سِيرينْ العنزِيّ

[سِيرينْ العنزِيّ @oiij1_]

«ودي اطلع من الدنيا بأقل الخساير
وسمعةٍ ما تموت .. وسيرةٍ حاتميه»

[سِيرينْ العنزِيّ @oiij1_]

ضاقت معك عوْج السنين وتضايقَت
واحتالَت أيَّام الرَّضا، والبشاير

وشعّ الصباح وفي ظنونك تعلَّقت
وأنا عشان «أدلّ، وأتيه» حاير

مثل القصِيْد إذا اجتمعت، وتفرَّقت
أيَّام ، وأحداث ، وكلام ، وعباير!

عسى يداعب وَجْنتك كلّ ما ضقت
صبحٍ نسانيسه تدفّ الستاير!

[سِيرينْ العنزِيّ @oiij1_]

صَامِدٌ فِي وَجْهِ إِعْصَارِ النَّوَى
سَاكِنٌ كَاللَّيْلِ، مُشْتَاقٌ، مُعَنَّى

[سِيرينْ العنزِيّ @oiij1_]

يا طلةٍ مدري نجم ؟ مدري صباح ؟
يا طلة الوجه البشُوش الأصبحي

يا عيْطموس الحسن يا سيد المِلاح
عـز الله إنِّي جيت . . كلي منتحي

— بن جدْلان

[سِيرينْ العنزِيّ @oiij1_]

انتي الفارع بقد و جد . . واسماء وكنايه
من عشق مثلك يجوز من الهوى وشداد ريمه

ليه لا ؟ وانتي بحسنك لذاوات الحسن آيـه
لا ذهب لا ماس لا ياقوت . . لا احجار كريمه

شاعر له مع هل الرايات في المرقاب رايه
كل ماهبت هبوبك . . فلها قدر وحشيمه

— ضِيدان بن قضعان

[سِيرينْ العنزِيّ @oiij1_]

الحب واجد مير الاقدار صلفه
والأرض واجد لكن الحلم منفي

واللي اعرفه راح ماعاد اعرفه
ولاظن يذكرني الى أقبلت مقفي

ماهو حبيبي مورد القلب حتفه
ولا هو حبيبي يفرح بوقت ضعفي

مر ثمر هالليل .. وأمر قطفه
يالحنظل اللي قمت اذوقه بكفي

متى الشوارع تجمع اثنين صدفه
لا صار شباك المواعيد مجفي

[سِيرينْ العنزِيّ @oiij1_]

مانتي بورده بين ضلع وبين جال
ولا انتي سحابة والعرب يتلونها

ولا انتي قمر مره بدر مره هلال
ولا انتي شمس احيان مايبغونها

انتي سعاده بعد دمعة وابتهال
لا زاد رقّ إحساسها وشجونها

[سِيرينْ العنزِيّ @oiij1_]

«ما فيه شيءٍ تركته . . سامحٍ منه
انا أكثر اللي تركته كنت محتاجه»

— مشعل بن ثروي

[سِيرينْ العنزِيّ @oiij1_]

مرحبا من سبب ولا بليّا سبايب
ياسبب كل جرح ويادوى كل عله

ياحبيبي بدون أدنى شكوك وطلايب
والله وبالله — اللي كوّن الكون كله

إنك الحاضر اللي كن ماهوب غايب
وإنك الغايب اللي . . ماتغير محله

— علي الدعيـه

[سِيرينْ العنزِيّ @oiij1_]

يجمل خطاك بعيني إنك قليل أشباه
لو إن الخطا اللي منك ماهو بـ العاده

شعور الرضا ماكل من دوّره يلقاه
وأنا راضيٍ باللي يجي منك وزياده

— عبدالعزيز العبلان

[سِيرينْ العنزِيّ @oiij1_]

ياعازفٍ عمري على نغمة العود
هذي حياتي . . غنها لي قصايد

مرٍ على الهين ومرٍ على الكود
وعمر الفتى لحظات هين وكايد

واسمع من الخافق رجعٍ ومردود
قلبٍ مع الونات قد له عوايد

— خالد الفيصل

[سِيرينْ العنزِيّ @oiij1_]

يا أول الحُبّ
شفتك أنا مرَّه
وأهديت لَك قلب
ورديت لي جمرَه

[سِيرينْ العنزِيّ @oiij1_]

اروح لمكانٍ خابره . . خابره يأتيه
اسوق القدم صوبه وهي مالها حاجه

مكانٍ نزيه وأول مواجهي له فيه
وانا خابرٍ مارجل مثله . . بدوّاجه

لعل وعسى مادعاني للمجي يدعيه
واشوفه وانا ما ودّي أسبب أحراجه

— محمد بن فطيس

[سِيرينْ العنزِيّ @oiij1_]

مَا شَمَمْتُ الوَردَ إِلَّا
زَادَنِي شَوْقاً إِلَيكَ
وَ إِذَا مَا مَال غُصْنٌ
خِلتُهُ يَحنُو عَلَيكَ
لَستَ تَدرِي مَا الَّذِي قَدْ
حَلَّ بِي مِن مُقْلَتيْكَ
إِنْ يَكُنْ جِسمِي تَنَاءَى
فَالحَشَا بَاقٍ لَديْكَ
كُلُّ حُسْنٍ فِي البَرَايَا
هُوَ مَنسُوبٌ إِلَيكَ

[سِيرينْ العنزِيّ @oiij1_]

قسم بالله مفرحني شعور انك هناك بخير
مثل فرحة فقير حاجته منه استغلوها

اذا وقف بعيد وشاف بنته من بعيد تسير
ضحك لاشافها تضحك لاهلها الي تبنوها

[سِيرينْ العنزِيّ @oiij1_]

أثقل غنج و أرقى دلع و أفصح أسلوب
فيها براءة طفل . . و فطنة عجيّز

جمالها لا قلت محسوب محسوب
مآخذ بها عن باقي الغيد حيّز

هذيك ما يصلح لها أي محبوب
يصلح لها محبوب جدًا مُميّز

[سِيرينْ العنزِيّ @oiij1_]

ما مرتني الذكرى القديمه مرور كرام
احس بوجعها ينتشر داخل اعماقي

تعشى الحزن اطراف كبدي وشبع وقام
وانا خايف يعود ويفطر على الباقي

— حزمي بن سعَد

[سِيرينْ العنزِيّ @oiij1_]

اللهم صلِّ وسلِم على نبينا محمد

[سِيرينْ العنزِيّ @oiij1_]

الِّليالي عيَّفتني . . وأنا طبعي عيُوف
لين نفسي فضَّلت صبْرها وسكاتها

شي من حدِّة مزاجي وشي من الظُّروف
متشبعٍ من ضجيج البِشر وأصواتها

— سفر الدغيلبي

[سِيرينْ العنزِيّ @oiij1_]

يرضيك ؟

و أنت أغلى بشر و أقرب إنسان
تسكني الغربه و أنا في بلادي؟

وشلون أجي تعبان و أروح تعبان
بالعاطفة مافيه موقف حيادي !

هذي حياتي لوحه و علبة ألوان
و ريشة حزن سرقتها من عبادي

حطيتها قدام عينك على شان
تختار فيها لون .. غير الرمادي

[سِيرينْ العنزِيّ @oiij1_]

الأمام الشافعي في أحد أبياتهُ يقول :

يُخاطِبُني السَفيهُ بِكُلِّ قُبحٍ
فَأَكرَهُ أَن أَكونَ لَهُ مُجيبا
يَزيدُ سَفاهَةً فَأَزيدُ حِلماً
كَعودٍ زادَهُ الإِحراقُ طيبا