مـزهافَ

[مـزهافَ @oglo_0]

" أخاف أجي مزهاف و ارمي ولا اصيب
و الرمية اللي ما تصيب تْغبنّي "
— ابن زويبن

[مـزهافَ @oglo_0]

اسكنيني .. وانتي من اللي مايمر الارض زيك
نجمةٍ من هالسماء طاحت على راحة يديني .

[مـزهافَ @oglo_0]

طلت محيا العيوف . . إللي غلاها عفيف
فيها : الكبر و الغيا و الغطرسه و الحلا

ما بين سحر المفاتن و الضمير النظيف
وشلون . . ما أقول تفرق عن جميع الملا

العود ماله شبه . . و الوجه ماله وصيف
جمالها ؟ . . يستحق " التضحيه و الولا 🤍

[مـزهافَ @oglo_0]

الله عطاك الجمال ، الباذخ ، السافر
إللي : ما شفته على لبّاسة .. الشيله

بـ عيونك السود مايؤمن به الكافر
رمشٍ : تبرّت بناته .. من رياجيله !

والصدر توّه على أول زمته .. نافر "
لا واهني من تقهوى .. من فناجيله :)

[مـزهافَ @oglo_0]

«حاول انك بالحياة تصير واضح و انتقائي
بالكلام وبالقصيد وبالدروب .. وبالرفاقه»

[مـزهافَ @oglo_0]

كيف أشوف عيونك النجلاء ولا آجيب الفرايد ؟
من تأمّل سلّة رموشك لقى للشعر سِبّة :)

_ سعود مهدي

[مـزهافَ @oglo_0]

لو دروب مواصلك عكس الدروب المستقيمه
ما تصاعبت الوصول — ولا تكاثرت المسافه

- عبدالله الصلاخي العذب جداً .

[مـزهافَ @oglo_0]

كنتي ارق واحلى واجمل الحاضرين
فيك زين ودلال وكبرياء وخجل!

يوم شفتك وقفتي والعرب جالسين
قلت فديت قلب ام العيون النجل

" طالعيني وشوفي العالم بنص عين
انتي أجمل بنات الارض وانا رجل"

جابك الحظ واحلوت بعدك السنين
جعل ما أنتي على قلبي بـ ضيفٍ عجل

[مـزهافَ @oglo_0]

عين اشقرٍ شاف الحباري وقام يتوق
لمحها هريب مقفياتٍ مع العبله

وحش فارسي مابعد حِط فيه سبوُق
من الماكر اللي راعي الصنف يتعب له

هو اللي غرامه ساقني بالموده سوق
له اربع سنين لاعبٍ فيني السبله

صواب المحبه يخلف العاقل الماثوق
و ترا من يلوم مولع القلب ياخبله

[مـزهافَ @oglo_0]

إقربي يام القبال اللي ملى الدنيا رحابه
واضحكي حتى لو انه لاحق قلبك مضره

مانتي اللي لو يغيب .. سنين ماطول غيابه
انتي اللي لو غيابه .. يوم واحد .. مت حره

وجهك الوضاح شمس وثغرك الباسم سحابه
وعينك النجلا ملاذ .. وعاتقك لله دره

[مـزهافَ @oglo_0]

انتي المرباع ، و القايده ، و الاتجاه
واخر الامال واكبر هدف واول طموح
ㅤ
قبل اعرفك ما عرفت الوضيحي والمهاه
ولا اعرف ورقاً تغني ، ولا ورقاً تنوووح
ㅤ
بايعً لـ اجلك حياتي وانا احب الحياه
الحياه بدووونك اشر من روحٍ تروح

[مـزهافَ @oglo_0]

من حسن إكرام الشامة تقبيلها ):

حباك اللي جعل شاماتك إرشادات للتقبيل
ونزّل كل شامه فـ المكااان اللي تناسبها

- عبدالرحمن القوس

[مـزهافَ @oglo_0]

« أجي مثل المطر ما بعده إلّا ذعذعة نسناس
يطهّر وجه الأرض اللّي .. تعاني من رواسبها »

— عبدالله السراهيد

[مـزهافَ @oglo_0]

خشف ريمٍ جيدها فارقٍ عن كل جيد
البشر من تحتها والسماء بـ علوّها
ㅤㅤ
ضعت بين عيونها السود والثغر الفريد
عادها بـ اول سنين الزهور .. وتوّها
ㅤㅤ
لينت قلبي وانا خابر ان قلبي حديد
ما دريت ان المشاعر علي يا قوّها .

[مـزهافَ @oglo_0]

حتى الرصيف استانس لـ خطوّاتها فوقه وطال
كل ما وطت حجرٍ " غمز " لـ اللي وراه يبشّره

[مـزهافَ @oglo_0]

كل الغنادير في كفه
وانتي على مرقبٍ عالي

لو دونك القوم مصطفّه
ماحركوا ميلة عقالي

[مـزهافَ @oglo_0]

«غنوج مايرضيها الدلع لآصار ماهُو افراط
لعوبٍ مايروضها ابتذال الشاعر الصابي»

[مـزهافَ @oglo_0]

راعي الهوى لو تقول الناس ، يا كبره
يصغر و يشفق على الميقاف و البوسه :)

_ ضيدان بن قضعان

[مـزهافَ @oglo_0]

يا مملكة صدري من القوس لـ القوس
من لا يـهـمّـك ، ، لا تـشـيـلـين هـمّـه

[مـزهافَ @oglo_0]

صباح الخير ، حدثني عن الاكتفاء واقولك :

وش عاد ابي بالناس والي ورا الناس ؟
" وانتي مليتيني جمال وجمايل "

[مـزهافَ @oglo_0]

لا تزعلين أن لحقتك فالقصايد قصور
الملعبة بـ الشعر ماهي بـ لعب ورقه

وشلون أجاري جمالك بالشعر والشعور؟
" وأنتي لو أنك قصيده كنتي معلقه "