ؟ .. و منّا

ودي أطلع من أجواء الحزن و الملامه
بين طرف كحيل .. و بين كف محنّا

" الهوى "مستحيل ..! إنه يغيّر نظامه
لو جميع البشر قاموا ( يصدّون ) عنا

خلّي العاذل ! .. اللي خبيته في " كلامه "
و إضحكي ضحكة اللي وش على الناس منّا

لو نشوف المحبّه مثل " يوم الرغامه "
نجعل الحب مجد و نصنع المجد حنّا

[᷂وصـل @ntvv9]

الحلم قبلك سراب وصار بعدك يقين
جيتي وزانت حياتي كلها - من إلى -

حضورك المختلف يخلف ثبات الرزين
عز الله ان طلتك منها العماس انجلا

نظرات الاعجاب حولك من يسار ويمين
اما حضور يخطف العقل ولا فلا

وصفك يفوق الخيال ويتعب المبدعين
ماهي بلحية شبه وضحى وشبه شعلا

ادل في شامه ولا ادل في وسع عين
واحصنك بسم ربي من عيون الملا

بحتك فيها تفاصيل العذوبه تبين
ياجعلني ماعدم من صوتك ولا اخلا

لا طال صمت اندهاشي ليه تستغربين
أنتِ رقيقة حديث و سرمدية حلا

[᷂وصـل @ntvv9]

عش العمر شامخ لا تعيش الحياة اذلال
ترى الحر ما يلطّم .. عيونه بـ مخـلابه

نفوس تضحي بـ الكرامة .. عشان ريال !
ونفوس تعيش .. بـ عزها لين ترثى به

اخذ عفة الزاهد .. وخذ همة .. الوبال
وخذ من طهر من طاحت دموعه بـ محرابه

واللي ما يثمن كلمته .. عده الفنجال
واللي ما يثمن .. قيمتك لا تعزوا به

[᷂وصـل @ntvv9]

مرحبا يا خيرة الوقت ياصبح الربوع
لايق الترحيب لا جيت يـ أغلى من يجي

[᷂وصـل @ntvv9]

من دوحة المجد لارض المملكة والسلام
الصقر ما يلتفت في الجوّ لـ ابو حقب

تحالفوا في نهار الحرب ربع الظلام
وعلى مراقبينا حرّ الشدايد رقب

طويق قرم ٍ ليا من هز بشته وقام
مهجدٍ روسهم من قبل ياخذ لقب

سلّم على الغاشم وقلّه ترى الموت حام
بيجيك كنّه مجّي الغاسق وما وقب

ارواحنا دونها لا ثار عجّ العسام
من عادها بالرماح ودبك خيل الشقب

من لا يحب السعودية بفعل وكلام
عروبته لك عليها ويخسي ويعقب

[Abdulaziz al swaid @voox89]

وتبونا ما نوقف مع السعودية؟!
اللهم احفظ السعودية وقيادتها وشعبها، وردّ كيد من أراد بها سوءًا في نحره. 🇸🇦❤️🇶🇦

[سعود 🇶🇦 @85saoud]

سَنَشُدُّ عَضُدَكَ بِأَخِيكَ

[᷂وصـل @ntvv9]

ومن يضيق بْه الصدر وانتِ عيونك وساع
ياخذ مْن عيونك الواسعه وسعة صدر

والشجاع اللي يقولون فـ الهيّه شجاع
قدام رمشك يرفع ايديه وسلاحّه حدَر

[᷂وصـل @ntvv9]

كل شي في الأرض له وزنه وميزانه
إلّا غلاك أنت أتعب لي موازيني

[᷂وصـل @ntvv9]

مراسم حفلة التتويج تبدأها لحون الناي
ويعم الصمت بحضورك وتخطف نظرة الجمهور

براعة طلتك تمنع تباعد واختلاف الرأي
لك التاج ول�� البيعه حسب ما يأمر الدستور

بلاط الحكم يلعن من بعد حكم الله العلاي
بموجب ماجرى دار الحكم للناعسات الحور

أنا وشلون ماقول لفخامة حضرتك مولاي
وسلالتك النبيله تنحدر من دره وبلور

[᷂وصـل @ntvv9]

مثل ما للخصومة شان يبقى للفضيلة شان
ماني باللي تخونه شيمته لا من نقص ودّه

[᷂وصـل @ntvv9]

كل عام والمملكه واهلها بالف خير
اللهم ادم عليها الامن والامان🇶🇦🤍🇸🇦

[᷂وصـل @ntvv9]

اخذت الصبر قوه واشوف الفرج قدام
لو ان الحياه , ظروفها تأمر وتنها

ماني خايف احلامي لاضاعت مع الايام
اخاف اوصل احلامي وانا سامحٍ منها