G

[G @nvviw]

على اللّٰه يزين الوقت
وان كان مازان مقاسيم ربي كلها " عندنا خيره "
فلا غيره المعطي ولا غيره المنان وامور البشر تخضع لحكمه وتقديره

[G @nvviw]

عزت علي نفسي وأنا أطلب وصالك
أسكت ولو ماني على الوضع راضي
لاصرت تنساني ب وقت انشغالك
ما بيك تتذكرني إذا صرت فاضي

[G @nvviw]

ياكثر ما تخطي وأسامحك وأعفيك
دبلت كبدي إلين بيحت سدي
وإن علمتني الهجر والله لاجازيك
وأعلمك وشلون هجري وصدّي
"واحدًا زينه يبعيك ويشريك"
ولا أنت قطعة خامة ما تعدي
من اول ليا مر ذكرك وطاريك
ما يركد الفنجال في كف يدي
" واليوم لاوالله مابيك مابيك
تلقى من العالم من يسد مسدي»

[G @nvviw]

انت مالله خلق منك سوى نسختين
نسخةٍ فوق الارض ونسخةٍ فالسماء
-صالح النشيرا-

[G @nvviw]

وأحبك محبة مالها أول وتالي
محبة شخصٍ شاف عمره بعيونك
لو خيروني بين هالدنيا وغالي
بختار قربك واترك الكون دونك

[G @nvviw]

كل الوجيه تمرني مالها ساس
الا انت وجهك من دواعي سروري
-
من بين كل الناس ياسيّد الناس
انت اللي ترضيني وترضي غروري

[G @nvviw]

أحيانًا تحب إنسان
من كثر حبك له ما عاد تهتم لباقي الناس
ولا عاد يهمّك إلا هذا الانسان فقط
كن ما في الأرض غيره هو
على سياق ذلك قال مساعد الرشيدي :
حاولت أحبك زود عن باقي الناس
« أثري نسيت الناس من زود حبَّك»

[G @nvviw]

مديّت يمناي و مديّت يسراك
كني عدوٍ لك وتبغى انتقامه

ماكنّ بَه يومٍ تخاويت وياك
ولا كنّ به عيشٍ كلينا ودامّه

بالله قلّي من بذا الطبع رباك
وخلاك خاين للوفاء والشهامه

لاتقول وش صابك ولا اقول وش جاك
حسابنا وياك يوم القيامه

[G @nvviw]

بي حزن شاعر وابتسامات مجروح
ولي دمعتين لا سهيت ذرفوني
ما كن لي قلبٍ ولا كن بي روح
ما هوب ذا شكلي ولا هوب لوني
متوحدٍ في غربةٍ ترفض تروح
مستوطنتني كني احيا بدوني
لا صار باب الصدر للحزن مفتوح
مانيب لايم دمعتي ... يا عيوني

[G @nvviw]

كل شيٍ بيننا راح انتهت فروعك
وانكسر غصنك وراح بحلم نسياني

الخطا لو ما تعمّدته يبي من نوعك
طيبٍ يغفر بس قلبي طاح من شاني

يا وجودي كيف صرت أكره بسماتك وجوعك
كنت دفاي واليوم صرت البرد بأزماني

والله إن أبعد ولا أرجي بكره رجوعك
وإن وعدت إنك ترد الوعد ما جاني

[G @nvviw]

ليت لي حيلة الساحر أو الكهّان
من ودود ذبحني ب الغلا وده
كان خليت قلبي هدهد سليمان
كل ما أشتاق قلبي صربه أهدّه
كل ما جيت بيته قلت ل الجدران
ما ذبحش الغلا والبُعد والصده ؟

[G @nvviw]

قصايدي كل ابيها قد سمعتيها
والله اني عشقت رضاك بالذاتي
مابه مساحه بقلبي ما مشيتيها
يا نيلي العذب يا دجلاي يافراتي
يا ديرة الحب شارعها وكبريها
يا ابلغ قصيده عليها من حركاتي

[G @nvviw]

معك اغتنيت من الهوى والحب يامال الغناه
وحبّبتني في أيامي اللي ماهقيت أحبها

انت الحياه اللي عطت للناس معنى للحياه
وانت النعيم اللي عليه الناس تشكر ربها

[G @nvviw]

أرفق علي قبل أجيب اقصاي
تراني فقدت أغلى رفيق يواليني
تصبّر على بلواك وأصبر على بلواي
أنا لو ماكتم عبرتي من يناحيني
أشوف الخلل والحزْن بينّ على ممشاي
وأصدد وأجامل لين بان الخلل فيني

[G @nvviw]

ابيه يذكرني ليا جيت في باله
اني تحديت كل الناس لعيونه
ذلت مشاعرك مافاحت ولاصبت
عط الملاهيث فنجالً يذوقونه
الحب ماحرمه ربي ولا ذمه
مدري ورا الناس والعالم يذمونه

[G @nvviw]

والله ما ابي منه شي ان كانه مقفي
مغير ابدري عقب فرقاي وشلونه
ان كانه بخير قلت اللّٰه يسهله
مانيب قايل عساها تدمع عيونه
وان عاش من دوني اللّٰه يحفظه
لكن المشكله صدق كيف اعيش من دونه
تكفون يالي تجونه من يبشرني
عساه مازال رقمي في تلفونه

[G @nvviw]

والله ما ابي منه شي ان كانه مقفي
مغير ابدري عقب فرقاي وشلونه
ان كانه بخير قلت اللّٰه يسهله
مانيب قايل عساها تدمع عيونه
وان عاش من دوني اللّٰه يحفظه
لكن المشكله صدق كيف اعيش من دونه
تكفون يالي تجونه من يبشرني
عساه مازال رقمي في تلفونه

[G @nvviw]

من اول امشي معك واتبع رضاك
واحب من حبك واعادي معاديك
اخلصت لك من جد والقلب يهواك
واليوم رحت وجعل ربي يهنيك
ماقصدي اطلب منك عطفك وحسناك
ولاني بمحتاجك ولاني براجيك

[G @nvviw]

كيف اكتب الشعر وعيونك قصيدة
وكيف اوصفك وانتِ القصايد كلها

[G @nvviw]

أبتديتك و أنتهيتك و أنقفل موضوعك
لا تجي وإن طال بعدي عنك لا تمنّاني

الخطا ما ينمحي لو تغسّله بدموعك
والله إن تبطي تدوّرني ولا عاد تلقاني

والله إن أبطي وأنا مركاي بين ضلوعك
و والله إن تبطي تناساني ولا تنساني

[G @nvviw]

ما كان العشم هذا ولا كانت الأسباب
تخليني أوصل معك لأشياء ما ترضيك

تبي جرحك المليون فيني بدون حساب
و أنا لصبري المليون إلا و أنا أوصيك

عن الغلطة اللي شرعت للفراق الباب
و خلتني أرخص حاضرك عندي و ماضيك

من اليوم هذا لا تحس القلوب أقراب
ولا تشك حتى ممكن أني أفكر فيك