لا تزعلنّي وتحكم علّي إني زعول
وانت تدري مستحيل ازعل الا من بلا
والعـذر في بعـض الاحيان ما يلقى قبول
في وسع صدرٍ تحمل زعل لين امتلا
مشكلة غلطتك ما تقبل انصاف الحلول
والمصيبة لك معزه وتقدير وغلا
قلت سامحني وانا الصدق مدري ويش اقول
خايف أسامحك مره وتاخذها حلا
-مساعد الرشيدي.
يقول سعد بن جدلان :
اي والله احبك وصايبني على حبك غلو
اشد من غلو إلتزام الدين بعد الهستره
اما مساعد الرشيدي يقول :
احبك لو يموت الحب وتصير القلوب قبور
اشوف الجرح يكبر وانت تكبر وسط تفكيري
اما متعب التركي يقول :
أحبك كثر مايشغل غرامك في حشاي حروق
واشبه زود لو يحرق ضلوعي مت ماطفيته
أما ضيدان بن قضعان يقول :
احبك اي احبك وان بغيت انساك كيف انساك
اشوفك ياعيوني في عيون اهلي وف اوطاني
اما مدغم ابوشيبه يقول :
احبك واعرف ان سطوة الحب جباره
تجيه العرب صاحين وتروح منهبله
وفي الختام محمد بن فطيس يقول:
احبه ولا ابغظته على شيءٍ يسويه
ولا زالت رقاب الرجى فيه منعاجه.