ّ

يعوضُك الله عمّا كان فقدهُ يُؤلمك🖤.

[ّ @o71_l]

-نُبــذه :
قـلبٍ على الرفعه تربى ما يهـون 
وراسٍ على العـزّه عسيفٍ ما انحنى .

[ّ @o71_l]

لو خيطو من عذاريبي ثياب
صارت عذاريبي لثيابهم زينه❣️.

[ّ @o71_l]

عطيتك من بشوت الهقاوي ثلاث بشوت
ولا فيه بشتٍ جاء مقاسك ولا قدك

احسبك من اللي لا دعيته يرد الصوت
واثاريك تسمعني وودك ولا ودك

انا والله المخطي خطأ ما عليه ثبوت
عطيتك سلاحٍ يرتعد في كنف يدك

وذخرتك لو انك ماتنذخر في لعب بلوت
وتقدمت بك حدٍ ماهو والله بحدك..

[ّ @o71_l]

محتاج أنا في صباح البُعد : لـ شلونك
واشتقت لي؟ كيف نومك؟ متى قاعد؟
ٰ
ياسيدي وش "صباح الخير" من دونك
وخطواتنا عن بعض كل يوم تتباعد !..

[ّ @o71_l]

سامحيني لو جرحت شعورك وخيبت ظنك
اعتذر عن كثرة اخطائي وعن قل إهتمامي
يعلم الله ما قسيت وما رحلت الا لأنك
واقفه مابين آثامي ومابين إلتزامي
اتركيني اتركك | لا تتركي لي شي منّك
وإحفظي هالبيت زين وبلغي قلبك سلامي
لاقريتي لي قبل نومك وطار النوم عنك
إنسي اني كنت أحبك واقري اذكارك ونامي.

[ّ @o71_l]

" مرحبا ماهي بـ مرة ولا عشرين مرة
لين يقطع صوتي ويبتدي ترحييب عيني 

من ثلاث سنين مال الفرح مثقال ذرة
انقطعنا عن بعضنا وقفّت بي سنيني

ودي ارحّب وأهلّي واعاتب واتشرّه
وودي أقبّل جبينك وأصافحك بـ يميني

آصلك والوصل كنه على العاتق مبّره
مثل ما أبّر فـ خواني و أبرّ  فـ والديني "..

[ّ @o71_l]

"من عرفته والليالي : عُذوبتها معاه
وإن ترخّصني يبي النوم بيّنت زعلي

أرخصه ،وأقول تصبح على خير وغناة
ويتراضاني ليا قال : "وأنتِ من هَلي."..

[ّ @o71_l]

اعلن مراسيم الوداع ان كنت للفرقى شغوف
شد الرّحال و مالك الا الي يلقيك القفى

الي يجي حسب الظروف اودّعه حسب ظروف
قلبي مع الي بايع العشره مثل صم الصفى

حتى «احبك » بعتبرها كلمة من اربع حروف
وانت اعتبرها مثل ماودّك وصل ولا جفى "..

[. @8Oll5]

من بديت أوفر الملامه بجيبي والدنيا ربيع
-أثاريني كنت أوزع راحتي -

[ّ @o71_l]

تعاتبنا بقسوه لين شفتك للغياب ارتحت
ذبل فيك الغلا واللي بقى ما عاد يلزمني

تساميت وخذتني عزتي عن كل شي ورحت
وانا في كل خطوه كنت منتظرك تكلمني..

[ّ @o71_l]

« جيتك و أنا جرحي ندي ولا رجيت الا الضماد
ولا دريت إن الضماد أقسى من الجرح الندي ! » ..

[ّ @o71_l]

ناهبٍ جور الزمان حقوقي المشروعه
و فاقدٍ وجه السماحه و الجناب الليّن

سجّة القلب القديمه كنّها مقطوعه
و لذّة النوم الحقيقيّه ما عاد تعيّن.

[ّ @o71_l]

في كنف بشت الطواري و السهر و اللوعه
عشت يا حزن الضمير اللي مهوب هويّن

البدايه ضيق بال و ضحكةٍ مصنوعه
و النهايه وقعها تحت المحاجر بيّن

من حوالي حول و طعون الشقى متبوعه
ما يعالجها طبيب ولا تلاوة ديّن

[ّ @o71_l]

عموماً:
"سيكون مرحباٍ بعودتك في اي وقت،
ولكن تقبل فكرة تغير المكان والمكانة "

"مرباعك الاول بس ماهو مثل أول".

[ّ @o71_l]

من مقولات البدو قديماً :
" برقٍ تعدّاك لا تستخيله ، لو زان لك عشبه ومرعاه "
بمعنى /
- لا تتعلق بشيٍ ماهو لك -

[ّ @o71_l]

سراب الاعذار مايقطع ضما الوارد
في عينه الارض جردا والسما زرقا

ردودك البارده واسلوبك . . البارد
كنها توريني المنهاج . . والفرقا

واعذارك الواهيه من ذهنك الشارد
اغصان هجر عليها ناحت . . الورقا

من دون طيحة غلاك حروب ومطارد
والعين ماطاح منها . . ما قدر يرقا.

[ّ @o71_l]

والله اني ما اتعنى في رضا اللي ما يبيني
لو يرف القلب شبيت بـ ضلوعي واكتويته

العمر مره واذا ما طالت العليا يديني
ابتر الثنتين شيمة روح عزٍ مستميته

الضعافه ، مالها عندي قبول ولا تعنيني
والردى ، شفته على غيري يهول ولا هويته.

[ّ @o71_l]

قابضٍ صبري عليك تقول قابض جمره
الله لا يعينك علي والله يعين المبلي

انا واحد من خلقه الله وهو ما عمره
انحنى تحت نظام اشد لك واقطع لي

لا متى وانا الحصان الي يعجبك طمره
جعل يومي من بعد يومك ويومك قبلي

اكتشفت ان العلاقه بيننا مندمره
يوم صرت تكبّر الشرهه ( واكبّر عقلي ).

[ّ @o71_l]

من اللي يقول العين ماتكشف المستور
كلام العيون اصدق من الموت في حيّنه

صحيح الصدور قبور بس العيون تبور
خصوصاً ليا سن الجفا راس سكينه

هذا اكبر دليل اللي تغافل و عاش الدور
بغا ينكر الموضوع و استسلمت عينه..

[ّ @o71_l]

قلت لـ النفس القنوعه وش يحط المر حالي ؟
قالت " الإيمان بـ الله " و القدر خيره .. و شرّه..

[ّ @o71_l]

"انا عقب موتك استمع صوت ترحيبك
واجيك ابتسم لو إنها بسّمتي قلّت

يقولون كثر بكاي يثّر بـ تعذيبك
واداريك حتى في دموعي ليا هلّت "..