طلت محيا العيوف . . إللي غلاها عفيف
فيها : الكبر و الغيا و الغطرسه و الحلا
ما بين سحر المفاتن و الضمير النظيف
وشلون . . ما أقول تفرق عن جميع الملا
العود ماله شبه . . و الوجه ماله وصيف
جمالها ؟ . . يستحق " التضحيه و الولا 🤍
الله عطاك الجمال ، الباذخ ، السافر
إللي : ما شفته على لبّاسة .. الشيله
بـ عيونك السود مايؤمن به الكافر
رمشٍ : تبرّت بناته .. من رياجيله !
والصدر توّه على أول زمته .. نافر "
لا واهني من تقهوى .. من فناجيله :)
عين اشقرٍ شاف الحباري وقام يتوق
لمحها هريب مقفياتٍ مع العبله
وحش فارسي مابعد حِط فيه سبوُق
من الماكر اللي راعي الصنف يتعب له
هو اللي غرامه ساقني بالموده سوق
له اربع سنين لاعبٍ فيني السبله
صواب المحبه يخلف العاقل الماثوق
و ترا من يلوم مولع القلب ياخبله
إقربي يام القبال اللي ملى الدنيا رحابه
واضحكي حتى لو انه لاحق قلبك مضره
مانتي اللي لو يغيب .. سنين ماطول غيابه
انتي اللي لو غيابه .. يوم واحد .. مت حره
وجهك الوضاح شمس وثغرك الباسم سحابه
وعينك النجلا ملاذ .. وعاتقك لله دره
انتي المرباع ، و القايده ، و الاتجاه
واخر الامال واكبر هدف واول طموح
ㅤ
قبل اعرفك ما عرفت الوضيحي والمهاه
ولا اعرف ورقاً تغني ، ولا ورقاً تنوووح
ㅤ
بايعً لـ اجلك حياتي وانا احب الحياه
الحياه بدووونك اشر من روحٍ تروح
خشف ريمٍ جيدها فارقٍ عن كل جيد
البشر من تحتها والسماء بـ علوّها
ㅤㅤ
ضعت بين عيونها السود والثغر الفريد
عادها بـ اول سنين الزهور .. وتوّها
ㅤㅤ
لينت قلبي وانا خابر ان قلبي حديد
ما دريت ان المشاعر علي يا قوّها .